ដំណឹងបារាំង

វិបត្តិ Covid-19៖ បុរសម្នាក់​ដើរ​«ចាក់មនុស្ស»​នៅភាគ​ខាងត្បូង​បារាំង

បុរសម្នាក់ ត្រូវបានកងកម្លាំងនគរបាលឃាត់ខ្លួនភ្លាមៗ កាលពីមុននេះបន្តិច បន្ទាប់ពីបានធ្វើសកម្មភាព​«ចាក់មនុស្ស»​ដោយកាំបិត នៅក្រុង «Romans sur Isère» ស្ថិតក្នុងភាគខាងត្បូង នៃប្រទេសបារាំង។

ទូរទស្សន៍បារាំង «BFMTV» បានរាយការណ៍ថា​ មកដល់នាទីនេះ មនុស្សពីរនាក់បានស្លាប់ និង៧នាក់ទៀត បានរងរបួស នៅក្នុងព្រឹត្តិការណ៍នោះ។

ហេតុការណ៍បានកើតឡើង ខណៈប្រទេសបារាំង រួមនឹងពិភពលោកខាងលិច កំពុងប្រឈមខ្វល់ខ្វាយ ទល់នឹងវិបត្តិរាតត្បាត នៃជំងឺ «Covid-19» ដែលធ្វើឲ្យករណីឆ្លង និងមនុស្សស្លាប់ មានកាន់តែច្រើនឡើង។

ទូរទស្សន៍បារាំង បានអះអាងទៀតថា ព្រឹត្តិការណ៍ខាងលើ បានកើតឡើង នៅវេលាម៉ោងប្រមាណជាង ១១ព្រឹកថ្ងៃសៅរ៍ ទី៤ ខែមេសានេះ នៅតាមដងផ្លូវ និងក្នុងហាងលក់ទំនិញ (នំប៉័ង និងថ្នាំជក់) មួយចំនួន កណ្ដាលក្រុង។

ក្នុងពេលភ្លាមៗ សំណុំរឿងមួយនេះ ត្រូវបានស្នងការនគរបាល ក្រុងលីយ៉ុង (Lyon) ទទួលបន្ទុក ក្នុងការស៊ើបអង្កេត ក្រោមបញ្ជារបស់ស្ថាប័នអយ្យការ នៃក្រុង វ៉ាឡងស៍ (Valence)។ រីឯស្ថាប័នអយ្យការ នៃរដ្ឋធានីប៉ារីស ជំនាញខាងសំនុំរឿង«ភេរវកម្ម» មិនទាន់លូកដៃចូលនៅឡើយ បើទោះមានសេចក្ដីរាយការណ៍ថា ស្ថាប័នមួយនេះ កំពុងតាមដានពីហេតុការណ៍នេះ យ៉ាងដិតដល់ក៏ដោយ។

ទូរទស្សន៍ «BFMTV» បានស្រង់ប្រភពពីមន្ត្រីនគរបាល មកបញ្ជាក់ទៀតថា បុរសដៃដល់មិនមានក្រដាសស្នាម នៅជាប់ក្នុងខ្លួនទេ ដោយគ្រាន់តែឆ្លើយប្រាប់អ្នកស៊ើបអង្កេត ថាខ្លួនបានកើតក្នុងឆ្នាំ១៩៨៧ និងមានសញ្ជាតិ «ស៊ូដង់» (ប្រទេសមួយ ស្ថិតនៅភាគខាងកើត នៃទ្វីបអាហ្វ្រិក)។

មូលហេតុ ដែលនាំឲ្យជននេះធ្វើទង្វើខាងលើ មិនទាន់ឲ្យដឹងនៅឡើយ ខណៈជនដៃដល់ កំពុងស្ថិតក្រោម​ការឃុំខ្លួន៕



You may also like

ដំណឹង

បារាំង​ប្រតិកម្ម​តប ដូណាល់ ត្រាំ ជុំវិញ​«បាតុកម្ម​អាវកាក់​លឿង»

មួយថ្ងៃ ក្រោយការលើកឡើង របស់ប្រធានាធិបតីអាមេរិក លោក ដូណាល់ ត្រាំ (Donald Trump) អំពីបាតុកម្មរបស់បណ្ដាជនបារាំង ពាក់អាវកាក់ពណ៌លឿង លោក ហ្សង់-អ៊ីវ ឡឺឌ្រីយ៉ង់ ...
កម្ពុជា

Covid-19៖ កម្ពុជា​មាន​ ២ករណី​ទៀត ក្នុងថ្ងៃ​២៨មិថុនា (សរុប​១៤១នាក់)

នៅថ្ងៃអាទិត្យ ទី២៨ ខែមិថុនានេះ ប្រទេសកម្ពុជាបានបញ្ចេញតួលេខ នៃការឆ្លងជំងឺ «Covid-19» ថែម ២ករណី​ទៀត ដែលធ្វើឲ្យអ្នកជំងឺសរុប កើនឡើងដល់ ១៤១នាក់។ នេះ បើតាមសេចក្ដីប្រកាសព័ត៌មាន ...
កម្ពុជា

Covid-19៖ ហ៊ុន សែន កាត់បន្ថយបម្រាម សម្រាប់​ដាក់កំហិត​ការធ្វើដំណើរ

បុរសខ្លាំងកម្ពុជា បានប្ដូរបទបញ្ជារបស់លោក នៅថ្ងៃនេះ ដោយ«កាត់បន្ថយបម្រាម» នៃការដាក់កំហិត សម្រាប់ការធ្វើដំណើររវាងរាជធានី និងខេត្តកណ្ដាល ក៏ដូចជារវាងស្រុកនិងស្រុក។ បញ្ជាថ្មីនេះ ធ្វើឡើងបន្ទាប់ពីបម្រាមរបស់លោក ដែលបានផ្សាយចេញ ជាលក្ខណៈបន្ទាន់ កាលពីរសៀលម្សិលម៉ិញ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...