កម្ពុជាដំណឹង

ជ័យជំនះ បៃដិន៖ CNRP សង្ឃឹមអាមេរិក​ជំរុញប្រជាធិបតេយ្យ​នៅកម្ពុជា

គណបក្សសង្គ្រោះជាតិ «CNRP» បានចេញសេចក្ដីថ្លែងការណ៍មួយ ក្នុងថ្ងៃអទិត្យ ទី៨ ខែវិច្ឆការ សំដែងការអបអរ ចំពោះ«ជ័យជំនះ» របស់លោក ចូ បៃដិន (Joe Biden) ក្នុងការបោះឆ្នោត​ជ្រើសតាំង​ប្រធានាធិបតី​អាមេរិក ឆ្នាំ២០២០។

លទ្ធផលព្យាករណ៍ ដែលទទួលបាន ដោយប្រព័ន្ធផ្សព្វផ្សាយធំៗ បានឲ្យដឹងថា មកដល់​ម៉ោងនេះ លោក ចូ បៃដេន ដែលជាបេក្ខជន មកពីគណបក្សប្រជាធិបតេយ្យ បានឈ្នះ​អង្គបោះឆ្នោត ចំនួន២៩០សម្លេង នាំមុខដ៏លើសលប់ ពីលើលោក ដូណាល់ ត្រាំ (Donald Trump) ប្រធានាធិបតីចប់អាណត្តិ ដែលទទួលបានត្រឹមតែ ២១៤សម្លេង​ប៉ុណ្ណោះ។

សេចក្ដីថ្លែងការណ៍ របស់គណបក្សសង្គ្រោះជាតិ ដែលសរសេរជាភាសាអង់គ្លេស និងដែលធ្លាក់មកដល់ដៃអ្នកសារព័ត៌មាន ក្នុងព្រឹកថ្ងៃចន្ទ បានសរសេរកោតសរសើរប្រជាពលរដ្ឋអាមេរិក ដែលបានចូលរួមបោះឆ្នោត យ៉ាងទូលំទូលាយ ដោយគោរពស្មារតីលទ្ធិប្រជាធិបតេយ្យ យ៉ាងត្រឹមត្រូវ។

គណបក្សសង្គ្រោះជាតិ​បានបន្តថា៖

«ស្មារតីប្រជាធិបតេយ្យនេះ ជាគម្រូសម្រាប់ប្រជារាស្ត្រខ្មែរទាំងមូល។ គណបក្សសង្គ្រោះជាតិ សូមអបអរសាទរ ការជាប់ឆ្នោតរបស់លោកប្រធានាធិបតី “Joe Biden” និងលោកស្រី​អនុប្រធានាធិបតី “Kamala Harris”។ យើងជឿជាក់ថា ស្មារតី និងសារបង្រួបបង្រួម​ជាតិ របស់ឥស្សរជនទាំងពីររូបនេះ នឹងធ្វើឲ្យសហរដ្ឋអាមេរិក កាន់តែខ្លាំងឡើង ទាំងនៅ​ក្នុងប្រទេស ទាំងនៅក្រៅប្រទេស។»

គណបក្សប្រឆាំងនៅកម្ពុជា ដែលត្រូវតុលាការ​របបក្រុងភ្នំពេញ រំលាយចោល​កាលពី​ចុងឆ្នាំ២០១៧ បានសំដែង​ការជឿជាក់ថា «សហរដ្ឋអាមេរិក នឹងជួយជម្រុញ ឲ្យមាន​ការអនុវត្តន៍​យ៉ាង​ត្រឹមត្រូវ ចំពោះកិច្ចព្រមព្រៀង ក្រុងប៉ារីស​ ឆ្នាំ ១៩៩១ និងចំពោះ​រដ្ឋធម្មនុញ្ញ នៃ​ព្រះរាជាណាចក្រកម្ពុជា ដែលតម្រូវ​ឲ្យគោរពលទ្ធិប្រជាធិបតេយ្យ សិទ្ធិមនុស្ស និង​គោលជំហរ​​អព្យាក្រឹត​ឥតលម្អៀង»៕



លំអិតបន្ថែមទៀត

កម្ពុជា

សម រង្ស៊ី តម្រូវ​ឲ្យ «ហ៊ុន សែន ត្រូវ​ដោះលែង កឹម សុខា មុន​គេ»

ការប្ដូរជំហររបស់របបដឹកនាំក្រុងភ្នំពេញ ដែលមានគម្រោង​កែច្បាប់ជាថ្មី ដើម្បីបើកលទ្ធភាព ឲ្យមន្ត្រីគណបក្សសង្គ្រោះជាតិ ទាំង១១៨នាក់ អាចមានសិទ្ធិ ធ្វើសកម្មភាពនយោបាយ​ឡើងវិញ បន្ទាប់ពីពួកគេ ត្រូវបានតុលាការហាមឃាត់ តាំងពីខែវិច្ឆិកា ឆ្នាំ២០១៨មកនោះ មិនត្រូវបានលោក សម ...
កម្ពុជា

«ហ៊ុន សែន ម្នាក់គត់»​មានសិទ្ធិ​ស្នើ​ព្រះរាជា​ឲ្យផ្ដល់​សិទ្ធិ​ធ្វើនយោបាយ

អ្នកនាំពាក្យរដ្ឋាភិបាលកម្ពុជា លោក ផៃ ស៊ីផាន បានអះអាងថា មានតែលោកនាយករដ្ឋមន្ត្រី ហ៊ុន សែន ម្នាក់គត់ ដែលមានសិទ្ធិនិងអំណាច ក្នុងការទូលថ្វាយព្រះមហាក្សត្រ ដើម្បីផ្តល់សិទ្ធិធ្វើនយោបាយ ដល់អតីតមន្ត្រីគណបក្សប្រឆាំង។ ...
ពីឆ្វេងទៅស្ដាំ៖ លោក ដូណាល់ ត្រាំ ប្រធានាធិបតីចប់អាណត្តិ - បេក្ខជនប្រធានាធិបតី សម្រាប់អាណត្តិថ្មី និងលោក ចូ បៃដេន បេក្ខជនប្រធានាធិបតី នៅសហរដ្ឋអាមេរិក។ (រូបថតសហការី)
ដំណឹង

ក្រុមការងារ បៃដេន គំរាមដេញ ត្រាំ ចេញពីសេតវិមាន បើនៅ​«ក្រាញ​អំណាច»

លោក ដូណាល់ ត្រាំ (Donald Trump) អាចនឹងត្រូវអូសចេញ ពីសេតវិមាន បើសិនជាប្រធានាធិបតីផុតអាណត្តិរូបនេះ នៅ«ក្រាញអំណាច» នៅទីនោះតទៅទៀត។ នេះ បើតាមលោក «Andrew ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...