ដំណឹងអាស៊ី-ប៉ាស៊ីភិក

មេដឹកនាំ​ប្រឆាំង​នៅ​ឥណ្ឌូនេស៊ី ប្ដឹង​ឧទ្ធរណ៍​ជំទាស់​លទ្ធផលឆ្នោត​ប្រធានាធិបតី

អតីតនាយទាហាន និងជាបេក្ខជនប្រធានាធិបតី – មេដឹកនាំ​ប្រឆាំង​នៅ​ឥណ្ឌូនេស៊ី លោក «Prabowo Subianto» បានប្ដឹងឧទ្ធរណ៍ជំទាស់លទ្ធផល នៃការបោះឆ្នោតជ្រើសតាំងប្រធានាធិបតី ដែលផ្ដល់ជ័យជំនះ ទៅឲ្យប្រធានាធិបតីផុតតំណែង លោក «Joko Widodo» ឲ្យជាប់ឆ្នោតជាថ្មី។

មេដឹកនាំប្រឆាំង បានលើកឡើងពី«ការលួចបន្លំដ៏សម្បើម» នៅក្នុងការបោះឆ្នោតនោះ ដែលប្រព្រឹត្តិទៅ កាលពីថ្ងៃទី១៧ ខែមេសា ឆ្នាំ២០១៩កន្លងមក។

គណៈកម្មាធិការជាតិរៀបចំការបោះឆ្នោត រួមនឹងក្រុមអ្នកសង្កេតការឯករាជ្យផង មិនបានអះអាង ពី«ការលួចបន្លំ»គួរឲ្យកត់សម្គាល់ នៅក្នុងការបោះឆ្នោតនេះ ដែលធ្វើឲ្យប៉ះពាល់ ដល់លទ្ធផលឆ្នោត​នោះទេ។

ការជំទាស់របស់គណបក្សប្រឆាំង បានបង្កឲ្យផ្ទុះឡើង នូវអំពើហិង្សាដ៏កម្រ កាលពីសប្ដាហ៍កន្លងទៅ ក្នុងរដ្ឋធានី ចាការតា ដែលធ្វើឲ្យមនុស្ស៧នាក់ស្លាប់ និងច្រើនរយនាក់រងរបួស។

លោក «Prabowo Subianto» ធ្លាប់ជានាយទាហាន (ដែលបច្ចុប្បន្នចូលនិវត្តន៍) នៅក្នុងរបបផ្ដាច់ការ នៃអតីតប្រធានាធិបតី ស៊ូហារតូ។ របបផ្ដាច់ការ​ដ៏ល្បីល្បាញនោះ បានរំលំដួល នៅឆ្នាំ១៩៩៨។

កាលពីថ្ងៃសុក្រ ក្រុមអ្នកច្បាប់របស់លោក «Prabowo Subianto» បានស្នើទៅតុលាការធម្មនុញ្ញ ឲ្យលប់ចោលនូវលទ្ធផល នៃការបោះឆ្នោត។ ស្ថាប័នយុត្តិធម៌ដ៏កំពូល របស់ប្រទេសឥណ្ឌូនេស៊ី នឹងត្រូវសម្រេច ពីការជំទាស់នេះ នៅចុងខែមិថុនាខាងមុខ។

លទ្ធផលផ្លូវការ ដែលត្រូវបានប្រកាសកាលពីដើមសប្ដាហ៍ បានផ្ដល់ជ័យជំនះ ទៅឲ្យលោក «Joko Widodo» ប្រធានាធិបតីផុតតំណែង និងបានបង្កឲ្យរលកបាតុកម្មដ៏ខ្លាំងមួយ ពីសំណាក់ក្រុមអ្នកគាំទ្រលោក «Prabowo Subianto»។ បាតុកម្មដែលដំបូងឡើយ ធ្វើឡើងជាលក្ខណៈសន្តិវិធី បានប្រែក្លាយជាកុបកម្ម។

នគរបាលឥណ្ឌូនេស៊ីអះអាងថា ស្ថានភាពស្ងប់ស្ងាត់​បានវិលត្រឡប់មកវិញ តាំងពីថ្ងៃព្រហស្បត្តិ៍ ខណៈបាតុករជាង៤០០នាក់ ត្រូវបានឃាត់ខ្លួន។ នគរបាលបន្តថា បាតុករ«ដែលបង្កអំពើហិង្សា»​ចំនួន៧នាក់ បានស្លាប់ និងភ្នាក់ងារនគរបាល ៩នាក់បានរងរបួស។

ចំណែកផ្នែកសង្គ្រោះបន្ទាន់ បានលើកឡើងថា មនុស្សប្រមាណជា៩០០នាក់ បានរងរបួស៕



You may also like

កម្ពុជា

Covid-19៖ កម្ពុជាមាន​២ករណី​ទៀត ជាអ្នកដំណើរ​មកពី​ ឥណ្ឌូនេស៊ី

ពី​ចំណោម​អ្នកដំណើរ​​៤៦នាក់ ដែលជិះយន្ដហោះ មកពីប្រទេស ឥណ្ឌូនេស៊ី ប្រទេសកម្ពុជា បានរកឃើញករណីឆ្លង ជំងឺ«Covid-19» ចំនួនពីរនាក់ ដែលជាជនជាតិ​ខ្មែរ។ នេះ បើ​តាមសេចក្តីប្រកាសព័ត៌មាន របស់ក្រសួងសុខាភិបាលកម្ពុជា ដែលបានធ្លាក់មកដល់​ដៃ​អ្នក​សារព័ត៌មាន ...
ដំណឹង

រូបភាព​ផ្ទុះ​ភ្នំភ្លើង​ដ៏​សម្បើម ដែល​បង្ក​ឲ្យ​មាន​រលក​យក្ស​នៅ​ឥណ្ឌូនេស៊ី

ជាការថតផ្ដិតយករូបភាព ដោយអ្នកដំណើរនៅលើយន្ដហោះ «Susi Air» ហើយជារូបភាព ដែលបង្កភាពតក់ស្លុត ព្រឺអស់ទាំងកាយ ដោយហេតុថា ការផ្ទុះភ្នំភ្លើង «Anak Krakatoa» ដ៏សម្បើមនេះ បានធ្វើឲ្យដីភ្នំសឹងតែមួយកំណាត់ ...
កំសាន្ដ

សមាជិក​ក្រុម​ស្លាប់​និង​បាត់ខ្លួន បន្ទាប់​ពី​ការប្រគុំតន្ត្រី​ត្រូវ​រលកយក្ស​​បោក​ពន្លិច

រលកយក្ស «Tsunami» ដែលបង្កឡើង ពីការផ្ទុះភ្នំភ្លើង «Anak Krakatoa » កាលពីយប់ថ្ងៃសៅរ៍ បានបង្កគ្រោះមហន្តរាយ និងភាពអាណោចអាធម៌មិនតិចទេ ទៅដល់បណ្ដាជន អ្នករស់នៅលើ ភាគខាងត្បូងកោះស៊ូម៉ាត្រា និងភាគខាងលិចកោះជ្វា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...