កម្ពុជាដំណឹង

កម្ពុជា ជាប់ក្នុង«បញ្ជីខ្មៅ» នៃក្រុមប្រទេស​ដែលរាំងខ្ទប់​គេហទំព័រសារព័ត៌មាន

«កម្ពុជា»ក្រោមការដឹកនាំ របស់លោកនាយករដ្ឋមន្ត្រី ហ៊ុន សែន កំពុងសាងកេរ្ដិ៍ឈ្មោះ​បន្ថែមទៀត នៅជុំវិញ​ពិភពលោក ដោយបានជាប់នៅក្នុង«បញ្ជីខ្មៅ» នៃក្រុមប្រទេស​មេកន្ទ្រាញ និងផ្ដាច់ការ ដែលធ្វើការ​រាំងខ្ទប់​គេហទំព័រ​សារព័ត៌មានឯករាជ្យ។

ការចាត់ព្រះរាជាណាចក្រអច្ឆរិយៈ ទៅក្នុងបញ្ជីដែលមានឈ្មោះដ៏អាក្រក់ ធ្វើឡើង​ដោយ​អង្គការ​អ្នកយកព័ត៌មាន​គ្មានព្រំដែន (RWB /RSF) ដែលមានទីស្នាក់ការធំ ក្នុងរដ្ឋធានី ប៉ារីស (បារាំង) ក្នុងដើមខែវិច្ឆិកានេះ តាមរយៈកម្មវិធីមួយ របស់អង្គការអន្តរជាតិនេះ ដែលមាន​ឈ្មោះថា «Collateral Freedom»។

មកដល់ថ្ងៃនេះ កម្មវិធី «Collateral Freedom» បានចុះឈ្មោះប្រទេសចំនួន១៨ ដែល​សុទ្ធសឹងជាប្រទេសប្រកាន់យក នូវការដឹកនាំ​តាមបែបផ្ដាច់ការ មានដូចជាប្រទេស ចិន វៀតណាម ភូមា ថៃ និងប្រទេសជាច្រើន ក្នុងតំបន់មជ្ឈឹមបូព៌ា។ គោលបំណងរបស់ «Collateral Freedom» គឺទាមទារ​ឲ្យធ្វើការបើកចំហរ​សេរីភាពសារព័ត៌មាន នៅជុំវិញ​ពិភពលោក និង«បំបែក​ការរាំងខ្ទប់» សម្រាប់គេហទំព័រសារព័ត៌មានឯករាជ្យទាំងឡាយ ដែលរងគ្រោះ​នៅក្នុងប្រទេសទាំងនោះ។

កម្មវិធីខាងលើ ត្រូវបានបង្កើតឡើង តាំងពីអំឡុងខែមីនា ឆ្នាំ២០១៥ តែអង្គការ​អ្នកយកព័ត៌មាន​​គ្មានព្រំដែន ទើបនឹង​សម្រេច​ចាត់ប្រទេស កម្ពុជា ចូលក្នុង«បញ្ជីខ្មៅ»នៃកម្មវិធីរបស់ខ្លួន ជាផ្លូវការ ក្នុងចុងឆ្នាំ២០២០នេះ បន្ទាប់ពី​គេហទំព័រទស្សនាវដ្ដី​មនោរម្យ.អាំងហ្វូ (MONOROOM.info) ត្រូវបានរាំងខ្ទប់ នៅក្នុងព្រះរាជាណាចក្រ  និងរងការរំខាន មិន​ស្រាកស្រាន្ដ រាប់ពីចុងខែមីនា​កន្លងមក។

ទំព័រ «Collateral Freedom» របស់ប្រទេសកម្ពុជា មានសរសេររៀបរាប់ត្រួសៗថា៖

«ដោយខ្លាចបាត់បង់អំណាច ដែលលោកមាន តាំងពីជាង៣០ឆ្នាំមកនោះ លោក​នាយករដ្ឋមន្ត្រី ហ៊ុន សែន បានបើកយុទ្ធនាការបង្ក្រាប​យ៉ាងចាស់ដៃ ទៅលើ​សេរីភាពសារព័ត៌មាន ជាពិសេសនៅមុនការបោះឆ្នោតសាកល ឆ្នាំ២០១៨ ដោយ​ដាក់បាតដៃរបស់លោក ទៅលើប្រព័ន្ធផ្សព្វផ្សាយក្នុងស្រុក សឹងតែទាំងអស់ ហើយបិទ​សារព័ត៌មាន​​ឯករាជ្យ ​រួចគម្រាមកំហែង និងចាប់អ្នកកាសែត​ដាក់គុក…។»

