ដំណឹងអាស៊ី-ប៉ាស៊ីភិក

ពលរដ្ឋហុងកុងជិត២លាននាក់ ចុះធ្វើបាតុកម្មក្រោមភ្លៀង ដើម្បីសិទ្ធិសេរីភាព

ដើម្បីសិទ្ធិសេរីភាព – ឧទ្យាន «Victoria» កណ្ដាលក្រុងហុងកុង និងតំបន់ជុំវិញ បានទទួលពលរដ្ឋហុងកុង ប្រមាណជាង ១,៧លាននាក់ ដែលបានចុះធ្វើបាតុកម្ម ដោយសន្តិវិធី នៅក្រោមតំណក់ទឹកភ្លៀង ដើម្បីគាំទ្រដល់ចលនាប្រជាធិបតេយ្យ កាលពីថ្ងៃអាទិត្យម្សិលម៉ិញ។

ពលរដ្ឋចំនួន១,៧លាននាក់ ជាតួលេខលើកឡើង ដោយអ្នករៀបចំបាតុកម្ម និងអះអាងបន្ថែម ដោយបណ្ដាស្ថាប័នអ្នកឃ្លាំមើលផ្សេងទៀត។ ប៉ុន្តែ ពុំមានតួលេខអះអាង ចេញពីអាជ្ញាធរនោះទេ។

អាជ្ញាធរបានហាមឃាត់ រាល់ការជួបជុំណាក៏ដោយ ដែលមានចំនួនអ្នកចូលរួម ច្រើនហួសហេតុ នៅក្នុងសួនឧទ្យានខាងលើ។ តែការហាមឃាត់នេះ ហាក់មិនត្រូវបានពលរដ្ឋអើពើទេ ដោយពួកគេ នៅតែប្រមូលគ្នីគ្នាមកជួបប្រជុំ បើទោះមានភ្លៀងធ្លាក់យ៉ាងណាក្ដី ដើម្បីធ្វើការសំដែងមតិ។

ក្រុមបាតុករបានលើកឡើង ពីការគាំទ្ររបស់ផងខ្លួន នៅចំពោះចលនាទាមទារ សិទ្ធិសេរីភាព និងដើម្បីលទ្ធិប្រជាធិបតេយ្យ ដែលបានផ្ទុះឡើង តាំងពីច្រើនសប្ដាហ៍មកហើយ និងជាពិសេស បានបរិហារពីអំពើហិង្សា បង្កឡើងដោយកងកម្លាំងអាជ្ញាធរ ធ្វើទៅលើក្រុមបាតុករ ដែលជារឿយៗ បានតរដៃវិញ ដោយការគប់ដុំថ្ម ឬដបសាំង។

ក្រុងហុងកុងបានធ្លាក់ខ្លួន ចូលក្នុងវិបត្តិដ៏ធ្ងន់ធ្ងរបំផុត រាប់ចាប់តាំងពីក្រុងមួយនេះ ត្រូវបានអាណានិគមអង់គ្លេស ប្រគល់ទៅឲ្យប្រទេសចិនវិញ នៅឆ្នាំ១៩៩៧។

បាតុកម្មនិយមលទ្ធិប្រជាធិបតេយ្យ ដែលកើតឡើងសឹងជារៀងរាល់ថ្ងៃ បានទាមទារឲ្យមាន នូវដំណោះស្រាយជាច្រើន ក្នុងនោះដូចជា ទាមទារឲ្យមានការបោះឆ្នោត ជាសាកល និងដោយសេរីជាដើម។ តែការទាមទារមួយនេះ មិនទទួលការឆ្លើយតប ជាវិជ្ជមានឡើយ ពីសំណាក់រដ្ឋបាលក្រុងហុងកុង ដែលលំអៀងទៅរករដ្ឋាភិបាលកុម្មុយនីស្ដ៍ ក្រុងប៉េកាំង៕



លំអិតបន្ថែមទៀត

ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...
រូបភាពចំអក របស់សកម្មជនការពារសេរីភាពសារព័ត៌មាន នៅក្នុងប្រទេសវៀតណាម។ (រូបភាពរបស់ RSF)
ទស្សនៈប្រិយមិត្ត

លិខិតប្រិយមិត្ត៖ «ទិវាសិទ្ធិមនុស្ស ខណៈនិន្នាការ​ផ្ដាច់ការនិយម​កើនឡើង»

ក្នុងខែធ្នូនេះ​ នៅពេលដែលអង្គការ​សហប្រជាជាតិ​ប្រារព្ធ«ទិវាសិទ្ធិមនុស្ស» ពិភពលោក​ទាំងមូល​​កំពុងតែពើបប្រទះ នូវបញ្ហាប្រឈមនានា ចំពោះមុខ​លទ្ធិប្រជាធិបតេយ្យ និងសិទ្ធមនុស្ស។ របបផ្តាច់ការនានា កំពុងតែបន្តគាបសង្កត់សង្កិន ពួកអ្នកប្រឆាំង ឬអ្នកដែលតវ៉ា​ទាមទារសិទ្ធិស៊ីវិល ជាមូលដ្ឋាន។ បណ្តារដ្ឋដែលប្រកាន់របបប្រជាធិបតេយ្យ ក៏កំពុង​ដោះស្រាយនូវរលក ...
កម្ពុជា

ហ៊ុន សែន៖ «មិន​ជម្លៀស»​ពលរដ្ឋ​ចេញ​ពីចិន ព្រោះ​ខ្លាចនាំ​​ជំងឺ​ចូល​ស្រុក

«ខ្ញុំមានមោទនភាពក្រៃលែង ដែលធ្វើការសម្រេចចិត្តត្រូវ!» នេះ ជាការថ្លែងឡើងរបស់លោកនាយករដ្ឋមន្ត្រី ហ៊ុន សែន ដើម្បីពន្យល់ ពីការបដិសេធរបស់លោក ក្នុងពេលកន្លងមក ក្នុងការ«មិន​ជម្លៀស»និស្សិត និងពលរដ្ឋខ្មែរចេញពីប្រទេសចិន នៅខណៈពេលដែលមេរោគ «កូរូណា» ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...