យុវតី​«Vaimalama Chaves» អាយុ២៤ឆ្នាំ មកពីកោះ តាអ៊ីទី (Tahiti – ទឹកដីបារាំងនៅ កណ្ដាល​មហាសាគរ​ប៉ាស៊ីភិក ) បានជាប់ជាបវរកញ្ញា នៃប្រទេសបារាំង ប្រចាំឆ្នាំ២០១៩ នៅក្នុងមហោស្រពជ្រើសរើសដ៏អស្ចារ្យមួយ កាលពីយប់ម៉ិញ ដែលមានការចូលរួម ដោយបេក្ខនារីចំនួន ៣០នាក់ និងចៅក្រមកាត់សេចក្ដីចំនួន ៥នាក់ ដែល​សុទ្ធតែជាស្ត្រី។ 

ស្ត្រីស្រស់ស្អាត សម្បុរស្រអែម ដែលមានសញ្ញាប័ត្រអនុបណ្ឌិត ផ្នែកការគ្រប់គ្រងទីផ្សារ បានពាក់ម្កុដពេជ្រ ជា​រាជនីសម្ផស្ស​​សម្រាប់​រយៈពេល​១ឆ្នាំ បន្តតំណែងពីបវរកញ្ញាឆ្នាំមុន គឺនាង «Maëva Coucke» មកពីតំបន់ «Nord-Pas-de-Calais (ភាគខាងជើងបារាំង)»។

យុវតី «Vaimalama Chaves» បានឈ្នះពីមុខបេក្ខនារី មកពីកោះ «Guadeloupe» (លេខ២) មកពីតំបន់ «Franche-Comté» (លេខ៣) មកពីកោះ «Réunion» (លេខ៤) និងបេក្ខនារីមកពីតំបន់ «Limousin» លេខ៥។

ជាមួយនឹងទឹកភ្នែករលីងរលោងផង រាជនីសម្ផស្សថ្មី បានថ្លែងតាមកញ្ចក់ទូរទស្សន៍ថា៖

«មុននេះ ខ្ញុំធ្វើការជា​អ្នក​គ្រប់គ្រង ផ្នែកទំនាក់ទំនង នៅក្នុងសាលហាត់ប្រាណមួយ តែឥឡូវ ខ្ញុំជាបវរកញ្ញា របស់ប្រទេសបារាំង។ ជារឿងមិនគួរឲ្យជឿបានទេ ខ្ញុំមានអារម្មណ៍រំភើបណាស់។»

ទោះជាស្ត្រីមកពីកោះ តាអ៊ីទី ភាគច្រើន មានពណ៌សម្បុរឆោមល្អល្អះក៏ដោយ តែពួកនាងភាគច្រើន បានជាប់នៅត្រឹម​តែ​លេខ​ពីរប៉ុណ្ណោះ។ បេក្ខជនមកពីកោះ តាអ៊ីទី លើកមុន ដែលបានជាប់ជាបវរកញ្ញា គឺនៅឆ្នាំ១៩៩៩ ឈ្មោះនាង «Mareva Galanter»។

គួរបញ្ជាក់ដែរថា ដោយសារឆ្នាំមុន រាជនីសម្ផស្សដែលបានជាប់ពាក់ម្កុដ បានចេញពីតំបន់ភាគខាងជើងបារាំង។ ដូច្នេះហើយ បានជាយប់នេះ មហោស្រពជ្រើសរើស ត្រូវបានរៀបចំធ្វើនៅក្នុងក្រុង លីល្ស៍ (ភាគខាងជើង)។ តែនៅ​ឆ្នាំនេះ បវរកញ្ញាថ្មីជាអ្នកស្រុក តាអ៊ីទី អញ្ចឹងការប្រលងជ្រើសរើសបវរកញ្ញា សម្រាប់ឆ្នាំក្រោយ នឹងត្រូវរៀបចំធ្វើ នៅលើកោះ តាអ៊ីទី កណ្ដាលមហាសាគរប៉ាស៊ីភិក៕ 



You may also like

កម្ពុជា

សម រង្ស៊ី និទានពី​រឿង​នាឡិកា​ជ័រ​របស់លោក​ដែលថ្លៃ​«តែ១៨ដុល្លារ»

នាឡិកាជ័រពណ៌ខ្មៅ នៅនឹងកដៃរបស់លោក សម រង្ស៊ី ត្រូវបានលោកអះអាងថា មានតម្លៃ តែ១៨ដុល្លារ ប៉ុណ្ណោះ។ បើទោះជាលោក រង្ស៊ី មិនព្រលយចេញក៏ដោយ តែអ្នកគាំទ្ររបស់លោកច្រើននាក់ បានធ្វើការប្រៀបធៀប ...
ដំណឹង

សហជីព​អ្នកឆ្នៃម៉ូដ​អាមេរិក ស្នើ​ឲ្យ​យក​ស្ត្រី​ធាត់ៗ​មានសាច់ មក​បង្ហាញ​ម៉ូដ

សហជីពអ្នកឆ្នៃម៉ូដអាមេរិក ហៅកាត់ជាភាសាអង់គ្លេស «CFDA» បានអំពាវនាវ ទៅកាន់អ្នកឆ្នៃម៉ូដសម្លៀកបំពាក់ លំដាប់ខ្ពស់ៗទាំងឡាយ ឲ្យហៅស្ត្រីដែលមានសាច់ ឲ្យឡើងទៅដើរបង្ហាញម៉ូដ សម្រាប់កម្មវិធីរបស់ផងខ្លួន។ អ្នកទទួលខុសត្រូវ របស់សហជីពខាងលើ លោក «Marc ...
កំសាន្ដ

«យក​លោកសង្ឃ» សំណើចខ្លី

សុខនិងសៅ កំពុងអង្គុយទទួលទានពោតស្ងោរនៅ មាត់ទន្លេ ខាងមុខព្រះបរមរាជវាំង។ រំពេចនោះ មាននារីពីរនាក់ពាក់អាវពណ៌លឿង ជិះម៉ូតូកាត់ពីមុខ។ សុខឃើញដូច្នេះ ក៏ស្រែកបែបបញ្ឆិតបញ្ឆៀងឡើង៖ – វើយ ញ៉ាំពោតអស់ប៉ុន្មានក៏អស់ចុះ ឲ្យតែបានលឿង! ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...