ដំណឹងអាស៊ី-ប៉ាស៊ីភិក

កងទ័ព​ចិន​និង​សព្វាវុធ ត្រូវបាន​ឃើញ​ចល័ត​មក​ជាប់«ព្រំដែន»​ហុងកុង

កងកម្លាំងអាវុធហត្ថ របស់ប្រទេសចិន ត្រូវបានចល័ត ឲ្យមកឈរជើង និងហ្វឹកហាត់ នៅក្នុងកីឡដ្ឋានមួយ នៃក្រុង «Shenzhen» ដែលនៅជាប់ជាមួយ«ព្រំដែន»​ក្រុងហុងកុង។ នេះ បើតាមការសេចក្ដីរាយការណ៍ របស់ទីភ្នាក់ងារព័ត៌មានបារាំង «AFP» ដែលអះអាងថា គឺអ្នកសារព័ត៌មានរបស់ខ្លួន ជាអ្នកបានឃើញផ្ទាល់ និងបានផ្តិតយករូបភាព ពីហេតុការណ៍នេះ។

សេចក្តីរាយការណ៍ បានឲ្យដឹងថា កងកម្លាំងទាំងនោះបានធ្វើការហ្វឹកហាត់ ដូចជាការចល័តទាំងក្រុម ការរត់ និងការជិះម៉ូតូ នៅក្នុង និងជុំវិញកីឡដ្ឋាន ដែលមានចម្ងាយប្រមាណ តែ៧គីឡូម៉ែត្រប៉ុណ្ណោះ ពីច្រក«ព្រំដែន»នៃក្រុង ហុងកុង

មូលហេតុនៃវត្តមាន របស់កងកម្លាំងទាំងអស់នេះ ក្នុងតំបន់នោះ មិនត្រូវបានបញ្ចេញ ឲ្យដឹងទេ។

សម្រាប់លោក «Liu Xiaoming» ឯកអគ្គរដ្ឋទូតចិន ប្រចាំនៅចក្រភពអង់គ្លេស បានថ្លែងក្នុងសន្និសីទសារព័ត៌មានមួយ ក្នុងថ្ងៃនេះថា៖

«បើស្ថានភាពនៅតែបន្តយ៉ាប់យ៉ឺន ហើយសណ្ដាប់ធ្នាប់សាធារណៈ មិនអាចគ្រប់គ្រងបាន ដោយរដ្ឋាភិបាល (ហុងកុង) អញ្ចឹងរដ្ឋាភិបាលកណ្ដាល នឹងមិនឈរឱបដៃមើលនោះទេ។»

មន្ត្រីការទូតរូបនេះបន្តថា៖

«ប្រទេសចិនមានមធ្យោបាយ និងឥទ្ធិពលគ្រប់គ្រាន់ ដើម្បីបង្ក្រាបភាពអាណាធិបតេយ្យ បានយ៉ាងឆាប់រហ័ស។»

ក្រុងហុងកុង ត្រូវបានគ្របដណ្ដប់ ជាបន្តបន្ទាប់ ដោយបាតុកម្មទាមទារសិទ្ធិសេរីភាព និងលទ្ធិប្រជាធិបតេយ្យ ជាពិសេសទាមទារឲ្យ រដ្ឋាភិបាលក្រុងប៉េកាំង ដកឥទ្ធិពលរបស់ខ្លួន ចេញពីអតីតដែនដី អាណានិគមអង់គ្លេសមួយនេះ។

ក្នុងរយៈពេលចុងក្រោយ ក្រុងប៉េកាំងបានពន្លេចពាក្យចចាមអារ៉ាមជាច្រើន ក្នុងការចូលធ្វើអន្តរាគមន៍ បង្ក្រាបបាតុកម្ម​ក្នុង​ក្រុងហុងកុង ដើម្បីអ្វីមួយ ដែលប្រទេស​កុម្មុយនិស្ត​ហៅថា ជាការថែរក្សាសណ្ដាប់ធ្នាប់។ សារព័ត៌មានផ្លូវការ របស់រដ្ឋចិន ថែមទាំងបានបង្ហោះវីដេអូ ស្ដីពីការចល័តទ័ពយ៉ាងសន្ធឹកសន្ធាប់ ឆ្ពោះទៅកាន់ក្រុង «Shenzhen» នោះផង។

