កម្ពុជាដំណឹង

CNRP ទាមទារ​ឲ្យដោះលែង កឹម សុខា និង​ស្នើអន្តរជាតិ«ចាត់​វិធាន​ការ»

គណ​បក្ស​សង្គ្រោះ​ជាតិ​បាន​​ទាមទារជាថ្មី ឲ្យ​ដោះលែងប្រធានគណបក្ស លោក កឹម សុខា ជា​បន្ទាន់និងដោយ​ឥត​លក្ខខណ្ឌ ​ព្រម​ទាំង​អំពាវ​នាវ​ដល់​សហគមន៍​អន្តរជាតិ​ «ចាត់​វិធាន​ការ»ខ្លាំង​ក្លាបន្ថែម​ទៀត​ ដើម្បី​ឲ្យ​រដ្ឋាភិបាល​របស់​លោក​នាយក​រដ្ឋមន្រ្តី ​ហ៊ុន​ សែន​ ស្តា​លទ្ធិ​ប្រជា​ធិប​តេយ្យ​ និងការគោរពសិទ្ធិមនុស្សឡើង​វិញ។

សម្រាប់អ្នកវិភាគបានពន្យល់ថា ការដោះលែងលោក កឹម សុខា ជាជំហានដ៏ល្អមួយ ឈានទៅដោះស្រាយបញ្ហារវាងខ្មែរនិងខ្មែរ បញ្ចៀសសម្ពាធអន្តរជាតិ និងអនុញ្ញាតឲ្យរក្សាបាន នូវអធិបតេយ្យភាព ឯករាជ្យជាតិ។

​តាម​រយៈ​សេចក្តី​ថ្លែង​ការណ៍​ពីក្រៅ​ប្រទេស​ ដែលទស្សនាវដ្ដីមនោរម្យ.អាំងហ្វូបានទទួល គណ​បក្ស​ប្រឆាំង​ដ៍ធំ​មួយ​នេះ​បាន​រំលឹក​ថា មក​ដល់​ថ្ងៃទី​៣​ ខែ​មីនា ​ឆ្នាំ​២០១៩​នេះ គឺ​មាន​រយៈ​ពេល​១៨​ខែ​ហើយ​ ដែល​លោក កឹម សុខា ត្រូវ​បាន​អាជ្ញាធរលោក ហ៊ុន សែន ​ចាប់​ឃុំខ្លួន ទាំង​នៅពន្ធនា​គារ​ត្រពាំង​ផ្លុង រួច​បន្ត​មក​នៅ​ក្នុង​ផ្ទះមក​ទល់​ពេល​នេះ។

ចំណាត់ការចាប់ខ្លួន និងឃុំខ្លួនប្រធានគណបក្សសង្គ្រោះជាតិ ត្រូវបាន​គណ​បក្ស​ប្រឆាំងមួយនេះ​ចាត់ទុកថា ធ្វើឡើង«​ដោយ​អយុត្តិធម៌ ដែលរំលោភ​បំពានយ៉ាងកំរោលលើ​ច្បាប់ និង​រដ្ឋធម្មនុញ្ញ»​របស់​កម្ពុជា។

​គណ​បក្ស​ប្រឆាំងបានហៅការ​ចាប់​ខ្លួន និង​ឃុំ​ខ្លួន លោក កឹម សុខា បែបនេះ គឺ​ជា​«ចេតនា​នយោបាយ​ ក្នុង​ការ​កម្ចាត់​គូ​ប្រជែង​នយោបាយ​​ ដ៍​មាន​សក្តា​នុពល និង​ជា​ការ​បំបាក់​ស្មារតី​អ្នក​ប្រជា​ធិប​តេយ្យ ដែល​ស្រលាញ់​សិទ្ធិសេរី​ភាព ការ​គោរព​សិទ្ធិ​មនុស្ស និង​យុត្តិ​ធម៌»។

សេចក្ដីថ្លែងការណ៍បានសរសេរថា៖

«គណបក្ស​សង្គ្រោះជាតិ ​ទាមទារឲ្យរបបក្រុងភ្នំពេញ​ ដោះ​លែងលោកប្រធាន កឹម សុខា ជា​បន្ទាន់ និងដោយ​ឥត​លក្ខខណ្ឌ ហើយក៏សូម​អំពាវ​នាវ​ដល់​សហគមន៍​អន្តរជាតិ ចាត់​វិធាន​ការ ឲ្យបានខ្លាំង​ក្លា​ថែម​ទៀត ដើម្បីឲ្យរបបក្រុងភ្នំពេញ ស្ដារលទ្ធិប្រជាថិបតេយ្យ និងការគោរពសិទ្ធិមនុស្សនៅកម្ពុជាឡើង​វិញ។»

