ដំណឹងអាស៊ី-ប៉ាស៊ីភិក

កូរ៉េខាងជើង​ស្នើឲ្យ​ដក​រដ្ឋមន្ត្រី​ការបរទេស​អាមេរិក ចេញ​ពី​ការចរចា

ប្រទេសកូរ៉េខាងជើង បានស្នើសុំកាលពីម្សិលម៉ិញ ឲ្យដកលោក ម៉ៃ ភមភីអូ (Mike Pompeo) រដ្ឋមន្ត្រីការបរទេស​អាមេរិក ចេញ​ពី​ការចរចា ស្ដីពីអាវុធនុយក្លេអ៊ែរ រវាងក្រុងវ៉ាស៊ីនតោន និងក្រុងព្យុងយ៉ាង។ សម្រាប់របបកុម្មុយនីស្ដិ៍ លោក ម៉ៃ ភមភីអូ បានធ្វើឲ្យការជជែកគ្នា ទទួលការជាប់គាំង។

ស្រង់សំដីដោយទីភ្នាក់ងារព័ត៌មានផ្លូវការ «KCNA» របស់របបកុម្មុយនីស្ដិ៍ លោក «Kwon Jong Gun» អគ្គនាយកទទួលបន្ទុកកិច្ចការអាមេរិក នៅក្រសួងការបរទេសកូរ៉េខាងជើង បានថ្លែងឲ្យដឹងថា៖

«ខ្ញុំបារម្ភថា បើលោក ភមភីអូ ចូលរួមក្នុងកិច្ចពិភាក្សានោះ បរិយាកាសនឹងប្រែក្លាយជាអាក្រក់ ហើយការជជែកគ្នាទាំងឡាយ នឹងប្រែក្លាយជាជាប់គាំង ជាថ្មីទៀត។»

«ឆ្លៀតក្នុងឱកាសនេះ នៅក្នុងករណីដែលមានលទ្ធភាព ឲ្យធ្វើការជជែកឡើងវិញ ជាមួយសហរដ្ឋអាមេរិក ខ្ញុំសង្ឃឹមថាសមភាគីរបស់យើង នឹងមិនមែនជាលោក ភមភីអូ នោះទេ តែជាឥស្សរជនផ្សេងទៀត (…) ដែលទទួលការស្ដាប់ និងមានភាពចាស់ទុំច្រើនជាង ដើម្បីទាក់ទងជាមួយយើង។»

ការផ្សព្វផ្សាយរបស់ទីភ្នាក់ងារផ្លូវការ ធ្វើឡើងប៉ុន្មានម៉ោង បន្ទាប់ពីទីភ្នាក់ងារព័ត៌មានមួយនេះ បានរាយការណ៍ ពីការសាកល្បងជាលើកទីពីរ នូវ«អាវុធយុទ្ធសាស្ត្របញ្ជាពីចំងាយ»មួយ កាលពីព្រឹកថ្ងៃព្រហស្បត្តិ៍។ ការសាកល្បងលើកទីមួយ ត្រូវបាន​របប​កុម្មុយនីស្ដិ៍អះអាង ថាបានធ្វើឡើង កាលពីដើមឆ្នាំ២០១៨។

ការសាកល្បង «អាវុធយុទ្ធសាស្ត្រ» កាលពីថ្ងៃព្រហស្បត្តិ៍ ជាការបង្ហាញសាច់ដុំលើកដំបូង បន្ទាប់ពីបរាជ័យ នៅក្នុងជំនួបកំពូល «ត្រាំ-គីម» កាលពីខែកុម្ភៈកន្លងមក នៅក្នុងរដ្ឋធានី ហាណូយ ប្រទេសវៀតណាម។

ក្រៅពីស្នើឲ្យដកលោក ម៉ៃ ភមភីអូ ចេញ​ពី​ការចរចា លោក «Kwon Jong Gun» នៅបន្តព្រមានថា បើសិនជាសហរដ្ឋអាមេរិក មិនបោះបង់ចោល នូវគោលនយោបាយចំបង ដែលបាន«ជំរុញឲ្យប្រទេសកូរ៉េខាងជើង បង្កើតអាវុធនុយក្លេអ៊ែរ»​ទេនោះ «គ្មាននរណាម្នាក់អាចទាយដឹងជាមុន ពីស្ថានភាពនៅលើឧបទ្វីប ដែលមានពោរពេញ ដោយអាវុធនុយក្លេអ៊ែរនោះទេ»។

យ៉ាងណា មន្ត្រីជាន់ខ្ពស់របស់ក្រុងព្យុងយ៉ាងរូបនេះ បានថ្លែងថា លោករីករាយ ដែលប្រមុខដឹកនាំរបស់លោក គឺលោក គីម ជុង-អ៊ុន (Kim Jong-Un) និងប្រធានាធិបតីអាមេរិក លោក ដូណាល់ ត្រាំ (Donald Trump) នៅមាន«ទំនាក់ទំនងល្អ ជាមួយគ្នាដូចធម្មតា» បើទោះជាការចរចាផ្នែកការទូត ស្ដីពីអាវុធនុយក្លេអ៊ែរ បាន«ទ័លច្រក»៕



លំអិតបន្ថែមទៀត

កម្រមាន

បើករថយន្ដ​​បុក​​ហ្វូង​បាតុករ ស្លាប់ម្នាក់​របួសធ្ងន់​ម្នាក់ នៅក្រុង Seattle

ស្ត្រីម្នាក់ ពីក្នុងចំណោមស្ត្រីពីរនាក់ បានទទួលមរណភាព បន្ទាប់ពី ត្រូវរថយន្ដពណ៌ស បើកបំបុកហ្វូងបាតុករ ពេញមួយល្បឿន លើផ្លូវ «I-5» នៅក្រុង «Seattle» សហរដ្ឋ​អាមេរិក កាលពីថ្ងៃសៅរ៍​សប្ដាហ៍មុន។ ...
ដំណឹង

ត្រឹមតែ​១ថ្ងៃ មហាសេដ្ឋី​៥០០នាក់​ ខាតប្រាក់​ជិត១១៨ពាន់​លានដុល្លារ

ត្រឹមតែ​១ថ្ងៃ គឺនៅថ្ងៃចន្ទ ដើមសប្ដាហ៍នេះ កំពូលអ្នកមានប្រាក់ច្រើនរយនាក់ នៅលើពិភពលោក បានបង់ខាតប្រាក់របស់ខ្លួន ប្រមាណជា១១៨ពាន់លានដុល្លារ។ នេះ បើតាមរបាយការណ៍​មួយ របស់ទូរទស្សន៍អាមេរិក «Bloomberg» ដោយលើកពីមូលហេតុ នៃការខាតបង់ ...
ដំណឹង

ចូ បៃដេន កំពុងឈ្នះ ត្រាំ ក្នុងការបោះឆ្នោត​​ប្រធានាធិបតី​អាមេរិក២០២០

ការរាប់សន្លឹកឆ្នោត​បន្ថែមទៀត ក្នុងថ្ងៃពុធទី៤ ខែវិច្ឆិកានេះ បង្ហាញទំនោរថា លោក ចូ បៃដេន (Joe Biden) បេក្ខជន​ពីគណបក្សប្រជាធិបតេយ្យ ទំនងជាឈ្នះលោក ដូណាល់ ត្រាំ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.