ប្រធានាធិបតីជំនាន់ទី២២ នៃសាធារណរដ្ឋបារាំង លោក ហ្សាក់ ឈៀរ៉ាក់ (Jacques Chirac) បានទទួលមរណភាពហើយ ក្នុងជន្មាយុ៨៦ឆ្នាំ។ លោកបានលាចាកលោក ក្នុងព្រឹកថ្ងៃព្រហស្បត្តិ៍ ទី២៦ ខែកញ្ញា ឆ្នាំ២០១៩នេះ បន្ទាប់ពីបានធ្លាក់ខ្លួន ក្នុងជម្ងឺសួតរ៉ាំរ៉ៃ បូកផ្សំនឹងជរាភាពផងនោះ។

លោក ឈៀងរ៉ាក់ កើតនៅថ្ងៃទី២៩ ខែវិច្ឆិកា ឆ្នាំ១៩៣២ ក្នុងរដ្ឋធានីប៉ារីស និងបានជាប់ឆ្នោតដំបូង ជាប្រធានាធិបតីបារាំង នៅខែឧសភា ឆ្នាំ១៩៩៥ ក្នុងនាមជាបេក្ខជននិយមស្ដាំមួយរូប។ លោកត្រូវបានជ្រើសតាំងសារជាថ្មី ឲ្យបន្តតំណែងនេះ នៅខែឧសភា ឆ្នាំ២០០២ រហូតដល់ផុតអាណត្តិ។ ពោល គឺលោកបានកាន់តំណែងដ៏កំពូល របស់ប្រទេសបារាំង សម្រាប់រយៈពេល១២ឆ្នាំ (៧ឆ្នាំ+៥ឆ្នាំ)។

បន្ទាប់ពីបានបញ្ចប់តំណែងលោក ជាប្រធានាធិបតីរួច លោក ឈៀរ៉ាក់ បានក្លាយជាសមាជិកក្រុមប្រឹក្សាធម្មនុញ្ញ ដែលជាស្ថាប័នកំពូលមួយទៀត សម្រាប់ពិនិត្យទៅលើធម្មនុញ្ញភាព នៃបណ្ដាច្បាប់ទម្លាប់ និងដំណើរប្រព្រឹត្តិទៅ នៃអំណាចធំៗទាំងឡាយ ក្នុងប្រទេសបារាំង។

លោកអតីតប្រធានាធិបតី មានប្រជាប្រិយភាពខ្លាំងណាស់ នៅក្នុងស្រទាប់ពលរដ្ឋបារាំង បើធៀបនឹងប្រធានាធិបតីបារាំងដទៃទៀត។ លោកចាប់ផ្ដើមចូលប្រឡូក ក្នុងឆាកនយោបាយដំបូង នៅឆ្នាំ១៩៦៥ ក្នុងនាមជាទីប្រឹក្សាសាលាក្រុង «Sainte-Féréole» (Corrèze ភាគកណ្ដាល) មុននឹងបានជាប់ឆ្នោត ជាតំណាងរាស្ត្រ ប្រចាំតំបន់នោះ នៅ២ឆ្នាំក្រោយមក គឺក្នុងឆ្នាំ១៩៦៧។

ចាប់ពីឆ្នាំ១៩៧១ មក លោក ហ្សាក់ ឈៀរ៉ាក់ បានក្លាយជារដ្ឋមន្ត្រីច្រើនក្រសួង និងក្លាយជានាយករដ្ឋមន្ត្រី (ក្នុងឆ្នាំ១៩៧៤) ក្រោមសម័យកាលប្រធានាធិបតី ជំនាន់ទី២០ លោក «Valéry Giscard d’Estaing»។

បន្ទាប់ពីរយៈពេលនោះ លោកបានជាប់ឆ្នោត ធ្វើជាអភិបាលរដ្ឋធានីប៉ារីស ក្នុងឆ្នាំ១៩៧៧ ហើយបានត្រឡប់ទៅធ្វើជានាយករដ្ឋមន្ត្រីឡើងវិញ ក្នុងឆ្នាំ១៩៨៦ ក្រោមសម័យកាលប្រធានាធិបតី ជំនាន់ទី២១ លោក «François Mitterrand» ដែលជាដំណាក់កាលដ៏ពិបាក ដោយហេតុថា លោកមាននិន្នាការស្ដាំនិយម ខណៈប្រធានាធិបតី ជាឥស្សរៈជន មកពីគណបក្សឆ្វេងនិយម៕



You may also like

ដំណឹង

បាតុកម្ម​អាវ​កាក់​លឿង៖ បាតុករ​​ថយ​​ចំនួន​ខ្លាំង បើ​ធៀប​នឹងសប្ដាហ៍​មុន

នៅរដ្ឋធានីប៉ារីស ការប្រមូលផ្ដុំគ្នា របស់ក្រុមបាតុករ អាវកាក់លឿង មានចំនួនតិចជាងច្រើន បើធៀបនឹងចំនួនបាតុករ ក្នុងសប្ដាហ៍កន្លងទៅ។ សេចក្ដីរាយការណ៍ ពីតាមបណ្ដាខេត្តនានា ក្នុងប្រទេសបារាំង ក៏អះអាងដែរថា ចំនួនបាតុករចូលក្នុងរលកទី៥ សម្រាប់ថ្ងៃសៅរ៍នេះ ...
ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
កំសាន្ដ

ភាគខាងត្បូងបារាំង កំពុងធ្វើ​សង្គ្រាម​ប្រឆាំង… ឪម៉ាល់ !

ប្រសិនជាប្រទេសបារាំង បានងើបចេញ​ពីវិបត្តិ​ជំងឺរាតត្បាត «Covid-19» ជាបណ្ដើរៗ​នោះ តំបន់ជាច្រើន ស្ថិតនៅភាគខាងត្បូង នៃប្រទេសនេះ កំពុងប្រកាសសង្គ្រាម ទល់​នឹងការរាតត្បាតថ្មី គឺហ្វូងសត្វ«ឪម៉ាល់» ដែលមានប្រភពពីទ្វីបអាស៊ី ហើយដែល​កំពុង​តាំង​សម្បុករបស់ពួកវា នៅតាមព្រៃព្រឹក្សា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...