ដំណឹងអាស៊ី-ប៉ាស៊ីភិក

សុខភាព គីម ជុងអ៊ុន កំពុង​ឆ្លង​គ្រោះធំ?

មន្ទិលសង្ស័យ កំពុងកើតមាន នៅក្នុងឧបទ្វីបកូរ៉េ។ លោក គីម ជុងអ៊ុន (Kim Jong-Un) មេដឹកនាំកូរ៉េខាងជើង បានអវត្តមាន នៅក្នុងទិវាបុណ្យជាតិ​ដ៏ធំ កាលពីថ្ងៃទី១៥ ខែមេសា ឆ្នាំ២០២០ និងត្រូវបានបណ្ដាញទូរទស្សន៍អាមេរិក «CNN» អះអាងថា លោកបានឆ្លងកាត់ការវះកាត់ ដ៏សំខាន់មួយ កាលពីពេលថ្មីៗនេះ។

ទិវាបុណ្យជាតិដ៏សំខាន់នោះ គឺជាខួបកំណើតទី១០៨ របស់លោក គីម អ៊ីល-ស៊ុង (Kim Il Sung) ស្ថាបនិក«ជាប្រវត្តិសាស្ត្រ» នៃរបបកុម្មុយនីស្ដិ៍សព្វថ្ងៃ។ ទិវាមួយនេះ តែងត្រូវបានក្រុងព្យុងយ៉ាង ប្រារព្ធជាទៀតទាត់ និងជារៀងរាល់ឆ្នាំ ដោយមានការចូលរួម មិនដែលខាន ពីមេដឹកនាំកំពូលរបស់ខ្លួន ដែលសុទ្ធសឹងជាកូន និងជាចៅ របស់លោក គីម អ៊ីល-ស៊ុង។

ផ្ទុយទៅវិញ ទិវាបុណ្យ​ក្នុងឆ្នាំ២០២០នេះ ដែលទើបកន្លងទៅថ្មីៗ (ថ្ងៃទី១៥ ខែមេសា) គេមិនឃើញ លោក គីម ដែលជាចៅ ចេញមកធ្វើបុណ្យ រំឮកខួប​ឲ្យជីតារបស់ខ្លួន ជាមួយមន្ត្រីផ្លូវការដទៃទៀតទេ។ ជាពិសេស ប្រព័ន្ធឃោសនាផ្លូវការ របស់ប្រទេសកូរ៉េកុម្មុយនីស្ដិ៍ ឈ្មោះ «KCNA» ក៏មិនបានបង្ហាញរូបលោក គឹម នៅក្នុងទំព័រព័ត៌មាន របស់ខ្លួនដែរ។

ប៉ុន្តែ ភាពភ្ញាក់ផ្អើលបានផ្ទុះឡើង បន្ទាប់ពីសារព័ត៌មាន «Daily NK» របស់ក្រុមអ្នកផ្ដាច់ខ្លួន ពីកូរ៉េខាងជើង បានផ្សាយឲ្យដឹងថា លោក គីម ជុងអ៊ុន បានឆ្លងកាត់ការវះកាត់បេះដូង ក្នុងខែមេសានេះ ហើយកំពុងសំងំព្យាបាលជំងឺនេះ នៅក្នុងខេត្តមួយ ស្ថិតនៅភាគខាងជើងប្រទេស។

សារព័ត៌មាន «Daily NK» បានស្រង់ប្រភពពីប្រទេសកូរ៉េខាងជើង ដែលមិនបញ្ចេញអត្តសញ្ញាណ មកអះអាងថា៖

«មូលហេតុដែលនាំឲ្យលោក គីម ត្រូវធ្វើការវះកាត់បេះដូង ជាបន្ទាន់នោះ គឺដោយសារលោក មានបញ្ហា ទាក់ទងនឹងការជក់បារីច្រើនហួស សភាពធាត់ចុះខ្លាញ់ និងការនឿយហត់អស់កម្លាំង របស់គាត់។»

«លោក គីម មានអាការៈរលាក​សរសៃឈាម ដែលពាក់ព័ន្ធនឹងបេះដូង តាំងពីខែសីហា ប៉ុន្តែស្ថានភាពរបស់គាត់ កាន់តែអាក្រក់ទៅ ៗ បន្ទាប់ពីគាត់ធ្វើដំណើរ ចុះឡើងច្រើន ទៅកាន់ភ្នំ “Paektu” កាលពីពេលថ្មីៗនេះ។»

សម្រាប់​បណ្ដាញទូរទស្សន៍ «CNN» របស់អាមេរិកវិញ បានលើកយកប្រភព ដែលជាមន្ត្រីទទួលខុសត្រូវ របស់សហរដ្ឋអាមេរិកមួយរូប មកបញ្ជាក់ថា ក្រុងវ៉ាស៊ីនតោន កំពុងពិនិត្យលើស្ថានភាពសុខភាព របស់លោក គីម ដែលបានរងការវះកាត់ ជាបន្ទាន់នោះ។ ប៉ុន្តែ «CNN» មិនបានអះអាងថា តើព័ត៌មានខាងលើ ពិតឬយ៉ាងណាទេ។

ដោយឡែក អ្នកនាំពាក្យ វិមានប្រធានាធិបតីកូរ៉េខាងត្បូង បានកាត់បន្ថយ ការភ្ញាក់ផ្អើលនោះ ដោយលើកឡើងដូច្នេះថា៖

«យើងមិនមានអ្វី ដើម្បីអះអាងព័ត៌មានខាងលើទេ ហើយយើងក៏មិនបាន​រកឃើញ ករណីអ្វីមួយប្លែក នៅកូរ៉េខាងជើងដែរ៕»



You may also like

ដំណឹង

គីម ជុងអ៊ុន ឲ្យ​ដំណឹង​ហើយ បន្ទាប់ពី​ព័ត៌មាន​ដ៏ប្រទាំងប្រទើសស្ដីពី​សុខភាព

មេដឹកនាំវ័យក្មេង របស់ប្រទេសកូរ៉េខាងជើង បានបញ្ចេញសញ្ញា «ឲ្យ​ដំណឹង​ហើយ» បន្ទាប់ពីអវត្តមានយ៉ាងអាថ៌កំបាំង អស់រយៈពេលជាច្រើនថ្ងៃ (ឬច្រើនសប្ដាហ៍) កន្លងមក។  អវត្តមានរបស់លោក គីម ជុនអ៊ុន (Kim Jong-un) ...
ដំណឹង

កូរ៉េខាងជើងសាទរខ្លួនឯង អំពី​«ជ័យ​ជម្នះ​ដ៏អស្ចារ្យ»​លើ​«Covid-19»

មេដឹកនាំកូរ៉េខាងជើង លោក គីម ជុង-អ៊ុន (Kim Jong Un) បានធ្វើការ​កោតសរសើរ​ខ្លួនឯង ដោយអះអាងថា ជា«ជ័យ​ជម្នះ​ដ៏អស្ចារ្យ» ចំពោះការទប់ស្កាត់ និងប្រយុទ្ធទល់​នឹងរោគរាតត្បាត «Covid-19»។ ...
ដំណឹង

ហេតុអ្វី​ជំនួបទី២ ត្រាំ-គីម មិនទទួលបាន​«កិច្ចព្រមព្រៀងអ្វីសោះ»

ប្រធានាធិបតីអាមេរិក លោក ដូណាល់ ត្រាំ (Donald Trump) បានប្រកាសថា ជំនួបរបស់លោក ជាមួយមេដឹកនាំកូរ៉េខាងជើង លោក គីម ជុង-អ៊ុន (Kim ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...