ថ្ងៃនេះ អាជ័យខ្ញុំសូមនាំមកជូនប្រិយមិត្ត នូវចម្រៀងមួយបទ ដែលមានចំណងជើងថា «ទូរស័ព្ទប្រាប់ផង»។ ចម្រៀងនេះ ចេញក្នុងថាស តាំងពីចុងទសវត្សន៍ ឆ្នាំ៩០ និងបកស្រាយ ដោយអ្នកចម្រៀង ល្បីខាងលេងកាយវិការ លោក សាន ផានិត។
តែត្មាត (អាត្មា) មិនដកស្រង់ យកចម្រៀងទាំងមូល មកសរសេរឡើងវិញទេ ព្រោះថា បងប្អូនភាគច្រើន ដែលមានអាយុ៣០ ឬ៤០ឆ្នាំឡើង សុទ្ធតែទន្ទេញចម្រៀងនេះ ស្ទាត់មាត់រួចហើយ។ សូមអាន និងច្រៀងតាមដូចតទៅ៖
«បងចង់ប្រាប់ពីការពិត ថាចិត្តបងនៅសេ្នហា
ហើយនិងពាក្យមួយថា ឱ្យអូនយល់ចិត្តបង
តើអូនគិតយ៉ាងណា ប្រាប់មកណាសេ្នហ៍
ព្រោះតែពេលនេះប្រែ ខុសពីមុន។»
បន្ទរ (Refrain)៖
«នៅម្នាក់ឯងមែនទេ ឬមានគេនៅក្បែរ
បើការពិតអូនប្រែ សូមសេ្នហ៍អូនប្រាប់ផង
ចង់ប្រាប់ថាបងនឹក បងនឹកពេកកន្លង
ទូរស័ព្ទប្រាប់ផង នឹកបងវិញដែរទេ?»
