ម្ចាស់បាល់មាស៦ជំនាន់ កីឡាករ លីយ៉ូនែល ម៉េស៊ី (Lionel Messi) បានចេញទាត់លើកដំបូង ជាមួយក្រុម ប៉ារីស (Paris Saint Germain) ក្នុងការប្រកួតទល់នឹងក្រុម រ៉ាំង (Stade de Reims) នៃក្របខណ្ឌ«Ligue 1» ជុំទី៤ ដែលបាន​បញ្ចប់ទៅ ដោយជ័យជំនះរបស់ក្រុម ប៉ារីស ក្នុងគ្រាប់បាល់ ២-០។

តែគេត្រូវរងចាំ​រហូតដល់នាទីទី៦៦ ទើបកំពូលខ្សែប្រយុទ្ធជាតិអាហ្សង់ទីន បានចេញទាត់ ដោយចូល​ទៅជំនួស​កីឡាករ ណីម៉ា (Neymar)។ នៅនាទីនោះ ក្រុមប៉ារីស បាននាំមុខក្រុម រ៉ាំង ពីរគ្រាប់នោះរួចហើយ ដែលជា​គ្រាប់បាល់​របស់ខ្សែប្រយុទ្ធ​​ល្បឿនផ្លេកបន្ទោរ កីឡាករ គីលីយ៉ាន អឹមបាពេ (Kylian Mbappé)៖ គ្រាប់ដំបូង នៅនាទីទី១៦ និងគ្រាប់ទី២ នៅនាទីទី៦៣។

បើទោះជាកីឡាករ ម៉េស៊ី មិនបានរកគ្រាប់បាល់ ឬនាំក្រុម ប៉ារីស ឲ្យរកគ្រាប់បន្ថែមទៀតក្ដី តែការចូលទាត់ដំបូង របស់​កីឡាករធ្វើឡើង ក្រោមស្នូរទះដៃយ៉ាងកងរំពង ពីសំណាក់អ្នកទស្សនានៅផ្ទាល់ ក្នុងកីឡដ្ឋាន ជាពិសេស​នៅរាល់​ពេល​កីឡាករ បានបាល់មកទាត់នៅនឹងជើង។

នៅចុងបញ្ចប់ការប្រកួត កំពូលខ្សែប្រយុទ្ធ​អាយុ៣៤ឆ្នាំ ទទួលបានការចាប់ដៃជើង ការសុំថតរូប… យ៉ាងច្រើនកុះករ ពីសំណាក់ក្រុមកីឡាករ របស់ក្រុម រ៉ាំង។ យ៉ាងណា កីឡាករ ម៉េស៊ី មិនបានភ្លេចផងទេ ក្នុងការចូលរួមស្វាគមន៍ ក្រុម​អ្នកគាំទ្រ​របស់ក្រុម ប៉ារីស ដែលមានវត្តមាន (១ភាគតូច) នៅក្នុងកីឡដ្ឋាន៕



You may also like

កីឡា និងបច្ចេកវិទ្យា

គ្មាន​ព្រឹត្តិការណ៍​«បាល់មាស»​ទេ ក្នុងឆ្នាំ​២០២០នេះ ព្រោះ​«Covid-19»

ក្នុងឆ្នាំ​២០២០នេះ ព្រឹត្តិការណ៍«បាល់មាស» នឹងមិនប្រព្រឹត្តិទៅ ដូច​រៀងរាល់ឆ្នាំ​កន្លង​មក​ទេ ក្រោមហេតុផល បណ្ដាលពីវិបត្តិជំងឺរាតត្បាត «Covid-19»។ នេះ បើតាម​សេចក្ដី​ប្រកាស​ព័ត៌មាន របស់សហគ្រាស ទស្សនាវដ្ដី «France Football» ...
កីឡា និងបច្ចេកវិទ្យា

ម៉េស៊ី ព្រលះក្រុមខ្លួនឯងថា ការប្រកួតនេះ ជារូបភាព​នៃក្រុម​ដ៏ខ្សោយមួយ

ពិបាកទទួលណាស់ សម្រាប់ខ្សែប្រយុទ្ធដ៏ល្បី របស់ក្រុមអ្នកមានបុណ្យ។ ហើយនេះជាអ្វី ដែលកីឡាករ លីយ៉ូនែល ម៉េស៊ី (Lionel Messi) បានបង្ហាញឲ្យដឹង នៅក្នុងកិច្ចសម្ភាស នៅក្រោយបរាជ័យ របស់ក្រុមខ្លួន ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...