ចាប់ពីខែកក្កដាមុនមក ការមានសត្វចិញ្ចឹម នៅក្នុងគេហដ្ឋាន ជាទង្វើខុសច្បាប់។ សត្វទាំងនោះ នឹងត្រូវបញ្ជូន ទៅកាន់សួនសត្វរបស់រដ្ឋ ឬត្រូវយកទៅលក់ ដើម្បីធ្វើទទួលទាន នៅតាមភោជនីយដ្ឋាននានា នៅក្នុងប្រទេសកូរ៉េខាងជើង។
សម្រាប់មេដឹកនាំផ្ដាច់ការ នៃរបបកុម្មុយនីស្ដិ៍កូរ៉េ លោក គីម ជុង-អ៊ុន (Kim Jong-Un) បានលើកឡើងថា សត្វចិញ្ចឹមដូចយ៉ាងសត្វឆ្កែជាដើម ជានិមិត្តរូបដ៏គួរឲ្យខ្ពើមរអើម នៃមនោគមវិជ្ជាមូលធន-សក្ដិភូមិ។
សេចក្ដីរាយការណ៍មួយ របស់សារព័ត៌មាន នៅប្រទេសកូរ៉េខាងត្បូង ឈ្មោះ «Chosun Ilbo» ដែលត្រូវបានអះអាងបន្ថែម ដោយសារព័ត៌មានអង់គ្លេស ឈ្មោះ «Dailymail» បានឲ្យដឹងថា អាជ្ញាធរកូរ៉េខាងត្បូង បានរកឃើញគ្រួសារ ដែលមានចិញ្ចឹមឆ្កែ និងដែលត្រូវបានបង្ខំ ឲ្យបោះបង់ឆ្កែទាំងនោះ ឬបើមិនដូច្នេះទេ សត្វសុនខនឹងត្រូវរឹបអូស ដើម្បីយកទៅសម្លាប់។
![](https://i.dailymail.co.uk/1s/2020/08/17/12/32044582-8634831-image-a-22_1597665107581.jpg)
ចំណាត់ការខាងលើ បានបង្កការព្រួយបារម្ភ ដល់បណ្ដាជនកូរ៉េខាងជើងទាំងឡាយ ដែលមានចិញ្ចឹមសុនខ ដែលអ្នកផងចាត់ទុកថា ជាមិត្តរបស់មនុស្ស។ ពួកគេបានសង្ស័យទៀតថា ការចាប់សត្វឆ្កែ គឺជាដំណោះស្រាយរបស់របបកុម្មុយនីស្ដិ៍ ក្នុងការសម្រាលគ្រោះទុរ្ភិក្ស ដែលបាន និងកំពុងកើតមាន នៅក្នុងប្រទេសកូរ៉េខាងជើង។
បើតាមរបាយការណ៍ របស់អង្គការសហប្រជាជាតិ (អ.ស.ប) បានអះអាងថា ប្រជាជនកូរ៉េខាងជើង ប្រមាណជា៦០% កំពុងស្ថិតក្នុងភាពអត់ឃ្លាន ដោយការខ្វះខាតចំណីអាហារ៕
![](https://i.dailymail.co.uk/1s/2020/08/17/13/32045256-8634831-image-a-27_1597666665338.jpg)
![](https://i.dailymail.co.uk/1s/2020/08/17/12/32044592-8634831-image-a-23_1597665110878.jpg)