កំសាន្ដវីដេអូ ពីនេះពីនោះ

ត្រីឆ្លាម​ប្រភេទនេះ ដើរ​ក្នុង​ទឹក ដោយប្រើ​ព្រុយ​ទាំងបួន

ត្រីឆ្លាមមួយប្រភេទនេះ ដើរ​ក្នុង​ទឹក ជាមួយនឹងព្រុយពីរគូ​របស់វា។​ ជាប្រភេទត្រីឆ្លាម ដ៏កម្រ ដែល​ត្រូវបានគេរកឃើញ នៅក្នុងលំហ​សមុទ្រ ដែលស្ថិតក្នុងចន្លោះ រវាងប្រទេស​អូស្ត្រាលី បណ្ដាប្រជុំកោះ នៃប្រទេសឥណ្ឌូនេស៊ី និងប្រទេសណូវែលហ្គីណេ។

អ្នកស្រី «Christine Dudgeon» សាស្ត្រាចារ្យមកពីសាកលវិទ្យាល័យ «Queensland» បានថ្លែងឡើងថា ប្រភេទត្រីឆ្លាម ​ដែលមានប្រវែងដងខ្លួន ប្រមាណជា១ម៉ែត្រខាងលើ អាចរស់នៅ ក្នុងតំបន់ទឹក រាក់ឬជ្រៅ ជាច្រើនសណ្ឋាន។ ពួកវាក៏មានសមត្ថភាព អាចរស់នៅ ក្នុងតំបន់ទឹកសមុទ្រណា ដែលខ្សត់អ៊ុកស៊ីសែន ខ្លាំងបំផុតនោះដែរ។

ពួកវាមានព្រុយ​​ដ៏រឹងមាំ និងមានសមត្ថភាព ក្នុងការចាប់ពពួកខ្ចងខ្ចៅ – សត្វសមុទ្រតូចៗ​ទាំងឡាយ យកមក​ធ្វើជាចំណី បានយ៉ាងងាយស្រួល។

ក្នុងរយៈពេលប៉ុន្មានឆ្នាំចុងក្រោយ ក្រុមអ្នកស្រាវជ្រាវ បានរកឃើញពពួកត្រីឆ្លាម ដែលប្រើព្រុយ ធ្វើជាជំហានដំណើរ មានប្រមាណជា៩ប្រភេទ។ ហើយប្រភេទទាំងនោះ មិនមានអ្វីខុសគ្នា ក្រៅតែពណ៌ស្រកាខាងក្រៅ របស់វានោះទេ។

អ្នកស្រាវជ្រាវបានឲ្យដឹងទៀតថា បើទោះជាត្រីឆ្លាមទាំងនេះ មានចំនួនច្រើន នៅក្នុងលំហសមុទ្រខាងលើម្ដេចក្ដី តែពួកវាចូលចិត្តរស់នៅតែឯង និងដាច់ដោយឡែកៗពីគ្នា។ យ៉ាងណា ជំនាញចល័តខ្លួន ដោយសារជំហានស្រកី មិនបានអនុញ្ញាតឲ្យពួកវា អាចពង្រីកទឹកដីរបស់ខ្លួន ដូចប្រភេទត្រីឆ្លាមដទៃៗឡើយ៕



លំអិតបន្ថែមទៀត

កំសាន្ដ

កំពុងជិះស្គី… ស្រាប់តែងាកក្រោយ ឃើញខ្លាឃ្មុំ កំពុងតាមប្រមាញ់

ក្នុងខណៈកំពុងជិះស្គី ចុះជម្រាលភ្នំយ៉ាងរំភើយ បុរសអ្នកលេងស្គីម្នាក់នេះ ត្រូវបានអ្នកនៅក្នុងហេតុការណ៍ផ្សេងទៀត ស្រែកប្រាប់ឲ្យដឹង… ពីវត្តមាននៃ«សត្វខ្លាឃ្មុំ»មួយក្បាល ដែល«កំពុងតាមប្រមាញ់»គាត់។ ហេតុការណ៍ បានកើតឡើងកាលពីចុងសប្ដាហ៍កន្លងមក ក្នុងក្រុង «Predeal» ដែលជាក្រុងនៅលើភ្នំ (ភាគកណ្ដាល) ...
កំសាន្ដ