លោក «Liu Xiaoming» បញ្ជាក់ទៀតថា៖

«ក្រុងហុងកុង ជាផ្នែកមួយរបស់ប្រទេសចិន។ គ្មានបរទេសណាមួយ មានសិទ្ធិជ្រៀតជ្រែក ចូលក្នុង​រឿងនេះ​បានទេ។ យើងសូមស្នើ ដល់ប្រទេសមហាអំណាចទាំងអស់ ត្រូវគោរពអធិបតេយ្យភាព របស់ប្រទេសចិន។»

កាលពីថ្ងៃពុធ ក្រុងប៉េកាំងបានចោទប្រកាន់ក្រុមអ្នកតវ៉ា នៅក្រុងហុងកុង ថាបានធ្វើ​ទង្វើ​ប្រៀបបាន​នឹង​«ពួក​ភេរវជន»។ ការលើកឡើងនេះ ធ្វើឡើងបន្ទាប់ពីបាតុកម្មតវ៉ា បានផ្ទុះចេញជាអំពើហិង្សា និងការឆ្លើយតបយ៉ាងចាស់ដៃ ពីសំណាក់អាជ្ញាធរ៕



You may also like

ដំណឹង

តុល្យភាពថ្មី ៖ ៦,៥ម៉ឺននាក់​ឆ្លង​មេរោគ​«កូរូណា»​ និង​១,៥ពាន់​នាក់បាន​ស្លាប់

តុល្យភាពថ្មី ៖ ចំនួនជនរងគ្រោះ បណ្ដាលពីការឆ្លងមេរោគ​«កូរូណា»ថ្មី នៅតែបន្តកើនឡើង។ របាយការណ៍ប្រចាំថ្ងៃ របស់អាជ្ញាធរចិន បានឲ្យដឹង ក្នុងព្រឹកថ្ងៃសុក្រនេះថា ក្នុងរយៈពេល មួយថ្ងៃព្រហស្បត្តិ៍ម្សិលម៉ិញ ករណីឆ្លងជំងឺខាងលើ មានចំនួនបន្ថែម ...
កម្ពុជា

ហ៊ុន សែន ជូនពរ​«ចូលឆ្នាំចិន»​៤ថ្ងៃមុន ដោយធៀប​ទៅ​របបខ្មែរក្រហម

«ខ្ញុំនិងភរិយា សូមជូនពរបងប្អូនជនរួមជាតិបានសប្បាយរីករាយ នៅក្នុងឱកាសបុណ្យ”ចូលឆ្នាំចិន”ខាងមុខ និងមានលាភសំណាងគ្រប់ៗគ្នា។» ខាងលើនេះ ជាការថ្លែងពាក្យជូនពរ សម្រាប់ពិធីចូលឆ្នាំចិន-វៀតណាម ពីសំណាក់នាយករដ្ឋមន្ត្រីកម្ពុជា ខណៈពិធីជាប្រពៃណីនេះ នឹងចូលមកដល់ ក្នុង៤ថ្ងៃខាងមុខ។ យ៉ាងណា បុរសខ្លាំងកម្ពុជា ...
ដំណឹង

ប្រធានាធិបតី​ចិន​នៅ​ប៉ារីស៖ ចិននឹងទិញ «AirBus» ៣០០គ្រឿង

សហគ្រាសរដ្ឋរបស់ប្រទេសចិន នឹងទិញយន្ដហោះអ៊ែរប៊ូស «Airbus» ៣០០គ្រឿង ពីប្រទេសបារាំង ក្នុងនោះយន្ដហោះប្រភេទមធ្យម «A320» ចំនួន២៩០គ្រឿង និងយន្ដហោះប្រភេទធំ «A350» ចំនួន១០គ្រឿង។ នេះ បើតាមការប្រកាសឲ្យដឹង ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...