កំសាន្ដវីដេអូ ពីនេះពីនោះ

ចាប់​បាន​ពស់ថ្លាន់​យក្ស​ប្រវែង​៨ម៉ែត្រ​មួយ​ក្បាល នៅ​ឥណ្ឌូនេស៊ី

អ្នកភូមិមួយក្រុម ក្នុងស្រុក «Pucuang Anam» លើកោះស៊ូម៉ាត្រា (ឥណ្ឌូនេស៊ី) បានចាប់បានពស់ថ្លាន់យក្សមួយក្បាល ប្រវែងមិនតិចជាង៨ម៉ែត្រ នៅខណៈពេល ដែលសត្វល្មូនដ៏ធំនេះ កំពុង​ស្រងល់​ដោយសារ វាទើបនឹងលេបចំណី ចូលក្នុងខ្លួន។ ទិដ្ឋភាពនៃការចាប់ពស់ថ្លាន់ ត្រូវបានម្ចាស់គណនី «Ronal Efendi Coto» ថតនិងបង្ហោះ នៅលើបណ្ដាញសង្គម តាំងពីចុងខែវិច្ឆិកា ហើយត្រូវបានចែករំលែក ច្រើនជាង១ម៉ឺនដង រាប់មកទល់ថ្ងៃនេះ។

មើលមួយភ្លែតដំបូង គេស្មានថា ជាគល់ឈើដ៏ធំមួយ ដាក់សណ្ដូកចោល នៅជាប់នឹងមាត់ស្ទឹង។ ប៉ុន្តែ នៅពេលដែលអ្នកភូមិម្នាក់ បានប៉ះខ្លួនវា សត្វល្មូនបានភ្ញាក់ខ្លួនឡើង ហើយធ្វើប្រតិកម្មតបវិញ។

បន្ទាប់ពីចាប់បានសត្វពស់យក្ស ដាក់ចូលក្នុងទ្រុងរួច អ្នកស្រុកបានហៅផ្នែកសួនសត្វតំបន់ ដើម្បីទទួលយកវា ទៅចិញ្ចឹមថែរក្សា។ ប៉ុន្តែអ្នកទទួលខុសត្រូវ នៃសួនសត្វ បានបដិសេធ ដោយហេតុថា សួនសត្វខ្លួន មានសត្វបែបនេះ យ៉ាងច្រើនហូរហៀ​ណាស់​ទៅហើយ។

លោក «Ronal Efendi Coto» បានថ្លែងប្រាប់សារព័ត៌មានក្នុងស្រុកថា សត្វពស់យក្សត្រូវបានថែរក្សា នាពេលនេះ ក្នុងភូមិនៅឡើយ ដើម្បីឲ្យអ្នកផងអាចចូលមកទស្សនា។ ប៉ុន្តែវាអាចនឹងត្រូវព្រលែង ចូលទៅរស់នៅក្នុងព្រៃវិញ នៅថ្ងៃខាងមុខ។

ពស់ថ្លាន់យក្សភាគច្រើន មានប្រវែងមិនលើស ពី៧ម៉ែត្រទេ។ តែបើសិនជាមានប្រវែង រហូតដល់៨ម៉ែត្រ ពស់ថ្លាន់ខាងលើនេះ អាចចាត់ទុកថា ជាពស់ថ្លាន់យក្ស ដែលធំអស្ចារ្យមួយក្បាលហើយ៕

Proses penangkapan ula gadang di ateh aie tajun batu cincang,pucuang anam, tandikek selatan

Gepostet von Ronal Efendi Coto am Sonntag, 25. November 2018


You may also like

កំសាន្ដ

«ពស់… ការេបួនជ្រុង» សំណើចខ្លី

សុខ ជាមនុស្សពួកែនិយាយពន្លើស ហើយពេលខ្លះ បំផ្លើសហួសហេតុ ។ ថ្ងៃមួយសុខ និយាយជាមួយសៅថា៖ សុខ៖ អូថ្ងៃមុន អញដើរក្នុងព្រៃ​ ប្រទះឃើញពស់មួយធំអស្ចារ្យ គ្រាន់តែទទឹងវាប្រវែង២០មែត្រ ហើយបណ្ដោយវាប្រវែង ...
កម្រមាន

ឆ្កែ​មួយក្បាល​សង្គ្រោះ​ទារក ដែលត្រូវម្ដាយ​យកទៅ​«កប់ចោល»​ទាំងរស់

សុនខមួយក្បាលឈ្មោះ «Ping Pong» បានជួយសង្គ្រោះទារកក្រហមរងាលម្នាក់ ដែលត្រូវបានម្ដាយរបស់ខ្លួន​យកទៅ«កប់ចោល» ទាំងនៅមានដង្ហើមដក កណ្តាលចំការមួយកន្លែង ស្ថិតនៅភាគខាងជើង នៃប្រទេសថៃ។ នគរបាលក្នុងស្រុក បានអះអាងពីដំណឹងនេះ ដោយសង្កត់ធ្ងន់បន្ថែមថា ម្ដាយទារកដែលជាស្ត្រី ...
កំសាន្ដ

សកម្មជន​ទាំងនេះ​សង្គ្រោះ​ហ្វូក​សមុទ្រ ពី​សំណាញ​​នេសាទ

បេសកកម្ម របស់ក្រុមសកម្មជន ការពារធម្មជាតិទាំងនេះ គឺជួយរំដោះសត្វ ហ្វូកសមុទ្រ ឲ្យរួចផុត ពី​សំណាញ​​នេសាទ ខ្សែសន្ទូច ឬកាកសំណល់ផ្សេងៗ ដែលមាននៅក្នុងសមុទ្រ និងដែលអាចបំផ្លាញជីវិត របស់សត្វទាំងនេះបាន។ ពួកគេជាសមាជិក ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...