យុវតីអង់គ្លេស​អាយុ១៤ឆ្នាំម្នាក់ បាន«ជាប់គូទ»​នៅក្នុងប្រឡោះទោង ដែលគេធ្វើដើម្បីសុវត្ថិភាពកូនក្មេង នៅក្នុងទីធ្លាកម្សាន្ដ​មួយ​កន្លែង​នៅក្បែរផ្ទះ។ កញ្ញា «Layani Maclean» ដែលជាតារាល្បី​​នៅក្នុងបណ្ដាញចែកចាយវីដេអូ «TikTok» ត្រូវរង់ចាំអស់ជាងមួយម៉ោង ទម្រាំក្រុមអ្នកជួយសង្គ្រោះ ជួយយកនាងចេញពីប្រឡោះនោះ ដោយមានជំនួយពី… ទឹកសាប៊ូលាងចាន។

រឿងរ៉ាវកើតឡើង កាលពីថ្ងៃទី១២ ខែកក្កដា ឆ្នាំ២០២០នេះ ក្នុងក្រុង«Faringdon» (Oxfordshire) ចំងាយប្រមាណ​ជាង​១០០គីឡូម៉ែត្រ ភាគខាងលិចរាជធានីឡុងដ៍ បន្ទាប់ពីកញ្ញាវ័យក្មេង ព្យាយាមប្រើទោង​ជិះបង្វិលខ្លួន ដើម្បីថតបង្ហោះក្នុងគណនី​«TikTok»​របស់នាង។

ដំបូងឡើយ ម្ដាយរបស់យុវតីជំទង់ អ្នកស្រី​«Charlie» បានព្យាយាមជួយ​កូនស្រីរបស់ខ្លួនដែរ តែអ្នកស្រីទាល់តម្រិះ ទើបសម្រេចចិត្ត​ហៅក្រុមអ្នកជួយសង្គ្រោះ ឲ្យធ្វើអន្តរាគមន៍។ អ្នកស្រីត្រូវបានសារព័ត៌មាន «Daily Mail» ស្រង់សំដីមកចុះផ្សាយថា៖

«ខ្ញុំដឹងរឿងវា”ជាប់គូទ”នេះ តាមអ្នកជិតខាងម្នាក់។ ដំបូង ខ្ញុំស្ដាប់ទៅគួរឲ្យផ្ទុះសំណើច។ តែនៅពេលមកដល់ និងបានឃើញផ្ទាល់ ទើបដឹងថា រឿងរ៉ាវដូចជាធ្ងន់ធ្ងរគួរសម។»

បន្ទាប់ពីបានរួចគូទពីប្រឡោះទោង កញ្ញា «Layani Maclean» បានសន្យាទាំងសប្បាយចិត្តថា នាងនឹងធ្វើនំ ដើម្បីអញ្ជើញក្រុម​អ្នកជួយសង្គ្រោះទាំងនេះ មកពិសារជុំគ្នា នៅពេលក្រោយ៕



លំអិតបន្ថែមទៀត

ដំណឹង

បូរីស ចនសុន ក្លាយជា​នាយករដ្ឋមន្ត្រី​​ថ្មី​នៃ​ចក្រភព​អង់គ្លេស

ចាប់ពីយប់ថ្ងៃពុធ ទី២៤ ខែកក្កដា ឆ្នាំ២០១៩នេះទៅ ចក្រភពអង់គ្លេសមាននាយករដ្ឋមន្ត្រីថ្មីមួយរូប ឈ្មោះ បូរីស ចនសុន (Boris Johnson) មេដឹកនាំមកពីគណបក្សអភិរក្សនិយម (ប្រកាន់ស្ដាំ)។ លោក ...
ដំណឹង

ស៊ុយអែដ​បើក​សំនុំរឿង​ចាប់​រំលោភ​ជាថ្មី ប្រឆាំង​ស្ថាបនិក WikiLeaks

បន្ទាប់ពីរងការចាប់ខ្លួន ពីសំណាក់អាជ្ញាធរអង់គ្លេសរួច លោក ជូលៀន អាសាញ (Julian Assange) ស្ថាបនិក«វីគីលីគ (WikiLeaks)» បាន​រង​ការចោទប្រកាន់​ជាថ្មី ពីសំណាក់​ប្រព័ន្ធយុត្តិធម៌ នៃប្រទេសស៊ុយអែដ ទាក់ទងនឹងសំនុំរឿង​ចាប់រលោភ ដដែលមួយ ...
ដំណឹង

ក្រុមប្រទេស​«G7»​ថ្កោលទោស​រ៉ុស្ស៊ី ក្នុងការផ្លោងគ្រាប់​ដាក់ផ្សារ​អ៊ុយក្រែន

មេដឹកនាំនៃក្រុមប្រទេស ដែលមានវិស័យឧស្សហកម្មជឿនលឿនជាងគេ ឬហៅថា «G7» បានរួមគ្នាថ្កោលទោសប្រទេសរ៉ុស្ស៊ី ជុំវិញព្រឹត្តិការណ៍ផ្លោងគ្រាប់ដាក់ផ្សារទំនើបមួយកន្លែង នៃក្រុង«Krementchouk» (ភាគកណ្ដាល) នៃប្រទេសអ៊ុយក្រែន បណ្ដាលឲ្យមានជនស៊ីវិលស្លាប់ យ៉ាងតិច១៦នាក់។ ក្រុមមេដឹកនាំ នៃប្រទេសមហាយក្សទាំង៧ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.