ជាព្រឹត្តិការណ៍ ដែលគ្មាននរណាស្មានដល់ ! ក្រុមប៉ារីស (Paris Saint-Garmain – បារាំង) បានបណ្ដេញលោក តូម៉ាស់ ធូហែល (Thomas Tuchel) គ្រូបង្វឹកជាតិអាល្លឺម៉ង់ មួយថ្ងៃមុន​បុណ្យណូអែល ពោលគឺនៅព្រឹកថ្ងៃព្រហស្បត្តិ៍ ទី២៤ ខែធ្នូនេះ និងមួយថ្ងៃក្រោយជ័យជំនះ របស់ក្រុមប៉ារីស លើក្រុម ស្ត្រាស្បួរ៍ (Strasbourg – បារាំង) ដោយពិន្ទុ៤-០។

ទោះជាដំណឹងបណ្ដេញគ្រូបង្វឹកចេញ មិនទាន់ប្រកាសជាផ្លូវការ ចេញពីក្រុមប៉ារីស​នៅឡើយនោះ តែសម្រាប់​សារព័ត៌មាន​កីឡាបារាំង ឈ្មោះ «L’équipe» បានអះអាងថា លោក ធូហែល ត្រូវបានជូនដំណឹង អំពីការបណ្ដេញ​រូបលោកចេញ ក្នុងយប់ថ្ងៃពុធ ទី២៣ ចូលមក​ថ្ងៃព្រហស្បត្តិ៍ ទី២៤ ខែធ្នូ រួចជាស្រេចហើយ។

បើសិនជាលទ្ធផល ដែលក្រុមប៉ារីសទទួលបាន នៅក្នុងក្របខណ្ឌអ៊ឺរ៉ុប «Champions League» មានភាពគាប់ប្រសើរ (លេខ១ នៅក្នុងពូល H) ក្ដី តែលទ្ធផល​នៃរាល់ការប្រកួត នៅក្នុងក្របខណ្ឌ «Ligue 1» ដែលជាការប្រកួតវិលជុំ បូកពិន្ទុដណ្ដើមជើងឯក ក្នុងប្រទេសបារាំង (លេខ៣មកដល់ថ្ងៃនេះ) ទំនងជាមិនបាន​ធ្វើឲ្យមេដឹកនាំក្រុមយក្សមួយនេះ សប្បាយចិត្តទេ។

ជាពិសេស តាំងពីដើមរដូវកាល ២០២០-២០២១នេះមក ក្រុមប៉ារីស បានប្រកួតចាញ់ក្រុម៖

  • «Lens» ដែលទើបនឹងឡើង ពីក្របខណ្ឌ «Ligue 2» ដែលមានកម្រិតទាបជាង «Ligue 1»
  • «Marseilles» ដែលជាសត្រូវស្លាប់រស់ របស់ក្រុមប៉ារីស និងចុងក្រោយបំផុត ក្រុមយក្សបារាំង បានប្រកួតចាញ់ក្រុម
  • «Lyon» ដែលធ្វើឲ្យក្រុមប៉ារីស ធ្លាក់មកនៅចំណាត់ថ្នាក់ទី៣ នៃក្របខណ្ឌ «Ligue 1» នៅបំណាច់ឆ្នាំ ២០២០នេះ។

មួយថ្ងៃមុន​បុណ្យណូអែល តែ…

ស្ថានភាពរបស់គ្រូបង្វឹក «Thomas Tuchel» ទំនងជា​កាន់តែ​ផុយស្រួយ​ថែមទៀត បន្ទាប់ពីលោកបានបញ្ចេញយោបល់ រិះគន់ការផ្ទេរ​-ទិញ​កីឡាករ កាលពីអំឡុងខែតុលាកន្លងមក ដែលដឹកនាំ​ដោយនាយកបច្ចេកទេស​កីឡា​​របស់ក្រុម គឺលោក «Léonardo»។

