ដំណឹងពិភពលោក

Covid-19៖ នៅរុស្ស៊ី រកឃើញ​ករណីឆ្លង​ជិត​១ម៉ឺននាក់ ត្រឹមតែ​១ថ្ងៃ

ប្រទេសរុស្ស៊ី បានរកឃើញករណីឆ្លងជំងឺ «Covid-19» មានចំនួន ៩ ៧០៩នាក់ ត្រឹមតែ​១ថ្ងៃ ខណៈអ្នកជំងឺស្លាប់ មានចំនួន ៩៤នាក់ ដែលជាចំនួនដ៏ច្រើន ជាលើកទី៣ ក្នុងរយៈពេល ១សប្ដាហ៍កន្លងទៅនេះ។

របាយការណ៍តួលេខ ដែលទស្សនាវដ្ដីមនោរម្យ.អាំងហ្វូ បានចូលទៅពិគ្រោះ បង្ហាញថា មកដល់ម៉ោងនេះ ករណីមនុស្សស្លាប់ នៅក្នុងប្រទេសរុស្ស៊ី បានកើនឡើង រហូតដល់ ២ ៦៣១នាក់ ពីក្នុងចំណោមអ្នកឆ្លងជំងឺ ២៨១ ៧៥២នាក់ នៅទូទាំងប្រទេស។

ចំនួនអ្នកឆ្លងជំងឺ «Covid-19» នៅក្នុងប្រទេស ដែលមានផ្ទៃដី ធំជាងគេមួយនេះ បាននៅពីក្រោយ​សហរដ្ឋអាមេរិក ដែលមានអ្នកឆ្លងមេរោគ កើនឡើងដល់ ១ ៥១៦ ០៧៤នាក់ និងអ្នកជំងឺស្លាប់ មាន ៨៩ ៩៣២នាក់។

ចំនួនករណីឆ្លងដ៏សន្ធឹកសន្ធាប់ បានកើតឡើង ស្របនឹងការរិះគន់ ដែលបានគិតថា តួលេខអ្នកជំងឺស្លាប់ មិនសមប្រកប ជាមួយនឹងតួលេខអ្នកស្លាប់ ដែលប្រកាសចេញជាផ្លូវការនោះទេ និងចោទថា អាជ្ញាធរបានលាក់តួលេខ នៃអ្នកជំងឺស្លាប់។

ប៉ុន្តែការចោទប្រកាន់ខាងលើ ត្រូវបានអាជ្ញាធរសុខាភិបាលរុស្ស៊ី ច្រានចោល ដោយបញ្ជាក់ថា តួលេខដែលបានប្រកាស ជាផ្លូវការនោះ គឺអ្នកជំងឺដែលបានស្លាប់ ដោយមូលហេតុចម្បង គឺជំងឺ «Covid-19»។

អាជ្ញាធរបកស្រាយទៀតថា ដោយហេតុថា ការរាតត្បាត បានមកដល់ប្រទេសរ៉ុស្ស៊ី ក្រោយគេ ដូច្នេះហើយ ទើបអាជ្ញាធរមានពេលវេលា ក្នុងការរៀបចំមន្ទីរពេទ្យ និងការធ្វើតេស្ដិ៍ ដ៏ទូលំទូលាយ សម្រាប់ពលរដ្ឋទូទៅ (ដែលអាចកាត់បន្ថយចំនួនអ្នកស្លាប់)៕ 



You may also like

កម្ពុជា

Covid-19៖ ជប៉ុន​ព្យួរ​ទិដ្ឋាការ​ចំពោះ​ប្រទេស​ជាច្រើន រួមទាំង​​កម្ពុជា

រាជាណាចក្រជប៉ុន បានប្រកាសបិទទឹកដីរបស់ខ្លួន ដោយព្យួរទិដ្ឋាការ និងផ្អាក​ការផ្ដល់​ទិដ្ឋាការ សម្រាប់ជនបរទេស មកពីច្រើនប្រទេស រួមទាំង​កម្ពុជា ដើម្បីអ្វីមួយ ដែល​ប្រទេស​នេះអះអាងថា ដើម្បីពង្រឹងវិធានការ បង្ការ និងទប់ស្កាត់ជំងឺ «Covid-19» ...
វិភាគ អត្ថាធិប្បាយ

វិភាគ ៖ Covid-19 – ហេតុអ្វី ត្រាំ ឆេះដុំ​ដាក់​អង្គការ​សុខភាព​ពិភពលោក?

វិភាគ ៖ តាំងពីច្រើនសប្ដាហ៍ហើយ ដែលសហរដ្ឋអាមេរិក បានក្លាយជាប្រទេសទីមួយ ដែលជំងឺ «Covid-19» វាយលុកខ្លាំងជាងគេ និងទទួលបាន ការយកចិត្តទុកដាក់ខ្លាំងបំផុត ពីសំណាក់អង្គការសុខភាពពិភពលោក (WHO /OMS)។ ...
ដំណឹង

Covid-19៖ បារាំងដាក់ភាគខាងជើង​(ទាំង​ប៉ារីស)​ក្នុងបម្រាម«រលកទី៣»

នៅចំពោះការរាតត្បាត ដែលត្រូវបានកំណត់ថា ជា«រលកទី៣» រដ្ឋាភិបាលបារាំងបានសម្រេចបិទជាថ្មី ចំពោះ​តំបន់​ភាគខាងជើង ចាប់ពីអាធ្រាត​​យប់ថ្ងៃសុក្រ ទី១៩ ខែមីនា ឆ្នាំ២០២១ និងមានរយៈពេល១ខែ។ តំបន់ភាគ​ខាងជើង រាប់ទាំងរដ្ឋធានីប៉ារីសផង មានចំនួនសរុប១៦តំបន់ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...