កម្ពុជាដំណឹង

កម្ពុជា​រកឃើញ​ករណី​អ្នកជំងឺ «Covid-19» ចំនួន​៤នាក់​បន្ថែម

កម្ពុជាបានបញ្ចេញតួលេខផ្លូវការ នៃករណីឆ្លងមេរោគ «កូរូណា» ឬ «Covid-19» ចំនួន​៤នាក់​បន្ថែម ក្នុងយប់ថ្ងៃទី២៤ ខែមីនានេះ ដែលធ្វើឲ្យតួលេខអ្នកឆ្លងមេរោគ សរុបមានចំនួន ៩១នាក់។

សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ដែលចេញផ្សាយ នៅមុននេះបន្តិច បានបញ្ជាក់ថា អ្នកជំងឺទាំងបួននាក់ ដែលត្រូវបានរកឃើញចុងក្រោយ ជាជនបរទេស ក្នុងនោះ ២នាក់ជាជនជាតិអង់គ្លេស និងពីរនាក់ជាជនជាតិបារាំង។ ពួកគេជាអ្នកដំណើរ ជិះនៅលើនាវា «Viking Cruise» ដែលចូលចតក្នុងខេត្តកំពង់ចាម។

ក្រសួងបានបញ្ជាក់ទៀតថា មកដល់ពេលនេះ មានអ្នកជំងឺជនជាតិខ្មែរ៤នាក់ ត្រូវបានព្យាបាលឲ្យជាសះ បន្ថែមពីលើជនជាតិបរទេសពីរនាក់ (ចិនម្នាក់ និងអង់គ្លេសម្នាក់) ដែលបានជាសះពីជំងឺនេះដែរ តាំងពីមុនមក។

នាយកដ្ឋានប្រយុទ្ធនឹងជំងឺឆ្លង របស់ក្រសួងសុខាភិបាល បានបញ្ជាក់បន្ថែមថា មកដល់ពេលនេះ កម្ពុជាពុំទាន់រកឃេីញភ័ស្តុតាង បញ្ជាក់ពីការឆ្លង នៅក្នុងសហគមន៍នៅឡេីយទេ។ ប៉ុន្តែស្ថាប័នមួយនេះ បានព្រមានថា លទ្ធភាពនៃការឆ្លង ក្នុងសហគមន៍ នឹងអាចកេីតមានឡេីង​ ។

ភូមិស្រុកដែលឆ្លងមេរោគច្រើន អាចត្រូវបិទការចេញចូល

យ៉ាងណា ប្រទេសកម្ពុជានៅមិនទាន់អនុវត្តន៍ ការធ្វើតេស្ដិ៍ ទៅតំបន់សង្ស័យណាមួយ ទាំងមូលនៅឡើយ។ ការធ្វើតេស្ដិ៍ជាទូទៅ ដើម្បីស្វែងរក «អ្នកផ្ទុកមេរោគ» ក៏មិនត្រូវបានធ្វើ ទៅលើប្រជាជនកម្ពុជា ឬទៅលើក្រុមពលករចំណាកស្រុក ដែលវិលត្រឡប់ចូលក្នុងប្រទេសវិញដែរ។

លោក ស ខេង រដ្ឋមន្ត្រីក្រសួងមហាផ្ទៃ  អះអាងថា អាជ្ញាធរកម្ពុជាមិនមានលទ្ធភាព ពិនិត្យសុខភាពរបស់ពលករ ត្រឡប់មកពីប្រទេសថៃវិញ ឱ្យបានដិតដល់ទេ។ ដោយហេតុនេះ ទើបលោកស្នើសុំគោលការណ៍ ពីលោកនាយករដ្ឋមន្ត្រី ហ៊ុន សែន ទៅចុះពិនិត្យនៅតាមភូមិស្រុកបន្ត ហើយអាចបិទការចេញចូល ជាបណ្តោះអាសន្ន ទៅលើភូមិស្រុកណា ដែលមានផ្ទុះជំងឺ «Covid-19» ខ្លាំង៕​



លំអិតបន្ថែមទៀត

កម្ពុជា

ហ៊ុន សែន ផ្តាំទៅ​គូប្រកួត​ឲ្យ​«ហ្វឹកហាត់​ឲ្យ​ស្ទាត់» កុំឲ្យ​ចាញ់ដូចមុនៗ

បន្ទាប់ពីខកខាន លែងបានហាត់ប្រាណ អស់រយៈពេលជាច្រើនសប្ដាហ៍ លោកនាយករដ្ឋមន្ត្រី ហ៊ុន សែន បានធ្វើការហាត់ប្រាណនេះឡើងវិញ នៅថ្ងៃនេះ និងបានឆ្លៀតផ្ញើរសារ ទៅកាន់គូប្រកួតរបស់លោក ឲ្យ«ហ្វឹកហាត់​ឲ្យ​ស្ទាត់» ដើម្បីកុំឲ្យ«ចាញ់ដូចមុនៗ»។ ការផ្ញើរសារនោះ ...
ដំណឹង

Covid-19៖ ពលរដ្ឋ​បារាំង​ជិត១៥​ម៉ឺននាក់ ត្រូវបានរៀបចំឲ្យវិលចូលស្រុក

មកដល់ម៉ោងនេះ ពលរដ្ឋ​បារាំង​ជិត១៥​ម៉ឺននាក់ ត្រូវបានដឹកត្រឡប់ មកដល់ប្រទេសបារាំងវិញ ស្របពេលដែលប្រទេសនានា នៅជុំវិញពិភពលោក កំពុងចាត់វិធានការ ដើម្បីទប់ស្កាត់ការរាតត្បាត នៃជំងឺ«Covid-19»។ នេះ បើតាមតួលេខ ផ្ដល់ដោយក្រសួងការបរទេសបារាំង ចេញផ្សាយនៅព្រឹកថ្ងៃទី៧ ...
កម្ពុជា

ធនាគារ​អភិវឌ្ឍ​អាស៊ី៖ ឆ្នាំ២០២០នេះ កម្ពុជា​នឹងបាត់បង់ ៣៩០ ០០០​ការងារ

ធនាគារអភិវឌ្ឍអាស៊ី «ADB / BAD» បានព្យាករថា កម្ពុជានឹងបាត់បង់ការងារ ប្រមាណជា ៣៩០ ០០០កន្លែង ក្នុងឆ្នាំ២០២០នេះ បណ្ដាលមកពីផលប៉ះពាល់ នៃជំងឺ​រាតត្បាត​កូវីដ-១៩ (Covid-19)។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...