ដំណឹងបារាំង

អគ្គិភ័យ Notre-Dame ៖ គ្រោងសំណង់​ធ្វើពីថ្ម ត្រូវបាន​សង្គ្រោះ​

នៅមុននេះបន្តិច មេដឹកនាំក្រុមអ្នកលត់ អគ្គិភ័យ បានប្រកាសថា កម្លាំងរបស់លោកសង្គ្រោះបានទាំងស្រុង នូវផ្នែកសំណងធ្វើពីថ្ម របស់ព្រះវិហារ «Notre-Dame» ដ៏ល្បីរបស់រដ្ឋធានីប៉ារីស។ ដោយឡែកផ្នែកដំបូលខាងលើ ដែលមានគ្រោងសំណង់ធ្វើពីឈើនោះ ត្រូវបានព្រះអគ្គិត្របាក់ខ្ទេចអស់។

ឧត្ដមសេនីយ៍ «Jean-Claude Gallet» ប្រធានស្ថាប័នពន្លត់អគ្គិភ័យ នៃរដ្ឋធានីប៉ារីស បានថ្លែងប្រាប់អ្នកកាសែតថា៖

«នៅពេលនេះ យើងអាចនិយាយបានថា គ្រោងសំណង់ធ្វើពីថ្ម របស់ព្រះវិហារ “Notre-Dame” ត្រូវបានសង្គ្រោះ និងត្រូវបានថែរក្សា នៅក្នុងទម្រង់ដើមរបស់វាទាំងស្រុង។»

រដ្ឋលេខាធិការនៃក្រសួងមហាផ្ទៃបារាំង លោក «Laurent Nuñez» ដែលមានវត្តមាននៅក្បែរនោះដែរ បានអះអាងថា អណ្ដាតភ្លើងបានថមថយកម្លាំងហើយ តែលោកបញ្ជាក់ទៀតថា គេគប្បីធ្វើការប្រុងប្រយ័ត្នសិន ដោយហេតុថា ភ្លើងមិនទាន់រលត់នៅឡើយទេ។

ព្រះវិហារកាតូលីកដ៏ល្បី បានជាប់នៅក្នុងបញ្ជីបេតិកភ័ណ្ឌមនុស្សជាតិ របស់អង្គការយូនេស្កូ នៅឆ្នាំ១៩៩១។ ជារៀងរាល់ឆ្នាំ ព្រះវិហារមួយនេះទទួលទេសចរណ៍មកទស្សនា និងធ្វើការបន់ស្រន់ រវាងពី១២ ទៅ១៤លាននាក់។

លោក «Laurent Nuñez» បានបន្តថា៖

«ភ្នាក់ងារលត់អគ្គិភ័យ (ប្រមាណជា៥០០នាក់) បានប្រើកាណុងទឹកយក្ស ចំនួន១៨ដើម ដើម្បីបាញ់ទឹកពន្លត់ភ្លើង។ កាណុងទាំងនោះ បានបាញ់ទឹកទាំងខាងក្រៅ និងទាំងខាងក្នុងព្រះវិហារ ដើម្បីព្យាយាមសង្គ្រោះគ្រោងសំណង់ ធ្វើអំពីថ្ម កុំឲ្យកម្ដៅភ្លើង ធ្វើឲ្យថ្មក្លាយជាផុយស្រួយ។ មកដល់ម៉ោងនេះ យើងមិនទាន់គ្រប់គ្រងស្ថានការណ៍ បានទាំងស្រុងនៅឡើយ។»

សម្រាប់លោក «Jean-Claude Gallet» បានឲ្យដឹងបន្ថែមថា៖

«ភ្លើងបានត្របាក់គ្រោងសំណង់ ផ្នែកដំបូលព្រះវិហារ ដែលធ្វើពីឈើ និងធ្វើឲ្យដំបូលទាំងនេះ និងកំពូលចុងស្រួច បានបាក់ស្រុត។ កិច្ចការរបស់យើងនៅពេលនេះ គឺត្រូវការពារផ្នែកខាងក្រោយ របស់ព្រះវិហារ ដែលមានរក្សាទុក នូវសម្ភារៈដ៏មានតម្លៃជាច្រើន។»

អាជ្ញាធរបានគិត ក្នុងដំណាក់កាលនេះថា អគ្គិភ័យទំនងជាមានមូលហេតុ ចេញពីការដ្ឋានជុសជុលព្រះវិហារ ដែលកំពុងប្រព្រឹត្តិទៅ តាំងពីច្រើនខែមក។ ប៉ុន្តែការិយាល័យអយ្យការបារាំង បានប្រកាសបើកការស៊ើបអង្កេតមួយហើយ ស្ដីពីអគ្គិភ័យដ៏ខ្លាំងមួយនេះ៕



You may also like

ដំណឹង

បារាំង៖ នាយករដ្ឋមន្ត្រីថ្មី បានផ្ដល់​បទសម្ភាស​ដំបូង និយាយ​ពីអ្វីខ្លះ?

បន្ទាប់ពីបានចូលកាន់តំណែង បានប៉ុន្មានម៉ោង លោកនាយករដ្ឋមន្ត្រី ហ្សង់ កាស្តិក (Jean Castex) បានផ្ដល់​បទសម្ភាស​ដំបូង តាមកញ្ចក់ទូរទស្សន៍ «TF1» កាលពីមុន​នេះ​បន្តិច។ តើនាយករដ្ឋមន្ត្រីថ្មីថ្មោង របស់ប្រទេសបារាំង ...
ដំណឹង

មេដឹកនាំ​ដ៏សំខាន់​ម្នាក់​របស់ អាល់កៃដា ត្រូវបាន​សម្លាប់​ដោយកងទ័ព​បារាំង

មេដឹកនាំដ៏សំខាន់ម្នាក់ នៃអង្គការភេរវនិយម «AQMI» ដែលជាសាខាមួយ របស់បណ្ដាញ អាល់កៃដា (Al-Qaïda) ប្រចាំក្នុងទ្វិបអាហ្វ្រិកខាងជើង ត្រូវបានសម្លាប់ ដោយកងទ័ពបារាំង ក្នុងទឹកដីភាគខាងជើង នៃប្រទេសម៉ាលី ជាប់នឹងព្រំដែន ...
ដំណឹង

គ្រីស្ដូហ្វ៍ ម្ចាស់សម្លេង​បទ​​«អាលីន» បានទទួល​មរណភាព

អ្នកចម្រៀងបារាំង គ្រីស្ដូហ្វ៍ (Christophe) ដែលល្បីឈ្មោះពេញពិភពលោក តាមរយៈ​បទ​«អាលីន» បានទទួលមរណភាពហើយ កាលពីយប់ថ្ងៃព្រហស្បត្តិ៍ ទី១៦ ខែមេសា ឆ្នាំ២០២០ ក្នុងជន្មាយុ ៧៤ឆ្នាំ។ នេះ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...