កម្រមានដំណឹង

ស្ត្រីអ្នកបើករថយន្ដក្រុង សង្គ្រោះ​​ទារិកាតូច​មួយ ដែល​រត់​​ម្នាក់ឯង​​តាមផ្លូវ

កាយវិការ ដែលបង្កការរំជួលចិត្ត! នៅថ្ងៃទី ២២ ខែធ្នូ ឆ្នាំ២០១៨ ស្ត្រីអ្នកបើករថយន្ដក្រុង ម្នាក់ នៃក្រុង «Milwaukee» រដ្ឋ«Wisconsin» ភាគខាងជើងសហរដ្ឋអាមេរិក បានប្រកបការងាររបស់អ្នកស្រី ដូចធម្មតា។

តែរំពេចនោះ ទិដ្ឋភាពដ៏កម្រមួយ បានកើតឡើងនៅចំពោះអ្នកស្រី និងនៅលើដងផ្លូវ ដែលអ្នកស្រីស្គាល់ច្បាស់ ដូចបាតដៃ។ គឺទារិកាអាយុជាងមួយឆ្នាំម្នាក់ ដែលគ្មានខោអាវពាក់ត្រឹមត្រូវ កំពុងរត់នៅលើចិញ្ចើមថ្នល់ ជាមួយនឹងសីតណ្ហភាពដ៏ត្រជាក់ នៃសិសិររដូវ។

នេះ ជាការរៀបរាប់ឡើង របស់អ្នកស្រី «Irena Ivic» ប្រាប់សារព័ត៌មានក្នុងស្រុក ដោយបញ្ជាក់ថា ទិដ្ឋភាពបែបនេះ មិនអាចឲ្យអ្នកស្រី មើលនឹងភ្នែក ដោយមិនខ្វល់ខ្វាយនោះឡើយ។

អ្នកស្រីបានបញ្ឈប់រថយន្ដក្រុង ហើយបានចុះ រត់ទៅចាប់​បីទារិកា មកដាក់ក្នុងដៃ មុននឹងចូលមកក្នុងរថយន្ដវិញ។ ក្នុងពេលរង់ចាំ ការមកដល់​នៃក្រុមអ្នកជួយសង្គ្រោះ និងនគរបាល មនុស្សមួយចំនួន​នៅក្នុងរថយន្ដក្រុង ក៏បានចូលរួមដុតដៃដុតជើង ដើម្បីផ្ដល់ភាពកក់ក្ដៅ ដល់ទារិកាដែរ រហូតធ្វើឲ្យនាងតូចលង់លក់ នៅក្នុងដៃរបស់អ្នកស្រី «Irena Ivic»។ 

នគរបាលបានរកឃើញឪពុករបស់ទារិកា នៅពេលក្រោយមក និងបានដឹងថា ម្ដាយរបស់នាង មានអាការៈមិនគ្រប់សតិ។ ឪពុកទារិការបានឲ្យអាជ្ញាធរដឹងថា ភរិយាខ្លួនទំនងជាបានភ្លេច កូនស្រីតូចរបស់ខ្លួន នៅក្នុងព្រះវិហារកាតូលិក ស្ថិតក្បែរកន្លែងកើតហេតុ។

រូបភាពទាំងស្រុង នៃវីរភាពរបស់អ្នកស្រី «Irena Ivic» ទើបនឹងត្រូវបានស្ថាប័ន​គ្រប់គ្រងរថយន្ដក្រុង នៃក្រុង «Milwaukee» យកមកបង្ហោះជាសាធារណៈ នៅថ្ងៃ១០ ខែមករា ឆ្នាំ២០១៩។ តែរូបភាពទាំងនេះ បានរំលឹកអ្នកផងថា អំពើល្អ និងការជួយយកអសារ ពិតជាមានគុណតម្លៃរបស់វា ជាពិសេសដូចយ៉ាងកាយវិការ របស់អ្នកស្រីអ្នកបើករថយន្ដក្រុងម្នាក់នេះជាដើម៕



You may also like

កម្រមាន

បារាំង៖ យុវតី​ជំទង់​ម្នាក់​រង​ការសង្ស័យ​ថា បានគ្រវាត់​ទារកខ្លួន​តាមបង្អួច

បារាំង៖ ទារកតូចមួយ ដែលទើបនឹងកើត ត្រូវបានរកឃើញស្លាប់ នៅក្នុងសួនច្បារ នៃសង្កាត់មួយ ក្នុងក្រុង​ «Martinet» ដែលស្ថិតក្នុងតំបន់ «Gard» ភាគខាងត្បូង ប្រទេសបារាំង។ សារព័ត៌មានប្រចាំតំបន់ ...
កម្រមាន

ទប់កំហឹង​មិនបាន​ជាមួយ​មិត្តប្រុស ក៏គ្រវាត់​កូនខ្ចី​ទៅលើ​ឥដ្ឋ…

ហេតុការណ៍បានកើតឡើង នៅក្នុងប្រទេសរ៉ូម៉ានី។ ស្ត្រីជាម្ដាយ ដែលខឹងខ្លាំង ទប់កំហឹង​មិនបាន​ជាមួយ​មិត្តប្រុស បានគ្រវាត់កូនខ្ចីរបស់ខ្លួន ទៅលើកម្រាលឥដ្ឋ។ សារព័ត៌មានក្នុងស្រុក បានរាយការណ៍ថា ហេតុការណ៍បានកើតឡើង ក្នុងសណ្ឋាគារ​មួយ នៃក្រុង «Timisoara» ...
ដំណឹង

សង្គ្រាមនៅ​អ៊ុយក្រែន៖ កុមារអាយុ១១ឆ្នាំ ភៀសខ្លួន​ឆ្លងប្រទេស​តែម្នាក់ឯង

កុមារអាយុ១១ឆ្នាំ បានធ្វើដំណើរតែម្នាក់ឯង ដើម្បីភៀសខ្លួន ចេញពីសង្គ្រាមឈ្លានពាន បង្កឡើងដោយប្រទេសរ៉ុស្ស៊ី។ កុមារ បានចាកចេញពីលំនៅដ្ឋានខ្លួន ដែលស្ថិតក្នុងក្រុង«Zaporijjia» ភាគខាងកើតអ៊ុយក្រែន និងធ្វើដំណើរឆ្លងព្រំដែនអ៊ុយក្រែន-ស្លូវ៉ាគី (ភាគខាងលិច) ដោយមាននឹងខ្លួនត្រឹមតែសម្ពាយមួយ លិខិតឆ្លងដែន​របស់កុមារ ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...