ដំណឹងពិភពលោក

បូរីស ចនសុន ក្លាយជា​នាយករដ្ឋមន្ត្រី​​ថ្មី​នៃ​ចក្រភព​អង់គ្លេស

ចាប់ពីយប់ថ្ងៃពុធ ទី២៤ ខែកក្កដា ឆ្នាំ២០១៩នេះទៅ ចក្រភពអង់គ្លេសមាននាយករដ្ឋមន្ត្រីថ្មីមួយរូប ឈ្មោះ បូរីស ចនសុន (Boris Johnson) មេដឹកនាំមកពីគណបក្សអភិរក្សនិយម (ប្រកាន់ស្ដាំ)។ លោក ចនសុន បានមកជំនួសអ្នកស្រី ថេរេសា ម៉េ (Theresa May) បន្ទាប់ពីលោកត្រូវបានទទួលចូលគាល់ ដោយព្រះមហាក្សត្រីយ៉ានីអង់គ្លេស ក្នុងយប់ថ្ងៃដដែលនេះរួច។

ការចូលកាន់តំណែងថ្មី របស់លោក ចនសុន ដែលធ្លាប់ជា​អតីតអភិបាលរាជធានី ឡុងដ៍ និងជាអតីតរដ្ឋមន្ត្រីការបរទេសអង់គ្លេស ក៏ត្រូវបានកត់សម្គាល់ តាមរយៈសុន្ទរកថាផ្លូវរការរបស់លោក នៅពីមុខវិមានរដ្ឋាភិបាលអង់គ្លេស ដែលមានអស័យដ្ឋាន «10 Downing Street» នោះដែរ។

លោក ចនសុន បានសន្យាថា នឹងបញ្ចេញចក្រភពអង់គ្លេស ពីសហភាពអ៊ឺរ៉ុប នៅថ្ងៃទី៣១ ខែតុលាខាងមុខ ដោយគ្មានលក្ខខណ្ឌអ្វីទាំងអស់។ គ្មានលក្ខខណ្ឌ គឺលោកចង់សំដៅអំពីការចាកចេញមួយ ដែលគ្មានកិច្ចព្រមព្រៀង (ចាកចេញឆៅ)។ លោកលើកឡើងថា៖

«យើងនឹងបំពេញកិច្ចសន្យា ដែលត្រូវបានធ្វើដោយរដ្ឋសភាជាតិ ទៅកាន់ប្រជាជន និងចាកចេញពីសហភាពអ៊ឺរ៉ុប នៅថ្ងៃទី៣១ ខែតុលាខាងមុខ ដោយគ្មានលក្ខខណ្ឌអ្វីទាំងអស់។»

ក្នុងយប់ដដែលនេះ លោកនាយករដ្ឋមន្ត្រីថ្មីថ្មោង បានបង្ហើបឲ្យដឹង ពីសមាសភាពមួយចំនួន នៃរដ្ឋាភិបាលរបស់លោក ដែលភាគច្រើនសុទ្ធសឹង ជាឥស្សរជនជំទាស់នឹងសហភាពអ៊ឺរ៉ុប

លោក បូរីស ចនសុន អាយុ៥៥ឆ្នាំ បានទទួលជ័យជំនះ នៅក្នុងការបោះឆ្នោត ជ្រើសតាំងប្រធានគណបក្សអ្នកអភិរក្សនិយម កាលពីថ្ងៃអង្គារម្សិលម៉ិញ។ តាមលក្ខន្តិកៈរបស់គណបក្ស គឺតំណែងជាមេដឹកនាំគណបក្ស ដែលមានសម្លេងភាគច្រើន នៅរដ្ឋសភាមួយនេះ អនុញ្ញាតឲ្យលោកក្លាយខ្លួន ជានាយករដ្ឋមន្ត្រី នៅចំពោះការលាលែងពីតំណែង របស់អ្នកស្រី ថេរេសា ម៉េ កាលពីប៉ុន្មានខែមុន៕



You may also like

ដំណឹង

អាជ្ញាធរឱសថបារាំង ថា​វ៉ាក់សាំង​«AstraZeneca» ពិតជា​មានហានិភ័យ

អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ...
ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ការថ្លែងជាថ្មី របស់លោក វ្លាឌីមៀរ ពូទីន (Vladimir Poutine) ប្រធានាធិបតីរ៉ុស្ស៊ី បង្ហាញពី«ក្ដី​អស់សង្ឃឹម​របស់គាត់» នៅក្នុងសង្គ្រាមឈ្លានពានប្រទេសអ៊ុយក្រែន ដែលបានប្រព្រឹត្តិទៅ អស់ជាង៦ខែកន្លងមកហើយ។ នេះ ជាប្រតិកម្មខ្លាំងៗរបស់មេដឹកនាំសហភាពអ៊ឺរ៉ុប ...
ដំណឹង

យ៉ាងតិច៧ប្រទេសនៅអ៊ឺរ៉ុបទទួលស្គាល់ ហ្គេដូ ជាប្រធានាធិបតីស្ដីទី

បន្ទាប់ពីឱសានវាទបានផុតកំណត់ ប្រទេសនានានៅអ៊ឺរ៉ុប ចាប់ផ្ដើមប្រកាសជាផ្លូវការ និងជាបន្តបន្ទាប់ ទទួលស្គាល់លោក រ៉ន់ ហ្គេដូ (Juan Guaido) មេដឹកនាំប្រឆាំង និងជាប្រធានរដ្ឋសភា ក្នុងប្រទេសវេណេស៊ុយអេឡា ជាប្រធានាធិបតីស្ដីទី ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...