ចុងក្រោយបំផុតនេះ គ្រូបង្វឹកជាតិអាល្លឺម៉ង ថែមបានផ្ដល់បទសម្ភាស ទៅឲ្យទូរទស្សន៍អាល្លឺម៉ង់ ឈ្មោះ «Sport1» (ចេញផ្សាយ កាលពីថ្ងៃពុធទី២៣ ខែធ្នូម្សិលម៉ិញ) ដោយលោកបានលើកឡើង នូវចំណុចមួយចំនួន ដែលទំនងជាខុស ពីគោលការណ៍កីឡា របស់ក្រុមប៉ារីស និងដែលធ្វើឲ្យ​មេដឹកនាំក្រុម មិនពេញចិត្ត។

យ៉ាងណា សារព័ត៌មានកីឡា​បានរាយការណ៍បន្ថែមថា គម្រោងបណ្ដេញលោក តូម៉ាស់ ធូហែល ត្រូវបានត្រៀមទុក តាំងពីច្រើនថ្ងៃ (ឬច្រើនសប្ដាហ៍) មុនមកម្លេះ។ តែក្រុមប៉ារីស ចង់រង់ចាំរហូតដល់​វិស្សមកាលចុងឆ្នាំ ទើបប្រកាសដំណឹងនេះ ចេញជាសាធារណៈ។

សារព័ត៌មានខ្លះ អះអាងទៀតថា ការបណ្ដេញគ្រូបង្វឹករូបនេះ ដោយហេតុមកពីលោក បានបាត់បង់ឥទ្ធិពល ទៅលើកីឡាករ ដែលសុទ្ធសឹង ជាកំពូលកីឡាករល្បីៗ កម្រិតពិភពលោក ដូចយ៉ាងកីឡាករ ណីម៉ា (Neymar Jr) និងអឹមបាពេ (Kylian Mbappé) ជាដើម៕



លំអិតបន្ថែមទៀត

កីឡា និងបច្ចេកវិទ្យា

គីលីយ៉ាន អ៊ឹមបាប៉េ ឈ្នះពាន កូប៉ា ឆ្នាំ២០១៨

នៅក្នុងពិធីប្រគល់ពានរង្វាន់បាល់មាស កាលពីយប់ម៉ិញ ក្នុងវិមាន«ធំ» កណ្ដាលរដ្ឋធានីប៉ារីស ប្រទេសបារាំង កំពូលខ្សែប្រយុទ្ធល្បឿនរន្ទះ កីឡាករ គីលីយ៉ាន អ៊ឹមបាប៉េ (Kylian Mbappé) មិនបានឈ្នះ ជាម្ចាស់«បាល់មាស»ប្រចាំឆ្នាំទេ ...
កីឡា និងបច្ចេកវិទ្យា

រឿងអាស្រូវ​ចាប់​រំលោភ៖ ណីម៉ា បរិហារ​​ពីបណ្ដឹងមួយ​ដើម្បី​«ជំរិត»

នៅចំពោះព្យុះព្យោមា ដែលកំពុងបោកបក់ ទាក់ទងនឹងបណ្ដឹងចោទប្រកាន់ ពីបទ«រំលោភ» កំពូលខ្សែប្រយុទ្ធជាតិប្រេស៊ីល កីឡាករ ណីម៉ា (Neymar Jr) បានចេញមុខអះអាង​ពី​«ភាពគ្មានទោសពៃ»របស់ខ្លួន និងបានបរិហារពាក្យបណ្ដឹងនោះ ថាមានបំណងចង់«ជំរិត»អ្វីមួយ ពីខ្លួន។ ...
កីឡា និងបច្ចេកវិទ្យា

តូម៉ាស់ ធូហែល ត្រូវបានតែងតាំង​ជាគ្រូបង្វឹក របស់ក្រុម ឆែលស៊ី

មួយខែបន្ទាប់ពីត្រូវបានក្រុម ប៉ារីស បណ្ដេញចេញ នៅថ្ងៃនេះលោក តូម៉ាស់ ធូហែល (Thomas Tuchel) ត្រូវបានក្រុមតោខៀវ​របស់អង់គ្លេស តែងតាំងជាគ្រូបង្វឹក។ ការតែងតាំងគ្រូបង្វឹកថ្មី របស់ក្រុម ឆែលស៊ី ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.