កម្ពុជាដំណឹង

រលំអគារចិន៖ CNRP ទាមទារ​ឲ្យ​ត្រួតពិនិត្យ​អគារ សង់ដោយ​ចិន​ទាំងអស់

ពីក្រៅប្រទេស គណបក្សសង្គ្រោះជាតិ ដែលត្រូវតុលាការកំពូលរំលោយចោល បានទាមទារឲ្យរបបក្រុងភ្នំពេញ ចាំបាច់ត្រូវត្រួតពិនិត្យអគារ របស់ចិន ឬ សង់ដោយ​ចិន​ទាំងអស់ ដើម្បីបញ្ចៀសសោកនាដកម្ម ដោយការរលំបាក់អគារ។

នេះ បើតាមសេចក្ដីថ្លែងការណ៍មួយ ដែលគណបក្សនេះ បានចូលរួមសោកស្ដាយ និងមរណទុក្ខ ទៅដល់ជនរងគ្រោះទាំងអស់ នៅក្នុងហេតុការណ៍រលំបាក់អគារ កំពស់​៧ជាន់ ដែល​សាងសង​ដោយក្រុមហ៊ុនចិន នៅខេត្តព្រះសីហនុ កាលពីព្រឹកថ្ងៃសៅរ៍កន្លងមក។ 

សេចក្ដីថ្លែងការណ៍នោះ ដែលទស្សនាវដ្ដីមនោរម្យ.អាំងហ្វូ ទទួលបានកាលពីមុននេះ នៅបានថ្កោលទោស ចំពោះអាជ្ញាធររបបក្រុងភ្នំពេញ ដែលគណបក្សប្រឆាំងលើកឡើងថា បាន«ធ្វេសប្រហែស»ចំពោះការគ្រប់គ្រង និងត្រួតពិនិត្យសំណង់អាគារ រហូត«បង្កឲ្យមានសោកនាដកម្ម ដ៏សោកសង្រេង»នេះឡើង។

គណបក្សសង្គ្រោះជាតិ ដែលធ្លាប់ឈ្នះអសនៈជិតពាក់កណ្ដាល ក្នុងរដ្ឋសភាជាតិ បានទាមទារឲ្យរបបក្រុងភ្នំពេញ ត្រូវទទួលខុសត្រូវ ចំពោះសោកនាដកម្មខាងលើ ដោយត្រូវផ្ដន្ទាទោសបុគ្គល ដែលពាក់ព័ន្ធ ជាពិសេសមន្ត្រីអាជ្ញាធរ នៅក្នុងខេត្តព្រះសីហនុ និងមន្ត្រីពាក់ព័ន្ធដទៃទៀត។

កាលពីមុននេះបន្តិច លោកនាយករដ្ឋមន្ត្រី ហ៊ុន សែន បានសម្រេចឲ្យលោក យន្ដ មីន លាលែងពីតំណែង តាមការស្នើសុំរបស់លោក និងបានសម្រេចដកលោក ញឹម វណ្ណដា ចេញពីតំណែងជាទេសរដ្ឋមន្ត្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ។

បើតាមលោក ហ៊ុន សែន ការសម្រេររបស់លោក ធ្វើឡើងក្រោមហេតុផលថា លោក យន្ដ មីន បាន«ទទួលស្គាល់កំហុស លើការគ្រប់គ្រង ក្នុងដែនសមត្ថកិច្ចរបស់ខ្លួន ដែលបណ្តាល ឲ្យមានរឿងឈឺចាប់កើតឡើង» ខណៈលោក ញឹម វណ្ណដា បានប្រព្រឹត្តិកំហុស ពីការមិនទទួលខុសត្រូវ និងពីការភូតភរ។

អគារ«សង់ដោយ​ចិន​ទាំងអស់»

យ៉ាងណា គណបក្សប្រឆាំងបានប្រតិកម្មបន្តទៀត ដោយទាមទារឲ្យរបបក្រុងភ្នំពេញ ចាំបាច់ត្រូវធ្វើការត្រួតពិនិត្យ និងអនុវត្តច្បាប់ ឲ្យបានត្រឹមត្រូវ ទៅលើរាល់សំណងទាំងឡាយណា ដែលសាងសង់ដោយជនជាតិចិន ឬក្រុមហ៊ុនចិន។ សេចក្ដីថ្លែងការណ៍ បានសរសេរថា៖

