កម្ពុជាដំណឹង

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។

សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ នៅមុននេះបន្តិច បានឲ្យដឹងថា ករណីរកឃើញអ្នកជំងឺកូវីដ-១៩ថ្មី ចំនួន២៦នាក់នេះ ក្នុងនោះមាន​និស្សិត​ប្រុស២៦នាក់ ត្រឡប់ពីសិក្សាក្នុងប្រទេសរ៉ុស្ស៊ី និងប្រទេសអេហ្សីព និងបុរសម្នាក់ទៀត មកពី​ប្រទេសកូរ៉េខាងត្បូង ក្នុងជើងហោះហើរ ពីរផ្សេងគ្នា។

និស្សិតប្រុសទាំង២៥នាក់ ស្ថិតក្នុងជើងយន្ដហោះ ពីប្រទេសរ៉ុស្ស៊ី ឆ្លងកាត់តាម​ប្រទេស​ម៉ាឡេស៊ី និងមកដល់កម្ពុជា នៅថ្ងៃទី១៩ ខែកក្កដា ឆ្នាំ២០២០។ ចំណែកបុរសម្នាក់ទៀត ដែលមានអាយុ៦៥ឆ្នាំ បានជិះយន្ដហោះ ហោះផ្ទាល់ពីប្រទេសកូរ៉េខាងត្បូង ចូលមកកម្ពុជា ក្នុងថ្ងៃនោះដដែល។

អ្នកជំងឺទាំងអស់ ត្រូវបានបញ្ជូនទៅសម្រាកព្យាបាល នៅ មណ្ឌលសុខភាពចាក់អង្រែ រាជធានីភ្នំពេញ។ ខណៈអ្នកដំណើរដែលរួមដំណើរ លើយន្តហោះទាំង២ សរុបចំនួន២២៨នាក់ផ្សេងទៀត ត្រូវបានដាក់ ឲ្យធ្វើចត្តាឡីស័ក ដើម្បីតាមដានបន្តទៀត។

សេចក្ដីប្រកាសព័ត៌មាន បានឲ្យដឹងដែរថា ក្នុងថ្ងៃអង្គារទី២២ ខែកក្កដានេះ អ្នក​ជំងឺ​បួន​នាក់ បានជាសះស្បើយ​ពីជំងឺ និងបានចេញពីមន្ទីរពេទ្យ ក្នុងនោះមាន៣នាក់ ជាបរុសខ្មែរ ដែលត្រឡប់​មកពី​ប្រទេស អារ៉ាប៊ីសាអូឌីត និងម្នាក់ទៀតជាបុរសខ្មែរ ដែលត្រឡប់មកពីប្រទេសឥណ្ឌូនេស៊ី។

តួលេខរកឃើញអ្នកឆ្លងថ្មី បានធ្វើឲ្យកម្ពុជាមានករណីឆ្លង «Covid-19» កើនឡើងសរុប ចំនួន១៩៧នាក់ (ស្ត្រី៤៣នាក់ និងបុរស១៥៤នាក់) ក្នុងនោះចំនួនអ្នក​ជាសះស្បើយ សរុប​ទូទាំងប្រទេស មានចំនួន១៤០នាក់ (ស្រី៣៩នាក់ និងបុរស១០១នាក់)៕



លំអិតបន្ថែមទៀត

កំសាន្ដ

Covid-19៖ ម៉ាស់​និង​ស្រោមដៃ កំពុង​បំពុល​ទឹកសមុទ្រ​មេឌីទេរ៉ាណេ

ម៉ាស់​និង​ស្រោមដៃ ដែលជាឧបករណ៍ពេទ្យ​ដ៏សំខាន់ ក្នុងការព្យាបាល ឬថែរក្សាអ្នកជំងឺ «Covid-19» ត្រូវបានប្រទះឃើញជាច្រើន នៅក្នុងទឹកសមុទ្រ មេឌីទែរ៉ាណេ។ ក្រុមអ្នក​ស្រឡាញ់​ធម្មជាតិ មកពីសមាគម «Opération Mer Propre ...
កម្ពុជា

ហ៊ុន សែន ថាពលរដ្ឋ«គ្មានជម្រើស»​ទេ ចំពោះ​វិស័យ​សុខាភិបាល​កម្ពុជា

នៅចំពោះវិបត្តិជងឺ «កូរូណា» ឬ «Covid-19» ដែលកំពុងបន្តរាតត្បាត លើផ្ទៃប្រទេស លោកនាយករដ្ឋមន្ត្រី ហ៊ុន សែន បានថ្លែងដាក់កំហិតឡើងថា ពលរដ្ឋកម្ពុជា«គ្មានជម្រើស»អ្វីផ្សេង ក្រៅពីស៊ូទ្រាំ ទទួលយកការព្យាបាល ...
កម្រមាន

Covid-19៖ ចាប់ខ្លួន​«គិលានុបដ្ឋាយិកា»​ម្នាក់​ ព្រោះ​លួចលុយ​អ្នកជំងឺ

ក្នុងពេលដែលវិបត្តិជំងឺ«Covid-19» កំពុងរាតត្បាតសហរដ្ឋអាមេរិក «គិលានុបដ្ឋាយិកា»​ម្នាក់ ត្រូវបានចាប់ខ្លួន កាលពីថ្ងៃព្រហស្បត្តិ៍។ មន្ទីរពេទ្យមួយក្នុងក្រុងញូយក បាន​ព្យួរ​ស្ត្រី​រូបនោះ​​ពីការងារ បន្ទាប់ពីរងការចោទថា បានលួចយកទៅប្រើប្រាស់ នូវ​ប័ណ្ណ​ឥណទាន (Credit Card) របស់​អ្នកជំងឺ«Covid-19»មួយរូប ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...