កីឡា និងបច្ចេកវិទ្យាបាល់ទាត់

ផ្អាក​ជាង​៣ខែ​ព្រោះ​«Covid-19» ក្រុមប៉ារីស​វិល​មកលត់​ក្រុម​អាវ្រ ៩-០

តែជ័យជំនះ ៩-០ មួយនេះ មិនគួរត្រូវបានអ្នកផងស្រែកអបអរទេ ដោយហេតុថា ក្រុម​អាវ្រ (Havre) ស្ថិតក្នុងក្របខណ្ឌ «Ligue 2» និងមានកីឡាករចូលទាត់ មិនគ្រប់​ជើង​ធំៗផងទេ ខណៈក្រុមប៉ារីស (Paris Saint Germain) ស្ថិតក្នុងក្របខណ្ឌ​«Ligue 1» ហើយតារាបាល់ទាត់​ជើងខ្លាំងរបស់​ក្រុមយក្ស​មួយនេះ បានចេញទាត់សឹង​តែទាំងអស់។

និយាយម្យ៉ាងទៀត នៅចំពោះកីឡាករក្រុម អាវ្រ ដែលមានមួយភាគ ជាកីឡាករ​បម្រុង​នោះ មិត្តរួមក្រុមរបស់កីឡាករ ណីម៉ា (Neymar) និង អ៊ឹមបាប៉េ (Mbappé) ហាក់មិន​បាន​រត់ច្រើន ឬពិបាករកចន្លោះ ដើម្បីនាំបាល់ទៅដល់មុខទី របស់គូប្រកួតនោះទេ សម្រាប់ការប្រកួត ដែលមានលក្ខណៈជាមិត្តភាពមួយនេះ។

សម្រាប់ក្រុម ប៉ារីស វាជាការសាកល្បងមួយ បន្ទាប់ពីវិស័យកីឡា​សឹងតែទាំងស្រុង បាន​ជាប់គាំង​ក្នុងវិបត្តិជំងឺរាតត្បាត​«Covid-19»​អស់ជាង៣ខែ មុននឹងក្រុមប៉ារីស ត្រូវជួបទាត់​ជាមួយក្រុម សាំងអេជែន (Saint Etienne) និងក្រុម លីយ៉ុង (Lyon) ក្នុងវគ្គផ្ដាច់ព្រ័ត្រ ដើម្បីដណ្ដើមពាន​«Coupe de la Ligue» និង​ពាន​«Coupe de France» នាសប្ដាហ៍ចុងក្រោយ​នៃខែកក្កដា។

ការសាកល្បង ដើម្បីដណ្ដើមពានទាំងពីរ ក៏ជាការធ្វើតេស្ដិ៍ ដ៏សំខាន់ដែរ សម្រាប់​ការប្រកួត​​​ក្របខណ្ឌអ៊ឺរ៉ុប «Champions League» ក្នុងខែសីហាខាងមុខ ជាពិសេស នៅ​ពេលគេដឹងថា ក្រុមប៉ារីស នឹងត្រូវជួបជាមួយក្រុម អាត្លង់តា (Atalanta Bergame) របស់ប្រទេសអ៊ីតាលី ក្នុងវគ្គ ១ភាគ៤​ផ្ដាច់ព្រ័ត្រនោះ៕



You may also like

កីឡា និងបច្ចេកវិទ្យា

អ៊ឹមបាពេ ធ្វើតេស្ត​​ជំងឺ​«Covid-19» ព្រោះ​ធ្លាក់ខ្លួនឈឺ​«ក»​តាំងពី​ច្រើនថ្ងៃ

Covid-19 ៖ កំពូលខ្សែប្រយុទ្ធវ័យក្មេង​របស់ក្រុម ប៉ារីស (Paris Saint-Germain – បារាំង) កីឡាករ គីលីយ៉ាន អ៊ឹមបាពេ (Kylian Mbappé) ...
កីឡា និងបច្ចេកវិទ្យា

ណីម៉ា បន្តកិច្ចសន្យា​៣ឆ្នាំ នៅជាមួយក្រុមប៉ារីស​រហូតឆ្នាំ២០២៥

កំពូលខ្សែប្រយុទ្ធជាតិប្រេស៊ីល កីឡាករ ណីម៉ា (Neymar Jr) បាន«បន្តកិច្ចសន្យា​៣ឆ្នាំ» ទាត់ជាមួយក្រុមប៉ារីស (Paris Saint-Germain បារាំង) រហូតដល់ឆ្នាំ២០២៥។ នេះ បើតាមសេចក្ដីប្រកាសព័ត៌មានផ្លូវការ ...
កីឡាករ គ្រីស្យាណូ រ៉ូណាល់ដូ ក្នុងការប្រកួតរវាងក្រុម ជូវេនទូស និងក្រុម ព័រតូ ក្របខណ្ឌដណ្ដើមជើងឯកអ៊ឺរ៉ុប។ (រូបថត UEFA)
កីឡា និងបច្ចេកវិទ្យា

Champions League៖ រ៉ូណាល់ដូ-ក្រុម​សេះបង្កង់ ហាលអាវត្រឹម១/៨

ក្រុម​សេះបង្កង់ នៃប្រទេសអ៊ីតាលី ដែលមានខ្សែប្រយុទ្ធដ៏ល្បី កីឡាករ គ្រីស្ទាណូ រ៉ូណាល់ដូ (Cristiano Ronaldo) ត្រូវបាន​ជម្រុះចេញ​ជាស្ថាពរ ពីការប្រកួតក្របខណ្ឌ​​«Champions League» បើទោះជាបានប្រកួតឈ្នះ លើក្រុម​នាគខៀវ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...