កីឡា និងបច្ចេកវិទ្យាបាល់ទាត់

Champions League៖ ៨ក្រុមចុងក្រោយ ដែលត្រូវប្រកួតវគ្គ១ភាគ៤

៨ក្រុមចុងក្រោយ មកពី៥ប្រទេស ក្នុងទ្វីបអ៊ឺរ៉ុបខាងលិច បានឈ្នះសំបុត្រឆ្លងវគ្គ ឡើងទៅដណ្ដើម​ពានត្រជៀកធំ ជាម្ចាស់ជើងឯកអ៊ឺរ៉ុប «Champions League» សម្រាប់ឆ្នាំ​២០១៨-​២០១៩នេះ។ 

ជាការកត់សម្គាល់ ប្រទេសដែលមានក្រុមបាល់ទាត់ជោគជ័យបំផុត គឺចក្រភពអង់គ្លេស ដែលឆ្នាំនេះ ក្រុមបាល់ទាត់ទាំង៤ បានឈ្នះឡើងរហូតមកដល់វគ្គនេះ ដែលគេខានឃើញដូច្នេះ អស់រយៈពេល១០ឆ្នាំមកហើយ (ឆ្នាំ២០០៩ មានក្រុមបាល់ទាត់អង់គ្លេស ចំនួនបួន ឡើងមកដល់វគ្គ១ភាគ៤ អញ្ចឹងដែរ)។

ប្រទេសហូឡង់ និងព័រទុយហ្គាល់ ដែលកម្រឃើញក្រុមបាល់ទាត់ខ្លួន បានឡើងមកដល់វគ្គ៨ក្រុមនេះ ឆ្នាំនេះក៏មានក្រុមបាល់ទាត់មួយៗរបស់ផងខ្លួន បានក្លាយខ្លួនជាក្រុមបាល់ទាត់យក្ស ក្នុងរដូវកាលនេះដែរ។

ជាពិសេស ក្រុមបាល់ទាត់ អាហ្សាក់ (Ajax Amsterdam) ដែលមានកីឡាករក្មេងៗជាងគេ តែបែរជាទទួលបានសំបុត្រឆ្លងវគ្គ យ់ាងភ្ញាក់ផ្អើល កាលពីសប្ដាហ៍មុន បន្ទាប់ពីបំបាក់ក្រុមរៀលម៉ាឌ្រីត (Real Madrid – អេស្ប៉ាញ) ដ៏ចាស់វស្សា ដែលជាម្ចាស់ពានជើងឯកអ៊ឺរ៉ុប ក្នុងរដូវកាលកន្លងទៅ។ 

ពិភពបាល់ទាត់ដែលអន់ជាងគេ សម្រាប់រដូវកាលនេះ គឺពិភពបាល់ទាត់ នៃប្រទេស​បារាំង និងអាល្លឺម៉ង់ ដោយគ្មានក្រុមបាល់ទាត់ណាមួយរបស់ខ្លួន បានឆ្លងវគ្គឡើងមកដល់ វគ្គការ៉េបួនជ្រុងនេះឡើយ។

ខណៈក្រុមបាល់ទាត់ ដែលរងការអាម៉ាសជាងគេ គឺក្រុមប៉ារីស (Paris Saint-Germain – បារាំង) ដែលរងការជម្រុះ បន្ទាប់ពីទាត់ចាញ់ក្រុមមែនញ៉ូ ១-៣ ខណៈខ្លួនបានឈ្នះការប្រកួត«ទៅ» ២-០។ ក្រុមមែនញ៉ូ ដែលចេញមកប្រកួតទល់នឹងក្រុមប៉ារីសនោះ ក៏សុទ្ធតែជាកីឡាករក្មេងៗ ដែលធ្លាប់ធ្វើ ត្រឹមជា​កីឡាករជំនួស​ប៉ុណ្ណោះ។

ខាងក្រោមនេះ ជាបញ្ជីឈ្មោះ នៃក្រុមបាល់ទាត់ទាំង«៨ក្រុមចុងក្រោយ»៖

  • មេនឆេស្ទ័រស៊ីធី (Manchester City – អង់គ្លេស)
  • លីវើភូល (Liverpool – អង់គ្លេស)
  • មេនឆេស្ទ័រយូណាយធីត (Manchester United – អង់គ្លេស)
  • តូទេនហាម (Tottenham – អង់គ្លេស)
  • អាហ្សាក់អាមស្ទែដាម (Ajax Amsterdam – ហូឡង់),
  • ព័រតូ (Porto – ព័រទុយហ្គាល់)
  • បាសឺឡូន (FC Barcelone – អេស្ប៉ាញ)
  • និង ជូវេនទូស (Juventus Turin – អ៊ីតាលី)

សូមបញ្ជាក់បន្ថែមថា ការចាប់ឆ្នោតសម្រាប់រកគូប្រកួតរវាងគ្នា នៅក្នុងវគ្គការ៉េបួនជ្រុងនេះ នឹងត្រូវធ្វើនៅថ្ងៃសុក្រខាងមុខ ក្នុងទីស្នាក់ការធំនៃ «UEFA» ដែលស្ថិតនៅក្រុង នីយ៉ុង (Nyon) នៃប្រទេសស្វីស៕ 



លំអិតបន្ថែមទៀត

កីឡាករក្រុម លីយ៉ុង (បារាំង) អបអរជ័យជំនះរបស់ខ្លួន បន្ទាប់ពីប្រកួតឈ្នះក្រុម មេនស៊ីធី នៅវគ្គ១/៤ក្របខណ្ឌ «Champions League»។ (រូបថត UEFA)
កីឡា និងបច្ចេកវិទ្យា

Champions League៖ មេនស៊ីធី ហាលអាវ​​ក្រោម​ថ្វីជើង លីយ៉ុង

ក្រុម មេនស៊ីធី (Manchester City – អង់គ្លេស) ដែលល្បីថាចាយលុយ ដូចក្រដាស បានបញ្ចប់ក្ដីសុបិន្តរបស់ខ្លួន នៅត្រឹមវគ្គ១/៤ បន្ទាប់ពីត្រូវក្រុម លីយ៉ុង (Olympique ...
កីឡា និងបច្ចេកវិទ្យា

Champions League ៖ មេនស៊ីធី ឈ្នះការប្រកួត តែស្ពឺឡើងវគ្គ

ការប្រកួត«ត្រឡប់» ក្នុងយប់នេះរវាង មេនស៊ីធី (Manchester City – អង់គ្លេស) ទល់នឹង ថូថែនហាម (Tottenham – អង់គ្លេស) វគ្គ១ភាគ៤ផ្ដាច់ព្រ័ត្រ ...
កំសាន្ដ

អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.