នៅប៉ុន្មាននាទីមុននេះ កំពូលកីឡាករម្ចាស់បាល់មាស៦ជំនាន់ បានមកដល់ ប៉ារីស ហើយ។ កីឡាករ លីយ៉ូនែល ម៉េស៊ី (Lionel Messi) បានចេញពីយន្ដហោះឯកជន និងបានបង្ហាញមុខ តាមបង្អួចនៃអាគារព្រលានយន្ដហោះ ប៊ួរហ្សេរ (Bourget ព្រលានយន្ដហោះ ស្ថិតនៅ​ខាងជើង​រដ្ឋធានី ប៉ារីស) ដើម្បីលើកដៃទៅកាន់ក្រុមអ្នកគាំទ្រ ដែលបានប្រមូលគ្នាមកស្វាគមន៍តារាបាល់ទាត់ នៅនឹងព្រលានយន្ដហោះ។

ការបង្ហាញមុខជាលើកដំបូង ធ្វើឡើងជាមួយនឹងអាវ ដែលមានសរសេរ «ទីនេះ គឺប៉ារីស (Ici c’est Paris)» ដែលជា​​ឃ្លាដ៏ល្បី របស់ក្រុម​បាល់ទាត់​យក្សបារាំង «ប៉ារីស សាំងហ្សែរម៉ាំង (Paris Saint Germain)» និង​អ្នកគាំទ្រ។

កីឡាករ ម៉េស៊ី នឹងបន្តដំណើរចេញពីព្រលានយន្ដហោះ តាមរថយន្ដពណ៌ខ្មៅដ៏ទំនើបមួយ ឆ្ពោះទៅកាន់សណ្ឋាគារ មុននឹងទៅពិនិត្យសុខភាព នៅ​មន្ទីរពេទ្យ​អាមេរិកាំង ដែលមានជំនាញខាងកីឡា។ បន្ទាប់មក នៅល្ងាចថ្ងៃអង្គារ​ដដែល​នេះ អតីត​ខ្សែប្រយុទ្ធរបស់ក្រុមអ្នកមានបុណ្យ នឹងចុះហត្ថលេខាលើកិច្ចសន្យា ជាមួយក្រុម ប៉ារីស សម្រាប់រយៈពេល​២ឆ្នាំ (អាចបន្តបានមួយឆ្នាំបន្ថែម)។

តារាបាល់ទាត់​អាយុ៣៤ឆ្នាំ នឹងបង្ហាញខ្លួនជាសាធារណៈ និងថ្លែងជាផ្លូវការ នៅក្នុងសន្និសីទសារព័ត៌មានមួយ ដែល​រៀបចំ​ឡើង​ដោយក្រុម ប៉ារីស នៅព្រឹកថ្ងៃពុធស្អែក។ ក្នុងរយៈពេលនេះ ទស្សនាវដ្ដីមនោរម្យ.អាំងហ្វូ សូមបង្ហាញជូន​ប្រិយមិត្តអំពីដំណឹងសំខាន់ ជុំវិញដំណើរមកដល់​របស់កំពូលកីឡាករ នៅខាងក្រោម៕

——

រូបភាពដំបូង របស់ភរិយារបស់កីឡាករ ដែលបង្ហោះចេញពីយន្ដហោះ ជាមួយសំណេរមួយឃ្លាថា «តៀមខ្លួនរួចហើយ សម្រាប់ដំណាក់កាលថ្មី»៖

កីឡាករ ណីម៉ា បង្ហោះសារស្វាគមន៍កីឡាករ លីយ៉ូនែល ម៉េស៊ី ៖

ចំពោះក្រុមប៉ារីសវិញ បានបង្ហោះវីដេអូមួយ ដើម្បីបង្អើលអ្នកគាំទ្ររបស់ខ្លួន អំពីដំណើរមកដល់របស់កំពូលកីឡាករ៖

ខាងក្រោមនេះ ជាតួលេខមួយចំនួន របស់ម្ចាស់បាល់មាស៦ជំនាន់ ដែលបានបន្សល់ទុក ជាមួយក្រុម បាសឺឡូន៖

នៅខាងមុខកីឡដ្ឋាន «Parc des Princes» របស់ក្រុម ប៉ារីស ក្រុមអ្នកគាំទ្រច្រើនរយនាក់ បានប្រមូលគ្នាដើម្បីសំដែងការស្វាគមន៍ ទៅកាន់កីឡាករ៖

រូបភាពចុងក្រោយ (សម្រាប់អត្ថបទនេះ) បង្ហាញពីដំណើរទៅដល់មន្ទីរពេទ្យអាមេរិកាំង នៃក្បួនរថយន្ដ​របស់​កំពូល​កីឡាករ ដែលត្រូវបាន​ការពារសុវត្ថិភាព ដោយកងកម្លាំង​ប្រដាប់អាវុធបារាំង យ៉ាងសន្ធឹកសន្ធាប់៖



You may also like

កីឡា និងបច្ចេកវិទ្យា

ណីម៉ា បន្តកិច្ចសន្យា​៣ឆ្នាំ នៅជាមួយក្រុមប៉ារីស​រហូតឆ្នាំ២០២៥

កំពូលខ្សែប្រយុទ្ធជាតិប្រេស៊ីល កីឡាករ ណីម៉ា (Neymar Jr) បាន«បន្តកិច្ចសន្យា​៣ឆ្នាំ» ទាត់ជាមួយក្រុមប៉ារីស (Paris Saint-Germain បារាំង) រហូតដល់ឆ្នាំ២០២៥។ នេះ បើតាមសេចក្ដីប្រកាសព័ត៌មានផ្លូវការ ...
កីឡា និងបច្ចេកវិទ្យា

លីយ៉ូនែល ម៉េស៊ី នឹងត្រៀម«ប្រកួតជាលើកដំបូង» ទល់នឹងក្រុម រ៉ាំម

កំពូលខ្សែប្រយុទ្ធជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) ពិតជាមានវត្តមានជាមួយក្រុម ប៉ារីស (Paris Saint Germain) និងបានធ្វើដំណើរមកដល់ក្រុង រ៉ាំម ...
កីឡាករទាំងបួន ដែលជាប់ឈ្មោះ «Man of the Match» របស់ក្រុមបាល់ទាត់ ដែលត្រូវប្រកួតនៅវគ្គ១/២ «Champions League» ២០១៩-២០២០។ (រូបថត UEFA)
កីឡា និងបច្ចេកវិទ្យា

Champion League៖ ក្រុមទាំងបួន​ចុងក្រោយ ក្នុងការប្រកួត​វគ្គ១/២

ក្រុមទាំងបួន​ចុងក្រោយ ដែលត្រូវឡើងមកប្រកួត ក្នុងវគ្គ១/២ ក្របខណ្ឌ«Champions League»សប្ដាហ៍ក្រោយ រួមមាន៖ ក្រុម ប៉ារីស (Paris Saint-Germain – បារាំង) VS ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...