នៅមុនព្យុហយាត្រា នៃថ្ងៃបុណ្យ១៤កក្កដា របស់ប្រទេសបារាំង ទាហានម្នាក់បានលុតជង្គង់ នៅលើមហាវិថី«Champs-Elysées» ដើម្បីជូនចិញ្ចៀនដល់គូស្នេហ៍របស់ខ្លួន និងសុំនាងរៀបអាពាហ៍ពិពាហ៍។ ជាព្រឹត្តិការណ៍បេះដូង បង្កឲ្យមានការរំជួលចិត្តជាទូទៅ សម្រាប់បណ្ដាជននានា និងទាំងនៅក្នុងជួរមេដឹកនាំបារាំង។

ទាហានដែលគេស្គាល់ឈ្មោះ «Maximilien» និងនៅក្នុងសម្លៀកបំពាក់ នៃពិធីបុណ្យជាតិបារាំង បានធ្វើ​កាយវិការ​នេះ នៅចំពោះយុទ្ធមិត្ត​របស់ខ្លួន និងបណ្ដាទស្សនិកជន ជាច្រើនសិបនាក់ ដែលកំពុងមានវត្តមាន នៅក្នុងពិធី​បុណ្យ។ កាយវិការរបស់ទាហាន ដែលកំពុងសិក្សា ក្នុងសាលាយោធានៅឡើយ ទទួលបាន«ការយល់ព្រម»​ទាំង​ពេញបេះដូង ពីស្ត្រីម្ចាស់ស្នេហ៍របស់ខ្លួន ក្រោមស្នូរទះដៃ​យ៉ាងកងរំពង។

ស្រង់សម្ដី ដោយបណ្ដាញទូរទស្សន៍បារាំង​«BFMTV» ទាហាន​«Maximilien»​បានឲ្យដឹងថា ខ្លួនបានរៀបចំ​«ការសុំ​ភ្លើងខៀវ» ពីគូស្នេហ៍ខាងលើ តាំងពី២ខែមកហើយ តែបានបដិសេធថា ខ្លួនគ្មានបំណងចង់ឲ្យរឿងនេះ បែកចេញជា​សាធារណៈ ដ៏ធំដុំ​ដូច្នេះទេ។

យុទ្ធជន«Maximilien»​​អះអាងទៀតថា បានជ្រើសរើសថ្ងៃបុណ្យ​១៤កក្កដា ដើម្បីជា«កិត្តិយស»សម្រាប់​ព្រឹត្តិការណ៍​ជាតិ និងជាពិសេស ចង់បង្ហាញ​អំពី​«មោទនភាព»របស់ខ្លួន ចំពោះរដ្ឋធានី ប៉ារីស ដែលអ្នកផងចាត់ទុកថា ជាទីក្រុង​នៃ​សេចក្ដីស្នេហា។

«ប៉ារីស ជាទីក្រុងរបស់ខ្ញុំ មានទាំងមហាវិថី “Champs-Elysées” ទីក្រុងនៃពន្លឺភ្លើងចែងចាំង… គឺថា វាអស្ចារ្យ​ណាស់!»

វីដេអូនៃទិដ្ឋភាពដ៏ពិសេស ត្រូវបានទំព័រទ្វីសធើរ​ផ្លូវការ របស់កងទ័ពជើងគោកបារាំង យកមកបង្ហោះ មុននឹង​ត្រូវបាន​បណ្ដាជនរាប់ពាន់នាក់ ចែករំលែកបន្ត ក្នុងនោះរាប់ទាំងប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ផង។ ប្រមុខរដ្ឋបារាំង បានសរសេរ​ជូនពរអ្នកទាំងពីរនាក់ថា៖

«ខ្ញុំសូមជូនពរអ្នកទាំងពីរ នូវសុភមង្គលគ្រប់យ៉ាង៕»



លំអិតបន្ថែមទៀត

ដំណឹង

រដ្ឋាភិបាលបារាំង​នឹងរឹតបន្តឹង​សន្តិសុខ នៅតាម​គ្រឹះស្ថានសិក្សា​នានា

រដ្ឋាភិបាលបារាំងបានសម្រេច កាលពីយប់ថ្ងៃអាទិត្យម្សិលមិញ ធ្វើការរឹតបន្តឹងសន្តិសុខ នៅតាម​គ្រឹះស្ថានសិក្សា​នានា ចាប់ពីពេលចប់​វិសមកាលតូច (Vacances de Toussaint) ក្នុងពីរសប្ដាហ៍ខាងមុខ។ ប្រភពច្បាស់ការណ៍ ស្និតនឹងក្រុមប្រឹក្សាការពារជាតិ បានទម្លាយដំណឹងនេះ តាមរយៈ​ទូរទស្សន៍ ...
ដំណឹង

បារាំង៖ នាយករដ្ឋមន្ត្រីថ្មី បានផ្ដល់​បទសម្ភាស​ដំបូង និយាយ​ពីអ្វីខ្លះ?

បន្ទាប់ពីបានចូលកាន់តំណែង បានប៉ុន្មានម៉ោង លោកនាយករដ្ឋមន្ត្រី ហ្សង់ កាស្តិក (Jean Castex) បានផ្ដល់​បទសម្ភាស​ដំបូង តាមកញ្ចក់ទូរទស្សន៍ «TF1» កាលពីមុន​នេះ​បន្តិច។ តើនាយករដ្ឋមន្ត្រីថ្មីថ្មោង របស់ប្រទេសបារាំង ...
វប្បធម៌ និងជីវិត

សញ្ញា​៥យ៉ាង​បង្ហាញ​ថា នារី​ដែល​អ្នក​​ស្រលាញ់ ក៏​ចាប់​អារម្មណ៍​លើ​អ្នក​ដែរ

នារី​ដែល​អ្នក​​ស្រលាញ់ ៖ ពេលដែលយើងស្រលាញ់នរណាម្នាក់ ច្បាស់ណាស់ថា យើងក៏ចង់ឱ្យគេ ស្រលាញ់យើងវិញដូចគ្នា។ បច្ចុប្បន្ននេះ មនុស្សភាគច្រើន ពេញនិយម ក្នុងការប្រើប្រាស់បណ្តាញសង្គមហ្វ៊េសប៊ុក សូម្បីតែការរាប់អានគ្នា ឬពេលដែលយើងលួចស្រលាញ់នរណាម្នាក់ ក៏តែងតែប្រើប្រាស់មធ្យោបាយនេះ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.