នៅរ៉ូម៉ានី «ភ្លៀងធ្លាក់»ជាគ្រាប់ព្រិល​ប៉ុនៗ​ពងមាន់

«ភ្លៀងធ្លាក់»ដ៏ខ្លាំង នៅក្នុងតំបន់ជាច្រើន នៃប្រទេសរ៉ូម៉ានី (អ៊ឺរ៉ុបខាងកើត) បានក្លាយជាអព្ភូតហេតុដ៏គួរឲ្យភ្ញាក់ផ្អើលមួយ កាលពីរសៀលថ្ងៃអង្គារកន្លងមក ដោយបានបំផ្លាញដំបូលគេហដ្ឋានជាច្រើនខ្នង និងរថយន្ដជាច្រើនគ្រឿង។ គ្រាប់ភ្លៀងដែលបង្អុរធ្លាក់មកនោះ គឺជាគ្រាប់ដុំព្រិល ដែលមានទំហំប៉ុនពងមាន់ និងបានធ្លាក់ស្រោចមកលើភូមិដ្ឋានអ្នកស្រុក។ រូបភាពជាច្រើននៅលើបណ្ដាញសង្គម ...
ដំណឹង

ត្រាំ ភ្ជាប់​បាតុកម្ម​អាវកាក់​លឿង ជាមួយ​កិច្ច​ព្រមព្រៀង​ប៉ារីស​ស្ដីពី​អាកាសធាតុ

អ្នកផងត្រូវនាំគ្នា​និយាយ ពីប្រធានាធិបតី​អាមេរិកទៀតហើយ! ខណៈបាតុកម្មរបស់​បណ្ដាជន​បារាំង ពាក់អាវកាក់ពណ៌លឿង កំពុងធ្វើឲ្យពិភពលោក​ចាប់អារម្មណ៍នោះ លោក ដូណាល់ ត្រាំ (Donald Trump) បានបង្ហោះសារមួយ នៅល្ងាចថ្ងៃសៅរ៍នេះ តាមរយៈទំព័រទ្វីសធើររបស់លោក ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

អេនជឺលីណា ជូលី បង្ហាញវត្តមាន​នៅអ៊ុយក្រែន តែត្រូវ​ជម្លៀសខ្លួន​ភ្លាមៗ…

កំសាន្ដ

«ស្ត្រីកំណាន់»​របស់ ពូទីន បង្ហាញខ្លួន​នៅម៉ូស្គូ និងថ្លែងចំអក​បស្ចឹមលោក

អ្នកស្រី «Alina Kabaeva» ដែលប្រព័ន្ធផ្សព្វផ្សាយ បានស្គាល់ថាជា«ស្ត្រីកំណាន់»របស់ប្រធានាធិបតីរ៉ុស្ស៊ី លោក វ្លាឌីមៀរ ពូទីន (Vladimir Poutine) បានបង្ហាញខ្លួន​ដ៏គួរឲ្យភ្ញាក់ផ្អើល ជាមួយក្រុមកីឡាកររ៉ុស្ស៊ី ក្នុងសាលហ្វឹកហាត់មួយ ...
កំសាន្ដ

សង្គ្រាមនៅអ៊ុយក្រែន៖ ទាហានរៀបការ នៅនឹង​ខ្សែត្រៀម​ជួរមុខ

ក្នុងសម្លៀកបំពាក់ទាហាន គូស្នេហ៍មួយបានរៀបអាពាហ៍ពិពាហ៍ នៅនឹង​ខ្សែត្រៀម​ជួរមុខ ចម្ងាយប៉ុន្មានគីឡូម៉ែត្រ ពីរដ្ឋធានីគៀវ (ប្រទេសអ៊ុយក្រែន)។ កូនប្រុស នាម«Valeriy» និងកញ្ញា នាម«Lesya» បានភ្ជាប់មេត្រីភាព ក្លាយជាគូស្វាមីភរិយា ដោយមានការចូលរួម ...