កីឡា និងបច្ចេកវិទ្យាបាល់ទាត់

Champions League៖ ប៉ារីស បំបាក់ អាតាឡង់តា ឡើងទៅ«១/២»

កីឡាករ ណីម៉ា និង អ៊ឹមបាពេ ខ្សែប្រយុទ្ធរបស់ក្រុម ប៉ារីស។ (រូបថត UEFA)
កីឡាករ ណីម៉ា និង អ៊ឹមបាពេ ខ្សែប្រយុទ្ធរបស់ក្រុម ប៉ារីស។ (រូបថត UEFA)

បន្ទាប់ពីរង់ចាំអស់ជាច្រើនទសវត្សរ៍ ក្រុម ប៉ារីស (Paris Saint-Germain – បារាំង) បានឡើងដល់វគ្គ«១/២» ក្របខណ្ឌ «Champions League» ដោយបំបាក់ក្រុម អាតាឡង់តា (Atalanta – អ៊ីតាលី) នៅបីនាទីចុងក្រោយ នៃការប្រកួតក្នុងវគ្គ«១/៤» ក្នុងយប់ថ្ងៃពុធ​នេះ។

ជាសេណារីយ៉ូ ដែលមិនគួរឲ្យជឿបាន។ ក្រុម អាតាឡង់តា ដែលបាននាំមុន បានមួយ​គ្រាប់​មុន តាំងពីនាទីទី២៧ បានជឿជាក់រហូតដល់​នាទីចុងក្រោយ ថាខ្លួនបានទប់​បាន​ហើយ ទល់នឹងក្រុមប៉ារីស ដើម្បីដណ្ដើម​យកជ័យជំនះ។

តែនៅទីបំផុត ការបញ្ចូលកីឡាករ គីលីយ៉ាន អ៊ឹមបាពេ (Kylian Mbappé) ឲ្យចូលទាត់​នៅ​នាទីទី៦០ បានផ្ដល់សន្ទុះបាល់យ៉ាងខ្លាំង រួមជាមួយកីឡាករ ណីម៉ា (Neymar) សម្រាប់​ក្រុមប៉ារីស។ កម្លាំងបាល់នេះ បានផ្ដល់ឲ្យក្រុម មានឱកាសជាច្រើន ក្នុងការទាត់បញ្ចូលទី តែមិនបានលទ្ធផល។

គេត្រូវរង់ចាំរហូតដល់ នាទីទី៩០ ទើបកីឡាករ ណីម៉ា បានបញ្ជូនបាល់មកកណ្ដាល ឲ្យកីឡាករ ម៉ាគីញ៉ូស (Marquinhos) គ្រាន់តែប្រើជើងរុញបាល់ រកបានគ្រាប់បាល់ស្មើ ១-១។

នៅប៉ុន្មាននាទីក្រោយមក (នាទីទី៩០+៣) កីឡាករ អ៊ឹមបាពេ ទទួលបានពីកីឡាករ ណីម៉ា រួចទាត់មកកណ្ដាល ទុកឲ្យខ្សែប្រយុទ្ធក្រុមប៉ារីសម្នាក់ទៀត កីឡាករ «Eric Maxim Choupo-Moting» គ្រាន់តែយកជើងឆ្កឹះ ដាក់បញ្ចូលទីមួយគ្រាប់ទៀត ១-២។ មកដល់​នាទី​​ចុងក្រោយ​ដូច្នេះ ក្រុម អាតាឡង់តា គ្មានសង្ឃឹមនឹងរកគ្រាប់បាល់បានវិញទេ នៅចំពោះ​ខ្សែការពារ​ដ៏រឹងមាំ របស់ក្រុមប៉ារីស។

ឆ្លងផុតវគ្គ១/៤ ក្រុមប៉ារីស នឹងត្រូវរង់ចាំលទ្ធផល នៃការប្រកួតក្នុងយប់ស្អែក រវាងក្រុម ឡេបហ្សីង (RB Leipzig – អាល្លឺម៉ង់) និងក្រុម អាត្លងទីកូ (Atlético Madrid – អេស្ប៉ាញ)៕



លំអិតបន្ថែមទៀត

កីឡា និងបច្ចេកវិទ្យា

ណីម៉ា បន្តកិច្ចសន្យា​៣ឆ្នាំ នៅជាមួយក្រុមប៉ារីស​រហូតឆ្នាំ២០២៥

កំពូលខ្សែប្រយុទ្ធជាតិប្រេស៊ីល កីឡាករ ណីម៉ា (Neymar Jr) បាន«បន្តកិច្ចសន្យា​៣ឆ្នាំ» ទាត់ជាមួយក្រុមប៉ារីស (Paris Saint-Germain បារាំង) រហូតដល់ឆ្នាំ២០២៥។ នេះ បើតាមសេចក្ដីប្រកាសព័ត៌មានផ្លូវការ ...
កីឡា និងបច្ចេកវិទ្យា

ផ្សាយផ្ទាល់ ៖ សន្និសីទសារព័ត៌មាន​ដំបូងរបស់ ម៉េស៊ី នៅ ប៉ារីស

ផ្សាយផ្ទាល់ ៖ កំពូលខ្សែប្រយុទ្ធជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) នឹងបង្ហាញខ្លួន និងថ្លែងជាលើកដំបូង ទៅកាន់ក្រុម​អ្នកសារព័ត៌មាន ក្នុងសន្និសីទសារព័ត៌មានមួយ ដែលរៀបចំឡើងដោយក្រុម ...
កីឡា និងបច្ចេកវិទ្យា

Champions League ៖ លីយ៉ុង-បាសឺឡូន រកមួយគ្រាប់គ្មាន

បន្ទាប់ពីមិនបានឆ្លងវគ្គ សម្រាប់ក្របខណ្ឌ​ដណ្ដើមជើងឯកអ៊ឺរ៉ុប «Champions League» អស់រយៈពេល​ជាច្រើនឆ្នាំ​កន្លងមក ក្រុមតោបារាំង លីយ៉ុង (Olympique Lyonnais – បារាំង) បានឡើងមកប្រកួត ក្នុងវគ្គ១ភគ៨ផ្ដាច់ព្រ័ត្រ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.