ម្ចាស់បាល់មាស៦ជំនាន់ កីឡាករ លីយ៉ូនែល ម៉េស៊ី (Lionel Messi) បានចេញទាត់លើកដំបូង ជាមួយក្រុម ប៉ារីស (Paris Saint Germain) ក្នុងការប្រកួតទល់នឹងក្រុម រ៉ាំង (Stade de Reims) នៃក្របខណ្ឌ«Ligue 1» ជុំទី៤ ដែលបាន​បញ្ចប់ទៅ ដោយជ័យជំនះរបស់ក្រុម ប៉ារីស ក្នុងគ្រាប់បាល់ ២-០។

តែគេត្រូវរងចាំ​រហូតដល់នាទីទី៦៦ ទើបកំពូលខ្សែប្រយុទ្ធជាតិអាហ្សង់ទីន បានចេញទាត់ ដោយចូល​ទៅជំនួស​កីឡាករ ណីម៉ា (Neymar)។ នៅនាទីនោះ ក្រុមប៉ារីស បាននាំមុខក្រុម រ៉ាំង ពីរគ្រាប់នោះរួចហើយ ដែលជា​គ្រាប់បាល់​របស់ខ្សែប្រយុទ្ធ​​ល្បឿនផ្លេកបន្ទោរ កីឡាករ គីលីយ៉ាន អឹមបាពេ (Kylian Mbappé)៖ គ្រាប់ដំបូង នៅនាទីទី១៦ និងគ្រាប់ទី២ នៅនាទីទី៦៣។

បើទោះជាកីឡាករ ម៉េស៊ី មិនបានរកគ្រាប់បាល់ ឬនាំក្រុម ប៉ារីស ឲ្យរកគ្រាប់បន្ថែមទៀតក្ដី តែការចូលទាត់ដំបូង របស់​កីឡាករធ្វើឡើង ក្រោមស្នូរទះដៃយ៉ាងកងរំពង ពីសំណាក់អ្នកទស្សនានៅផ្ទាល់ ក្នុងកីឡដ្ឋាន ជាពិសេស​នៅរាល់​ពេល​កីឡាករ បានបាល់មកទាត់នៅនឹងជើង។

នៅចុងបញ្ចប់ការប្រកួត កំពូលខ្សែប្រយុទ្ធ​អាយុ៣៤ឆ្នាំ ទទួលបានការចាប់ដៃជើង ការសុំថតរូប… យ៉ាងច្រើនកុះករ ពីសំណាក់ក្រុមកីឡាករ របស់ក្រុម រ៉ាំង។ យ៉ាងណា កីឡាករ ម៉េស៊ី មិនបានភ្លេចផងទេ ក្នុងការចូលរួមស្វាគមន៍ ក្រុម​អ្នកគាំទ្រ​របស់ក្រុម ប៉ារីស ដែលមានវត្តមាន (១ភាគតូច) នៅក្នុងកីឡដ្ឋាន៕



លំអិតបន្ថែមទៀត

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...
កីឡា និងបច្ចេកវិទ្យា

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ ...
កីឡា និងបច្ចេកវិទ្យា

បណ្ដាកីឡាករនៃក្រុម ប៉ារីស សុទ្ធតែដឹង​ពីការមកដល់ នៃកីឡាករ ម៉េស៊ី

បណ្ដាកីឡាករនៃក្រុម ប៉ារីស (Paris Saint Germain) សុទ្ធតែទទួលដំណឹង អំពីការចុះកិច្ចសន្យាដ៏អស្ចារ្យ ដែល​ច្បាស់ជា​នឹងត្រូវធ្វើឡើង រវាងក្រុមយក្សបារាំងមួយនេះ ជាមួយកំពូលខ្សែប្រយុទ្ធ កីឡាករ លីយ៉ូនែល ម៉េស៊ី ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.