អង្គការអន្តរជាតិ ដែលមានឯកទេស ខាងការពារសេរីភាពសារព័ត៌មាន នៅជុំវិញផែនដី បាន​បន្តថា ដោយកង្វះ​ព័ត៌មាន ប្រកបដោយតុល្យភាព និងតម្លាភាព ពលរដ្ឋកម្ពុជា​បាន​ងាក ទៅស្វែងរក​ព័ត៌មាន ដែលផ្សាយ​នៅតាមបណ្ដាញអ៊ិនធើណែត និងនៅលើ​បណ្ដាញ​សង្គម ដែលបានក្លាយជាទីកម្សាន្ដ ដ៏មានប្រជាប្រិយភាព។

«តែមិនទាន់ចប់នៅឡើយទេ ព្រោះព័ត៌មានដ៏រសើបៗ ដែលផ្សាយចេញ ដោយគេហទំព័រ​ទាំងនោះ នឹងត្រូវអាជ្ញាធរ​លាបពណ៌ ដោយហៅថាជា”«Fake News” ហើយ​គេហទំព័រ​ណា ដែលផ្សាយ​ព័ត៌មានខាងលើ នឹងត្រូវរង​ការរាំងខ្ទប់។»

អង្គការ «RWB /RSF» បន្តទៀតថា៖

«ក្រោមលេស នៃការប្រយុទ្ធទល់នឹងការរាតត្បាតជំងឺ “Covid-19” របបដឹកនាំ​នៅកម្ពុជា​សព្វថ្ងៃ បានអនុម័ត​ច្បាប់មួយ កាលពីអំឡុងខែមេសា ដើម្បីប្រកាសដាក់ប្រទេស ក្នុងគ្រា​មានអាសន្ន ដោយ​ដាក់​​ឲ្យមាន នូវការរាំងខ្ទប់ជាទូទៅ និងការឃ្លាំមើល​​យ៉ាងដិតដល់ រាល់ទម្រង់​​នៃប្រព័ន្ធ​ទូរគមនាគម​ទាំងឡាយ៕»



លំអិតបន្ថែមទៀត

កម្ពុជា

ហ៊ុន សែន ព្រមាន​ឈប់​និយាយ​រក​​គណបក្ស​ប្រឆាំង

នាយករដ្ឋមន្ត្រីកម្ពុជា ដែលអង្គុយក្នុងតំណែង តាំងពីជាង ៣ទសវត្សន៍មកនោះ បានព្រមាននៅព្រឹក ថ្ងៃពុធ ទី៩ ខែមករា ឆ្នាំ២០១៩​ នេះ ថាលោកបាននិយាយរួចរាល់ អស់ហើយ ហើយនឹងមិននិយាយបន្ថែម ...
កម្ពុជា

សម រង្ស៊ី៖ កម្ពុជាខុសពីថៃ គឺព្រះមហាក្សត្រខ្មែរ ជា«អាយ៉ងសុទ្ធសាធ»

សម្រាប់លោក សម រង្ស៊ី បានលើកឡើងថា ចំណុចខុសគ្នា​រវាងរបបដឹកនាំ នៅថៃនិង​កម្ពុជា គឺព្រះមហាក្សត្រខ្មែរសព្វថ្ងៃ ជា«អាយ៉ងសុទ្ធសាធ» ខណៈព្រះមហាក្សត្រថៃ មាន​អំណាចខ្លាំងក្លា តែអ្វីដែលប្រទេសថៃ មានរបបដឹកនាំ​ដូចនៅកម្ពុជា គឺ«របបផ្ដាច់ការ​ ...
កម្ពុជា

ហ៊ុន សែន តម្រូវឲ្យ​ចៅប្រុស​ទាំងអស់ ត្រូវចេះ​លេង​កីឡា​៣ប្រភេទ

កើតមកជាចៅប្រុស របស់នាយករដ្ឋមន្ត្រីកម្ពុជា ត្រូវចេះ​លេង​កីឡា​៣ប្រភេទ ! នេះ បើតាមការបង្ហោះសារ របស់លោកនាយករដ្ឋមន្ត្រី ហ៊ុន សែន នៅលើបណ្ដាញសង្គម កាលពីមុននេះបន្តិច។ អមនឹងរូបថតជាច្រើន ដែលបង្ហាញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...