អាជ្ញាកណ្ដាលបាល់ទាត់មួយរូប អាយុ៣២ឆ្នាំ បានទទួលមរណភាព នៅខណៈការប្រកួតកំពុងប្រព្រឹត្តិទៅ នៅនាទី​ទី៤៩ រវាងក្រុម «Always Ready» និងក្រុម «Oriente Petrolero» នៅក្នុងក្រុង «El Alto» ដែលស្ថិត«លើ​ភ្នំ​​ខ្ពស់​ជាង​៤គីឡូម៉ែត្រ» ក្នុងប្រទេសបូលីវី។

លោក «Victor Hugo Hurtado» អាជ្ញាកណ្ដាលអាជីព បានស្លាប់ភ្លាមៗ ដោយអាការៈគាំងបេះដូង នៅក្នុង​ការប្រកួត​ខាងលើ ដែលបានប្រព្រឹត្តិទៅ កាលពីថ្ងៃអាទិត្យ (ត្រូវនឹងថ្ងៃចន្ទ សម្រាប់បណ្ដាប្រទេស នៅក្នុងទ្វីប​អូសេអានី អាស៊ី និងអ៊ឺរ៉ុប)។ ក្រុមអ្នក​ជួយ​សង្គ្រោះ បានព្យាយាមធ្វើចលនាបេះដូង ដាក់បំពង់អុកស៊ីសែន និងបានបញ្ជូន​លោក ទៅកាន់មន្ទីរពេទ្យភ្លាមៗ តែមិនអាចជួយជីវិតលោក «Victor Hugo Hurtado» មកវិញបានទេ។

«លើ​ភ្នំ​​ខ្ពស់​ជាង​៤គីឡូម៉ែត្រ … ខ្វះអុកស៊ីសែន»

មរណភាពខាងលើ បានបង្កឲ្យផ្ទុះឡើងវិញ នូវការជជែកវែកញែក ជុំវិញការប្រកួតទាំងឡាយ ដែលប្រព្រឹត្តិទៅ នៅលើភ្នំ ឬខ្នងភ្នំដែលខ្ពស់​ហួសហេតុ ហើយធ្វើឲ្យខ្វះខ្យល់អុកស៊ីសែន សម្រាប់ការដកដង្ហើម របស់តួអង្គទាំងឡាយ​នៃការប្រកួត ជាពិសេសកីឡាករ និងអាជ្ញាកណ្ដាល។

ក្រុង «El Alto» ដែលជាផ្ទះរបស់ក្រុម «Always Ready» ជាទីក្រុងដ៏ធំមួយ ស្ថិតនៅលើខ្នងភ្នំ ដែលមានកំពស់ ៤០៩០ម៉ែត្រ ពីកំពស់​ទឹកសមុទ្រ។ ភូមិសាស្ត្រក្នុងប្រទេសបូលីវី មានសណ្ឋានជាប្រជុំជួរភ្នំ ដែលមានកំពស់ដ៏ខ្ពស់ ស្ថិតក្នុងចំណោមមហាដងគិរី ដ៏ខ្ពស់ៗទាំងឡាយ នៅលើពិភពលោក។

កាលពីខែឧសភា ឆ្នាំ២០០៧ សហព័ន្ធបាល់ទាត់អន្តរជាតិ (FIFA) បានធ្វើការហាមឃាត់ សម្រាប់រាល់ការប្រកួត ជាលក្ខណៈអន្តរជាតិទាំងអស់ ដែលប្រព្រឹត្តិទៅ នៅកំពស់ហួសពី២៥០០ម៉ែត្រ (២,៥គីឡូម៉ែត្រ ពីកំពស់ទឹកសមុទ្រ) ដើម្បីគាំពារ និងថែរក្សាសុខភាព របស់កីឡាករ។

នៅពេលនោះ ប្រធានាធិបតីនៃប្រទសបូលីវី លោក​«Evo Morales» បានធ្វើការជំទាស់យ៉ាងខ្លាំងក្លា ដោយបាន​គម្រាមថា នឹងនាំសំនុំរឿងនេះ ឡើងទៅអង្គការសហប្រជាជាតិ អំពី«ការរើសអើង»។ សហព័ន្ធបាល់ទាត់​នៃប្រទេស​មួយចំនួន ដែលមានស្ថានភាពភូមិសាស្ត្រប្រហាក់ប្រហែលគ្នា (គឺស្ថិតនៅលើភ្នំ) បានចូលរួមជំទាស់ ការសម្រេចរបស់ «FIFA» ដោយលើកឡើងថា មរណភាពរបស់កីឡាករជាច្រើន ក៏មានដូចគ្នាដែរ នៅទ្វីបអ៊ឺរ៉ុប។

ការជំទាស់ទាំងនោះ បានធ្វើឲ្យសហព័ន្ធបាល់ទាត់ពិភពលោក លប់ចោលការហាមឃាត់ របស់ខ្លួនវិញ​នៅឆ្នាំ២០០៨ ពោលគឺមួយឆ្នាំក្រោយមក៕



លំអិតបន្ថែមទៀត

កម្ពុជា

ហ៊ុន សែន ថា​ព័ត៌មាន​ស្ដីពី​អង្ករ​សិប្បនិមិត្ត ជា​«សង្គ្រាមចិត្តសាស្ត្រ»

លោកនាយករដ្ឋមន្ត្រី ហ៊ុន សែន បានចាត់ទុកព័ត៌មាន ដែលនិយាយពីអង្ករសិប្បនិមិត្ត ក្នុងពេលកន្លងមក ថាជា«សង្គ្រាមចិត្តសាស្ត្រ»។ មេដឹកនាំរូបនេះមិនជឿថា មានអង្ករប្រភេទនេះ ចរាចរលក់ដូរនៅលើទីផ្សារ ដោយលោកគិតថា តម្លៃឧស្សហកម្ម និងសិប្បកម្ម ...
កម្ពុជា

២ម៉ឺន​ផោន ៖ មិត្តស្រី​បុរសជាតិ​អង់គ្លេសថា ប្រជាជន​ខ្មែរ​មាន​ចិត្តល្អ​ណាស់

កញ្ញា «Alana Fonseca» មិត្តស្រី​របស់បុរសជាតិអង់គ្លេស ដែលកំពុងរង់ចាំ ប្រាក់រៃ​អង្គាស​ចំនួន ២ម៉ឺន​ផោន ដើម្បីប្រគល់ឲ្យមន្ទីរពេទ្យ នៅកម្ពុជានោះ បានថ្លែង​នៅថ្ងៃ​នេះ​ថា ប្រជាជនខ្មែរ មានទឹកចិត្តល្អណាស់ ហើយថា ...
វប្បធម៌ និងជីវិត

ទូរទស្សន៍​«Téléfoot»បារាំងបិទការផ្សាយ បន្ទាប់ពី​បើកទ្វារ​៦ខែ

បន្ទាប់ពី​បើកទ្វារ​៦ខែ រាប់ពីខែសីហា ឆ្នាំ២០២០មក ទូរទស្សន៍បាល់ទាត់បារាំងឈ្មោះ «Téléfoot» បានបិទ​ការផ្សាយ​របស់ខ្លួន ជាស្ថាពរក្នុងយប់ថ្ងៃអាទិត្យទី៧ ខែកុម្ភៈ ឆ្នាំ២០២១នេះ។ ការប្រកាសបិទការផ្សាយ ធ្វើឡើង​នៅចុងកម្មវិធី «Vrai Mag» ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.