មនុស្សដែលជួបរឿងបរាជ័យ មានអារម្មណ៍ថាអស់សង្ឃឹម និងបាក់ទឹកចិត្ត មិនប្រាកដជា មាន«ជំងឺ​ធ្លាក់​ទឹកចិត្ត»​នោះទេ តែអ្នកដែលមានជំងឺធ្លាក់ទឹកចិត្ត ច្បាស់ណាស់ ថាពួកគេ ប្រាកដជាមានអារម្មណ៍អស់សង្ឃឹម និងជួបនូវ​បទពិសោធបរាជ័យក្នុងជីវិត។ ទោះបីជាយ៉ាងណាក៏ដោយ ជំងឺធ្លាក់ទឹកចិត្ត មិនអាចសម្លាប់អ្នក​ដោយផ្ទាល់ ដូចជាជំងឺមហារីក​ឡើយ។ ប៉ុន្តែ វាជះឥទ្ធិពលយ៉ាងធ្ងន់ធ្ងរ លើអ្នកដែលអាចធ្វើឱ្យអ្នកស្លាប់ ដោយប្រយោល​បាន។

ជំងឺ​ធ្លាក់​ទឹកចិត្ត បង្កើនឱកាសនៃការធ្វើអត្តឃាត

អ្នកជំងឺធ្លាក់ទឹកចិត្តមួយចំនួន ប្រសិនបើពួកគេមិនដែលរៀន ពីរបៀប​នៃការដោះស្រាយ​ជាមួយអារម្មណ៍អាក្រក់​របស់ពួកគេទេ នោះពួកគេអាច ធ្វើនូវសកម្មភាពអវិជ្ជមានមួយចំនួនដូចជា ប្រើប្រាស់ថ្នាំញៀន ឬគ្រឿងស្រវឹង ឬធ្វើឱ្យរាងកាយ​មានរបួស បំបាត់បន្ធូរនូវអារម្មណ៍ឈឺចាប់របស់ពួកគេ។ ហេតុផលជាក់ស្តែង ដែលជំងឺធ្លាក់​ទឹកចិត្ត​អាចបណ្តាលឱ្យបុគ្គល​ស្លាប់បាន គឺប្រសិនបើអារម្មណ៍អាក្រក់នៃជំងឺធ្លាក់ទឹកចិត្ត គ្រប់គ្រងលើជីវិតទាំងមូល​របស់​បុគ្គលនោះ។ ជំងឺធ្លាក់ទឹកចិត្តអាចធ្វើឱ្យមនុស្សមានអារម្មណ៍ថាគ្មានសង្ឃឹម ហើយការគ្មានសង្ឃឹម នឹងធ្វើឱ្យពួកគេ​សរុបសេចក្តី​ជាជាអកុសល ថាការធ្វើអត្តឃាតខ្លួនឯង គឺជាមធ្យោបាយតែមួយគត់ ដើម្បីបញ្ចប់ទុក្ខវេទនា​របស់​ពួកគេ។

យោងតាមមជ្ឈមណ្ឌលគ្រប់គ្រងនិងបង្ការជំងឺ ដែលហៅកាត់ថា CDC បានឱ្យដឹងថាការធ្វើអត្តឃាត​គឺជា​បុព្វហេតុទី១០ នៃការស្លាប់ក្នុងចំណោម​មនុស្សគ្រប់វ័យក្នុងឆ្នាំ ២០១៣ ។ លើសពីនេះទៀតមានមនុស្សចំនួន ៤១,១៤៩នាក់បានស្លាប់ ដោយសារតែការធ្វើអត្តឃាត នៅក្នុងសហរដ្ឋអាមេរិក នៅឆ្នាំនោះ។

ជំងឺធ្លាក់ទឹកចិត្តអាចព្យាបាលបាន

ប្រសិនបើអ្នកកំពុងតែស្ថិត នៅក្នុងស្ថានភាពដ៏ពិបាក ឬគិតថាខ្លួនឯងមិនអាចក្រោកឈរបាន សូមកុំបោះបង់​ខ្លួនឯង​ឱ្យសោះ។ ចូរចងចាំថា អ្នកមិនឯកានោះទេ។ អ្នកអាចស្វែងរកបុគ្គលណាម្នាក់ ដែលអ្នកទុកចិត្ត ចែករំលែកពី​បទពិសោធ​ឈឺចាប់របស់អ្នក ឬស្វែងរកសេវាប្រឹក្សាយោបល់ ពីអ្នកជំនាញ ដើម្បីជួយខ្លួនឯង ឲ្យមានសង្ឃឹម​ឡើងវិញ ជាពិសេស​គឺរំដោះខ្លួន ពីការគិតអវិជ្ជមាន ដែលអាចទាញអ្នក ទៅរកការធ្វើបាបខ្លួនឯង ឬគំនិតអត្តឃាត៕



You may also like

កម្ពុជា

គ្រួសារអង់គ្លេសមួយថាពេទ្យខ្មែរ​ទារ​ប្រាក់ ២ម៉ឺន​ផោន ដើម្បី​ព្យាបាល​ជំងឺ​​សួត

បើសិនជាគ្មានប្រាក់ ២ម៉ឺន​ផោន ឲ្យពេទ្យខ្មែរទេ នោះគ្រូបង្រៀន​​ជាតិ​អង់គ្លេស​ម្នាក់ ឈ្មោះ «Anthony Igoe» នឹងត្រូវ​គ្រូពេទ្យទាំងនោះ វះកាត់យកសួតមួយចំហៀងចេញ។ នេះ បើតាមការលើកឡើង របស់​ក្រុមគ្រួសារ​របស់លោក នៅតាមប្រព័ន្ធផ្សព្វផ្សាយ ...
ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...
វប្បធម៌ និងជីវិត

គុណតម្លៃ​នៃ​កន្លែង​ការងារ ដែល​ផ្តល់​នូវ​សុខុមាលភាព​ផ្លូវ​ចិត្ត​ល្អ

«គុណតម្លៃ​នៃ​កន្លែង​ការងារ» ៖ យើងទាំងអស់គ្នាដឹងថា ការងារគ្រប់ទម្រង់ទាំងអស់ មានឥទ្ធិពលយ៉ាងខ្លាំង ទៅលើសុខុមាលភាពខាងផ្លូវចិត្ត និងអារម្មណ៍របស់យើង ដោយធ្វើឱ្យយើង បានល្អប្រសើរឬកាន់តែអាក្រក់ទៅ ៗ ជាពិសេសគុណភាព នៃសុខភាពផ្លូវចិត្ត ក្នុងបរិយាកាសការងារ។ ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...