ទៅមុខក៏មិនទៅ ថយក្រោយក៏ថយមិនទាន់ បណ្ដាលឲ្យគ្រោះថ្នាក់កើតឡើង ! រថភ្លើងបុករថយន្ដដឹកនំប៉័ង ពេញមួយទំហឹង បន្ទាប់ពីរថយន្ដមួយនេះ មិនគោរពរបងហាមឆ្លងកាត់ ដែលបានទម្លាក់ខ្លួនចុះ នៅពេលថភ្លើង ធ្វើដំណើរជិតមកដល់។
ហេតុការណ៍កើតឡើង កាលពីថ្ងៃទី៦ ខែកុម្ភៈនេះ ក្នុងខេត្ត «Afyon» ភាគកណ្ដាលនៃប្រទេសទួរគី។
សំណាងល្អ គ្រោះថ្នាក់នេះ មិនបានបណ្ដាលឲ្យប៉ះពាល់ ដល់ជីវិតអ្នកបើកបរទេ។ អាជ្ញាធរតំបន់ របស់ប្រទេសទួរគី បានអះអាងថា អ្នកបើកបររថយន្ដ បានរងរបួស ហើយត្រូវបានបញ្ជូនទៅព្យាបាលភ្លាមៗ នៅឯមន្ទីរពេទ្យ៕