«របបក្រុងភ្នំពេញ ត្រូវចាត់វិធានការ និងអនុវត្តច្បាប់យ៉ាងម៉ឺងម៉ាត់ និងឲ្យបានត្រឹមត្រូវ ពាក់ព័ន្ធនឹងវិស័យសំណង់ ជាពិសេសសំណងអគារទាំងអស់ របស់ជនជាតិ ឬសាងសង់ដោយក្រុមហ៊ុនវិនិយោគចិន នៅលើទឹកដីនៃព្រះរាជណាចក្រកម្ពុជា។»

កាលពីម្សិលម៉ិញ គណៈកម្មការមួយ ត្រូវបាននាយករដ្ឋមន្ត្រីបង្កើតឡើង ដើម្បី« ត្រួតពិនិត្យគុណភាពសំណង់ នៅខេត្តព្រះសីហនុ»។ នេះ បើតាមសេចក្ដីសម្រេចមួយ ដែលត្រូវបានចុះហត្ថលេខា យ៉ាងប្រថុចញ៉ុច នៅមួយថ្ងៃក្រោយហេតុការណ៍ រលំបាក់អគារ ដែលតុល្យភាពមនុស្សស្លាប់ បានកើនឡើង​មកដល់ពេលនេះ រហូត២៥នាក់ និងមនុស្សរបួស មានចំនួន២៤នាក់។

គណៈកម្មការនោះ ដឹកនាំដោយលោក ឡៅ ទិព្វសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងមានលោក អ៊ុក គឹមលេខ រដ្ឋលេខាធិការប្រសួងមហាផ្ទៃ ជាអនុប្រធាន បូករួមនឹងសមាជិក១៣នាក់ទៀត ក្នុងនោះមានលោក យន្ត មីន អភិបាលខេត្តព្រះសីហនុមួយរូបផង៕



លំអិតបន្ថែមទៀត

កម្ពុជា

«ប្រទេសរំដួល និយាយ​ប្រឆាំង​ក៏ជាប់គុក និយាយតាម​ក៏ជាប់គុក»

ធ្វើម៉េចទៅអញ្ចឹង? នៅប្រទេស«រំដួល» និយាយ​ប្រឆាំង​ក៏ជាប់គុក ហើយបើងាក មក​និយាយ​តាម ក៏ជាប់គុក? នេះជាប្រតិកម្មមួយ ពីក្នុងចំណោម ប្រតិកម្មជាច្រើន ជុំវិញ​ការចាប់ខ្លួន អ្នកសារព័ត៌មានមួយរូប កាលពីថ្ងៃទី៧ ខែមេសាកន្លងទៅ ...
កម្ពុជា

អង្គការ​មាតាធម្មជាតិ នឹង​បញ្ចេញ​វីដេអូថ្មី​​ស្ដីពី​«ភ្នំសម្រាម»​នៅ​ក្រុងព្រះសីហនុ

អង្គការ«មាតាធម្មជាតិ» ដែលមានលោក អាឡិច ហ្គន់សាឡេស ដេវិតសុន ជាស្ថាបនិក និងដែលត្រូវរបបដឹកនាំលោក ហ៊ុន សែន បណ្ដេញចេញពីកម្ពុជា បានប្រកាសថា នឹងចេញវីដេអូមួយទៀត នៅចុងសប្ដាហ៍ខាងមុខ ...
កម្ពុជា

បាតុកម្ម​ភ្លើង​ទៀន៖ ចលនា​«ពន្លឺ​ភ្លើង​ទៀន»​ផ្ទុះឡើង​ នៅ​ជុំវិញ​ពិភពលោក

បាតុកម្មភ្លើងទៀន មិនមែនជាព្រឹត្តិការណ៍តែមួយ ដែលកើតនៅប្រទេសកូរ៉េខាងត្បូង និងដែលរៀបចំឡើង ដោយក្រុមយុវជនគណបក្សសង្គ្រោះជាតិ នោះទេ។ ប៉ុន្តែ«ពន្លឺ​ភ្លើង​ទៀន» បានផ្ទុះឡើងនៅពាសពេញពិភពលោក ដើម្បីបង្ហាញសាមគ្គីភាព ជាមួយនឹងក្រុមយុវជន-ពលករ-និស្សិតខ្មែរ នៅកូរ៉េ ដែលបានប្រមូលគ្នារាប់ពាន់នាក់ ចូលមកធ្វើបាតុកម្មក្នុងយប់ថ្ងៃសៅរ៍ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...