ដំណឹងពិភពលោក

Covid-19៖ នាយករដ្ឋមន្ត្រី​អង់គ្លេស ត្រូវបាន​ផ្ទេរទៅ​«សង្គ្រោះបន្ទាន់»

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស ដែលបានចូលសម្រាក ក្នុងមន្ទីរពេទ្យ កាលពីយប់ថ្ងៃអាទិត្យ ត្រូវបានផ្ទេរទៅ«សង្គ្រោះបន្ទាន់» ក្នុងរសៀលថ្ងៃចន្ទនេះ។

គួរគូសបញ្ជាក់ដែរថា ក្នុងប្រព័ន្ធព្យាបាល នៅតាមមន្ទីរពេទ្យនានា នៅអ៊ឺរ៉ុបខាងលិច ការសង្គ្រោះបន្ទាន់ ឬការសង្គ្រោះក្នុងកម្រិតខ្ពស់ (Soins Intensifs) មិនមានន័យថា អ្នកជំងឺចាំបាច់ ត្រូវមានសភាពក្បែរស្លាប់ ឬព្យាបាលមិនជា នោះឡើយ។

លោក ចនសុន ត្រូវបានរកឃើញ ថាបានឆ្លងជំងឺ «Covid-19» តាំងពី១០ថ្ងៃមុន តែលោកបានដាក់ខ្លួន ព្យាបាលដោយឡែក នៅក្នុងវិមានរដ្ឋាភិបាល «Downing Street» រហូតលុះត្រាវេជ្ជបណ្ឌិតផ្ទាល់ខ្លួន របស់លោក ផ្ដល់យោបល់ឲ្យលោកត្រូវចូលខ្លួន ទៅសម្រាកនៅមន្ទីរពេទ្យ ក្នុងយប់ថ្ងៃអាទិត្យ។

ទស្សនាវដ្ដី «Time» បានរាយការណ៍ថា លោក ចនសុន បានសម្រាកក្នុងមន្ទីរពេទ្យ «St Thomas’ Hospital» ដែលស្ថិតនៅកណ្ដាលរាជធានី ឡុងដ៍។ លោកត្រូវបានដាក់ឲ្យដកដង្ហើម ដោយមានជំនួយពីខ្យល់អុកស៊ីសែន បន្ទាប់ពីក្រុមគ្រូពេទ្យ បានពិនិត្យរោគសញ្ញា របស់លោក។

អ្នកនាំពាក្យរបស់លោក ចនសុន បានថ្លែងឲ្យដឹង ក្នុងល្ងាចនេះ តាមសេចក្ដីប្រកាសព័ត៌មានមួយថា៖

«ក្នុងរសៀលថ្ងៃចន្ទនេះ ស្ថានភាពសុខភាពរបស់លោក មានលក្ខណៈកាន់តែខ្សោយ ហើយដោយស្របតាមយោបល់ របស់ក្រុមគ្រូពេទ្យ លោកត្រូវបានផ្ទេរ ទៅកាន់ប្លុកសង្គ្រោះ ក្នុងកម្រិតខ្ពស់ របស់មន្ទីរពេទ្យ។»

«លោកនាយករដ្ឋមន្ត្រី បានស្នើឲ្យរដ្ឋមន្ត្រីការបរទេស លោក “Dominic Raab” ធ្វើកិច្ចការជំនួសលោក ក្នុងពេលនេះ ដែលជាការចាំបាច់បំផុត។»

ការបញ្ជូនលោក បូរីស ចនសុន ឲ្យចូល«សង្គ្រោះបន្ទាន់» បានធ្វើឡើងមួយថ្ងៃ ក្រោយព្រះរាជឱង្កា របស់ព្រះមហាក្សត្រីយ៉ានី អេលីហ្សាប៊ែត ទី២ នៅតាមកញ្ចក់ទូរទស្សន៍ ក្នុងយប់ថ្ងៃអាទិត្យនេះ ដែលត្រូវបានចាត់ទុកថា ជាឱកាសដ៏កម្រ និងជាប្រវត្តិសាស្ត្រ។

មកដល់នាទីនេះ ចក្រភពអង់គ្លេស បានរកឃើញករណីឆ្លងជំងឺ «Covid-19» កើនឡើងដល់ ៥២ ២៧៤នាក់ ក្នុងនោះអ្នកជំងឺ​ ៥ ៣៨៣នាក់បានស្លាប់៕



You may also like

ដំណឹង

អាជ្ញាធរឱសថបារាំង ថា​វ៉ាក់សាំង​«AstraZeneca» ពិតជា​មានហានិភ័យ

អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ...
កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

ទោះជាគ្មានការទទួលស្គាល់ ពីអង្គការសុខភាពពិភពលោក (WHO /OMS) ក៏ដោយ តែលោក ហ៊ុន សែន នាយករដ្ឋមន្ត្រីកម្ពុជា បានប្រកាសឲ្យប្រើវ៉ាក់សាំង បង្ការជំងឺកូវីដ១៩ (Covid-19) ដែលស្រាវជ្រាវ ...
កម្ពុជា

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។ សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...