កម្រមានដំណឹង

ពេលដែល​វិទ្យុ​អាស៊ីសេរី​«ខេមរភាសា» សរសេរជា​ភាសា​វៀតណាម…

ព្រឹកថ្ងៃសៅរ៍នេះប្លែកក្រៃ ព្រោះការជូនដំណឹង នៅលើបណ្ដាញសង្គម ​ឲ្យដឹងថា វិទ្យុ​អាស៊ី​សេរី​​​«ខេមរភាសា» កំពុង​ធ្វើការ​ផ្សាយផ្ទាល់ មិនដូចការជូនដំណឹង នាពេលរាល់ដងទេ។

ប្រិយមិត្ត​ជាច្រើន​នាក់ របស់​វិទ្យុ​អាមេរិក ផ្សាយជា​«ខេមរភាសា»មួយនេះ  បានសម្ដែង​ការភ្ជាក់ផ្អើល ដោយ​ហេតុថា ពួកគេសុទ្ធតែ​បាន​ទទួល ការជូនដំណឹង​នេះ ជាភាសា​វៀតណាម (ដូច​រូបភាព​ភ្ជាប់មក ក្នុង​អត្ថបទនេះ)។

ការជូនដំណឹង (Facebook Notification) នៃ​ការផ្សាយ​​របស់​វិទ្យុអាស៊ីសេរី ជាដំបូង​នោះ មាន​សេចក្ដី​ជាអាទិ៍័ថា «Kính mời quý vị theo dõi chương trình phát thanh tối thứ Sáu ngày 15 tháng 5,2020»។ ប៉ុន្តែ នៅ​ប៉ុន្មាន​នាទី​ក្រោយមក ឃ្លានេះបាន​ប្ដូរ​មកជា៖

«ការផ្សាយផ្ទាល់​កម្មវិធីអាស៊ីសេរី សម្រាប់ព្រឹក​ថ្ងៃសៅរ៍ ទី១៦ ខែ​ឧសភា ឆ្នាំ២០២០។ ផ្សាយ​ដំណាលគ្នា នឹង​កម្មវិធី​ផ្សាយ តាមរលក​ធាតុអាកាស​ខ្លី (SW) ពេលព្រឹក ចាប់ពី​ម៉ោង​៥កន្លះ ដល់ម៉ោង​​៦កន្លះ តាមកម្រិត ១ម៉ឺន១ពាន់​៨រយ​៥០គីឡូហឺត្ស ស្មើនឹងកម្ពស់​២៥ម៉ែត្រ និង​ពេលយប់​ចាប់ពីម៉ោង ៧កន្លះ​ដល់​០៨កន្លះ​​តាមរលក​ធាតុអាកាស​ខ្លី (SW) ៥ពាន់​​១រយ​៥៥គីឡូ​ហឺត្ស ស្មើនឹង​កម្ពស់​២០ម៉ែត្រ។»

មិនបាច់សង្ស័យឡើយថា នេះប្រាកដ​ជាការយល់ច្រឡំ ដែល​អាច​កើតឡើង នៅក្នុង​ស្ថាប័ន​​ផ្សព្វផ្សាយមួយ ដែលផ្សាយ​ចេញ ជាច្រើនភាសា និងសម្បូរដោយបុគ្គលិក ចម្រុះ ច្រើនជាតិសាសន៍។ ដូចលោក ជុន ច័ន្ទបុត្រ នាយករង​ការផ្សាយ បានឆ្លើយ​យ៉ាងខ្លី តបនឹងការសាកសួរ របស់ប្រិយមិត្តម្នាក់ ដូច្នេះថា៖

«ខាងអាមេរិកាំងច្រឡំភាសា យើងប្រាប់ទៅគេហើយ»



លំអិតបន្ថែមទៀត

កម្ពុជា

វិទ្យុអាស៊ីសេរី​ត្រៀម​ផ្សាយ​ស្នាដៃ​ កែម ឡី នានា​ដែល​បន្សល់ទុក​ក្នុង​កុំព្យូទ័រ​

នាយកវិទ្យុអាស៊ីសេរី ទទួលបន្ទុកការផ្សាយ ផ្នែកខេមរភាសា លោក ហួត វុទ្ធី ហៅ ជុន ច័ន្ទបុត្រ បានអះអាងកាលពីមុននេះ នៅក្នុងសារជូនពរបំណាច់ឆ្នាំមួយ ថាវិទ្យុផ្សាយសម្លេង ដ៏មានប្រជាប្រិយភាពមួយនេះ ...
កម្ពុជា

អ៊ូ ច័ន្ទរ័ត្ន ថា​គ្មាន​បំណង​សុំ​សិទ្ធិ​នយោបាយ​ពី ហ៊ុន សែន ទេ

«គេដក[សិទ្ធិនយោបាយ]ពីយើង ទាំងយើងគ្មានកំហុស ដូច្នេះយើងគ្មានរឿងអី ទៅសុំ[សិទ្ធិនយោបាយនេះ ពី]គេទេ» នេះ ជាការអះអាងឡើងរបស់លោក អ៊ូ ច័ន្ទរ័ត្ន អតីតអ្នកតំណាងរាស្ត្រ មកពីគណបក្សសង្គ្រោះជាតិ នៅព្រឹកនេះ ដើម្បីតបនឹងការធ្វើអត្ថាធិប្បាយមួយចំនួន ...
កម្ពុជា

ផ្ទុះប្រតិកម្ម​ចំពោះ​ការប្រៀបធៀប​នៃ​ការដឹកនាំ​ជាង​៤០ឆ្នាំ នឹង​ចំណុច​សូន្យ

ក្រុមអ្នកឃ្លាំមើលបញ្ហាសង្គម និងនយោបាយកម្ពុជា បាននាំគ្នាប្រតិកម្មខ្លាំងក្លា ចំពោះការប្រៀបធៀបនៃការដឹកនាំសព្វថ្ងៃ នឹងចំណុចសូន្យ ឬរបបខ្មែរក្រហមប៉ុលពត។ ពួកគេបានចាត់ទុកថា ការប្រៀបធៀបនេះ មិនមានលក្ខណៈវិជ្ជមាន ខណៈប្រតិកម្មខ្លះ បានបរិហារដោយចំៗថា ជាការប្រៀបធៀប ដើម្បីគ្រាន់តែបិទបាំងការដឹកនាំ ...

Comments are closed.

យល់ស៊ីជម្រៅផ្នែក កម្រមាន

កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...
កម្រមាន

វៀតណាម៖ ទារិកាអាយុ​២ខួប ធ្លាក់ពីជាន់​ទី១២​នៃអគារ តែនៅរស់…

ចយអើយ! បន្ទាប់ពីបានព្យាយាម​តោងរានហាល​មួយសន្ទុះ ទារិកាអាយុ​២ខួប មួយរូប បានផុតដៃពីជាន់ទី១២ ធ្លាក់ចុះមកក្រោម នៃអគាររស់នៅមួយ ក្នុងរដ្ឋធានីហាណូយ (ប្រទេសវៀតណាម) កាលពីថ្ងៃអាទិត្យ ទី២៨ ខែកុម្ភៈកន្លងមក។ ឈុតឆាកដ៏រន្ធត់ ...