លោក ផៃ ស៊ីផាន អ្នកនាំពាក្យ​​រដ្ឋាភិបាល​កម្ពុជា បាន​ប្រតិកម្មប្រាប់សារព័ត៌មានក្នុងស្រុក ថាលោកមិនចាប់អារម្មណ៍នឹងការលើកឡើងរបស់គណបក្សមួយ ដែលត្រូវតុលាការរំលាយចោលទៅហើយនោះទេ។ លោក ផៃ ស៊ីផាន គ្រាន់តែពន្យល់ថា បើ​លោក​​ឆ្លើយតប​មានន័យថា ​មិនគោរព​សាល​ដីកា​របស់​តុលាការ​កំពូល។

សម្រាប់លោក ឡៅ ម៉ុងហៃ អ្នកវិភាគឯករាជ្យបានពន្យល់ថា ការដោះលែងលោក កឹម សុខា ជាការបើកទ្វាដើម្បីឈានទៅដោះស្រាយបញ្ហា រវាងខ្មែរនិងខ្មែរ ហើយអាចបញ្ចៀសសម្ពាធ ពីសំណាក់សហគមន៍អន្តរជាតិ។ លោក បានសរសេរនៅលើបណ្ដាញសង្គមថា៖​

ដោះលែង កឹម សុខា ចាប់ចរចាគ្នា ដោះស្រាយបញ្ហាក្នុងដែនដីកម្ពជា វាធានាអធិបតេយ្យភាព ឯករាជ្យជាតិ ឲ្យរួចពីសម្ពាធជាតិដទៃ

Gepostet von Mong Hay Lao am Sonntag, 3. März 2019


លំអិតបន្ថែមទៀត

កម្ពុជា

អ្នកជំនាញ អ.ស.ប ស្នើជាថ្មី​ឲ្យកម្ពុជា​គោរពសិទ្ធិ​ ជនជាប់ចោទ​ទាំង​​៦០នាក់

ការជំនុំជម្រះក្ដី​លើ ជនជាប់ចោទ​ទាំង​​៦០នាក់ ដែលនឹងត្រូវធ្វើឡើង ក្នុងថ្ងៃតែមួយ នៅថ្ងៃទី១៤ ខែមករា ឆ្នាំ២០២១ខាងមុខ នឹងធ្វើឲ្យ​«សិទ្ធិបុគ្គល​របស់ពួកគេ ក្នុងការទទួលបាន​ការជំនុំជម្រះក្តី ប្រកបដោយយុត្តិធម៌ ត្រូវប្រឈមនឹងហានិភ័យ»។ នេះ ជាការអះអាងឡើង ...
កំសាន្ដ

ព័ត៌មាន​នាងគ្រត៖ កឹម សុខា មាន​ជំនិត​ជា​«ថីបក»

ព័ត៌មាន​នាងគ្រត៖ ខ្ញុំមិនសូវចេះភាសា«អង់គ្លេស»ច្រើនទេ តែគ្រាន់តែកេះៗ គ្រាន់នឹងបានឆ្អែកក្រពះ ជាមួយ​បងប្អូន អ្នកស្រុកស្រែចំការយើងដែរ ណាទាន។ ហើយឮសូរព័ត៌មានមួយ ដែលបកប្រែចេញ ដោយលោកថី​ម្នាក់ ដែលស្និត​ប្រធានគណបក្សប្រឆាំង លោក កឹម ...
លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)
កម្ពុជា

អង្គការ​ឃ្លាំមើល​សិទិ្ធមនុស្ស ស្នើ EU ឲ្យបន្ថែមទណ្ឌកម្ម​លើរបបក្រុង​ភ្នំពេញ

សម្រាប់ អង្គការ​ឃ្លាំមើល​សិទិ្ធមនុស្ស (Human Rights Watch) បានលើកឡើងថា ការចាប់ចងលោក រ៉ុង ឈុន ជាព្រឹត្តិការណ៍រំលោភសិទ្ធិមនុស្ស​ចុងក្រោយ និងថ្មីទៀត របស់របប​ក្រុង​ភ្នំពេញ ដែលសហភាពអ៊ឺរ៉ុប ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...