កម្រមានដំណឹង

ឆ្កែ​មួយក្បាល​សង្គ្រោះ​ទារក ដែលត្រូវម្ដាយ​យកទៅ​«កប់ចោល»​ទាំងរស់

សុនខមួយក្បាលឈ្មោះ «Ping Pong» បានជួយសង្គ្រោះទារកក្រហមរងាលម្នាក់ ដែលត្រូវបានម្ដាយរបស់ខ្លួន​យកទៅ«កប់ចោល» ទាំងនៅមានដង្ហើមដក កណ្តាលចំការមួយកន្លែង ស្ថិតនៅភាគខាងជើង នៃប្រទេសថៃ។

នគរបាលក្នុងស្រុក បានអះអាងពីដំណឹងនេះ ដោយសង្កត់ធ្ងន់បន្ថែមថា ម្ដាយទារកដែលជាស្ត្រី វ័យជំទង់ប្រមាណជា១៥ឆ្នាំ ត្រូវបានជាប់សង្ស័យ ពីបទមនុស្សឃាត។

រឿងរ៉ាវបានកើតឡើង ក្នុងថ្ងៃតែមួយ កាលពីថ្ងៃទី១៥ ខែឧសភាកន្លងមកនេះ ក្នុងឃុំ «Chumpuang» នៃខេត្តនគររាជសីមា។

សារព័ត៌មានក្នុងប្រទេសថៃ បានឲ្យដឹងថា ដំបូងឡើយ «Ping Pong» ដែលដើរបានត្រឹមតែជើង៣ បានកាយដីផង និងព្រូសផង ដើម្បីផ្តល់សញ្ញាដល់ម្ចាស់វា ដែលជាអ្នកយាមចំការនោះ។

នាយនគរបាលតំបន់ ត្រូវបានស្រង់សំដីមកបញ្ជាក់ថា៖

«បើតាមការស៊ើបអង្កេតបឋម សុនខទំនងជាបានរកឃើញទារក មិនយូរប៉ុន្មានបន្ទាប់ពីម្ដាយទារក បានកប់កូនខ្លួនឯងរួច។»

មន្ត្រីនគរបាលបញ្ជាក់ទៀតថា បន្ទាប់ពីត្រូវបានជួយសង្គ្រោះ នៅខណៈនេះ ទារកកំសត់កំពុងស្ថិតក្រោមការបីបាច់ នៅឯមន្ទីរពេទ្យ និងមានសុខភាពល្អប្រសើរធម្មតា។

រីម្ដាយទារកដែលស្ថិតក្នុងវ័យជំទង់ បានរងការចោទប្រកាន់ ពីបទមនុស្សឃាត និងបោះបង់កូនខ្លួន។ អាជ្ញាធរបានសង្ស័យថា យុវមាតារូបនេះចង់លាងខ្លួន ព្រោះភ័យខ្លាចឪពុកម្ដាយស្ដីបន្ទោស។

នាយនគរបាល បានបញ្ជាក់បន្ថែមថា៖

«អញ្ចឹង នៅក្រោយពេលសម្រាលកូន តែម្នាក់ឯងរួច នាងបានយកកូននោះ ទៅកប់ចោលក្នុងដី។»

ការជួយសង្គ្រោះទារក ពីសំណាក់សុនខ «Ping Pong» ទទួលបានការកោតសរសើក្រៃលែង ពីបណ្ដាជនថៃ។ នៅតាមបណ្ដាញសង្គម សន្ធឹកនៃការបង្ហោះសារ រូបភាព និងវីដេអូអំពី «Ping Pong» បានផ្ទុះឡើង ជាពិសេសសារដែលមានអត្ថន័យថា «សុនខជាមិត្តដ៏ល្អ របស់មនុស្ស»៕



លំអិតបន្ថែមទៀត

ដំណឹង

តារាចម្រៀង​ថៃម្នាក់​ឡើង​សំដែង​​ពាក់អាវ​សញ្ញា​«ហ៊ីត្លែ»​ ​ផ្ទុះរឿង​អាស្រូវ

រឿងអាស្រូវ​បានផ្ទុះឡើង បន្ទាប់ពីស្ថានទូតអ៊ីស្ត្រាអែល ប្រចាំក្នុងប្រទេសថៃ កាលពីថ្ងៃសៅរ៍ បានសម្ដែង«ភាពតក់ស្លុត» និង«ការខ្វល់ខ្វាយ»របស់ខ្លួន នៅពេលបានឃើញតារាចម្រៀងម្នាក់ ដ៏មានប្រជាប្រិយ​របស់ប្រទេសថៃ បានឡើងហាត់សម​នៅលើឆាក ដោយពាក់អាវយឺតមួយ ដែលមានសញ្ញាទង់ជាតិ របស់ក្រុមណាស៊ី«ហ៊ីត្លែ»។ អ្នកចម្រៀង ...
ដំណឹង

ព្រះរាជវាំងថៃ ឲ្យដក​ព្រះរាមស្ដេច ចេញពី​បេក្ខភាព​ជានាយករដ្ឋមន្ត្រី

បេក្ខភាពជានាយករដ្ឋមន្ត្រី របស់ម្ចាស់ក្សត្រីថៃ ព្រះនាង អ៊ូបុល រតនា (Ubolratana) ដែលត្រូវជាព្រះរាមព្រះមហាក្សត្របច្ចុប្បន្ន មានរយៈពេលត្រឹមតែ១ថ្ងៃប៉ុណ្ណោះ។ គណបក្សដែលតែងតាំងម្ចាស់ក្សត្រី ឲ្យធ្វើជាបេក្ខនារីសម្រាប់តំណែងនាយករដ្ឋមន្ត្រី បានសម្រេចដកបេក្ខភាពនេះចេញវិញ បន្ទាប់ពីមានបម្រាមពី ព្រះរាជវាំងថៃ ...
កំសាន្ដ

ពេលដែល​គ្មានទេសចរណ៍ សត្វសមុទ្រ​មាន​«ជីវិតរីករាយ»​ណាស់!

សត្វជ្រូកទឹក​សមុទ្រ (Dugong) ដែលជិតផុតពូជ ប្រមាណជា៣០ក្បាល ហាក់មាន«ជីវិតរីករាយ»ណាស់ ដោយបានចេញមកលេងទឹករាក់ៗ ក្បែរតំបន់ឆ្នេរ នៃកោះមួយ​ ស្ថិតនៅភាគខាងត្បូង ប្រទេសថៃ កាលពីថ្ងៃពុធកន្លងមក។ រូបភាព ដែលថតពីលើអាកាស ...

Comments are closed.

យល់ស៊ីជម្រៅផ្នែក កម្រមាន

កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...
កម្រមាន

វៀតណាម៖ ទារិកាអាយុ​២ខួប ធ្លាក់ពីជាន់​ទី១២​នៃអគារ តែនៅរស់…

ចយអើយ! បន្ទាប់ពីបានព្យាយាម​តោងរានហាល​មួយសន្ទុះ ទារិកាអាយុ​២ខួប មួយរូប បានផុតដៃពីជាន់ទី១២ ធ្លាក់ចុះមកក្រោម នៃអគាររស់នៅមួយ ក្នុងរដ្ឋធានីហាណូយ (ប្រទេសវៀតណាម) កាលពីថ្ងៃអាទិត្យ ទី២៨ ខែកុម្ភៈកន្លងមក។ ឈុតឆាកដ៏រន្ធត់ ...