កីឡា និងបច្ចេកវិទ្យាបាល់ទាត់

កីឡាករមួយរូបទៀត​របស់ក្រុម ប៉ារីស រងការគាស់ផ្ទះជាថ្មី

អាចថា ចុងឆ្នាំនេះ កីឡាកររបស់ក្រុម ប៉ារីស (Paris Saint-Germain) មានសំណាងមិនល្អ… ឬបើមិនអញ្ចឹងទេ គឺស្រុកបារាំង ជាស្រុកដែលសម្បូរ ដោយចោរគាស់ផ្ទះ!!! ពីរថ្ងៃបន្ទាប់ពីគ្រោះ របស់ខ្សែការពារ កីឡាករ ទីចាហ្គោ ស៊ីលវ៉ា (Thiago Silva) នៅថ្ងៃទី២៤ ខែធ្នូ ឆ្នាំ២០១៨ ម្សិលម្ងៃ កីឡាករខ្សែប្រយុទ្ធ អេរិច ឈូប៉ូ-ម៉ូធីង (Eric Choupo-Moting) បានរងវាសនាអាក្រក់ ដូចគ្នានេះជាថ្មី។ ហើយវាជាលើកទីពីរហើយ សម្រាប់កីឡាករខ្សែប្រយុទ្ធជាតិកាមឺរូន នៅក្នុងរយៈពេល ត្រឹមតែមួយខែប៉ុណ្ណោះ។ 

សារព័ត៌មានបារាំង «Le Parisien» បានរាយការណ៍ថា ហេតុការណ៍គាស់ផ្ទះកីឡាករ ដែលស្ថិតក្នុងសង្កាត់ទី១៧ នៃរដ្ឋធានីប៉ារីស បានកើតឡើង ក្នុងយប់ថ្ងៃចន្ទទី២៤ ខែធ្នូ ឆ្នាំ២០១៨ ដែលជាយប់ថ្ងៃបុណ្យណូអែល ហើយបណ្ដាជនទូទៅ កំពុងធ្វើពិធីលៀងអាហារ ណូអែល ជាមួយញាតិមិត្ត ឬមិត្តភ័ក្រ។ សារព័ត៌មានមិនបានលំអិតបន្ថែម ពីករណីនេះទេ ដោយគ្រាន់តែបញ្ជាក់ថា ក្រុមចោរបានគេសខ្លួនបាត់ស្រមោល។

កាលពីយប់ថ្ងៃទី២៨ ចូលមកថ្ងៃទី២៩ ខែវិច្ឆិកា​ ឆ្នាំ២០១៨កន្លងទៅ គេហដ្ឋានរបស់កីឡាកររូបនេះ ត្រូវបានក្រុមចោរ ចូលទៅ«ទស្សនាកំសាន្ដ»ម្ដងហើយ។ ទ្រព្យសម្បត្តិដែលបាត់បង់ មានទំហំប្រមាណ ជា៦០០ ០០០អ៊ឺរ៉ូ ក្នុងនោះ ៤០០ ០០០អ៊ឺរ៉ូ ជាគ្រឿងអលង្កា។ ពេលនោះ កីឡាករនិងមិត្តរួមក្រុម កំពុងប្រកួតយកជ័យជំនះ ទល់នឹងក្រុម លីវើភូល (Liverpool) ក្នុងក្របខណ្ឌ ដណ្ដើមជើងឯកអ៊ឺរ៉ុប «Champions League»។

កាលពីពីរថ្ងៃមុន គឺក្នុងយប់ថ្ងៃទី២២ ខែធ្នូ ឆ្នាំ២០១៨ ក្នុងខណៈពេលដែលក្រុមប៉ារីស កំពុងប្រកួតយកជ័យជំនះ លើក្រុម ណង់ ក្នុងក្របខណ្ឌ បូកពិន្ទុដណ្ដើមជើងឯក «Ligue 1» ក្នុងប្រទេសបារាំង គេហដ្ឋានរបស់កីឡាករ ទីចាហ្គោ ស៊ីវ៉ា ត្រូវបានចោរគាស់ចូល និងលួចទ្រព្យអស់ប្រមាណ ជា១លានអ៊ឺរ៉ូ ក្នុងនោះ នាឡិកាមួយគ្រឿង មានតម្លៃប្រមាណជា ៦០០ ០០០អ៊ឺរ៉ូ៕



លំអិតបន្ថែមទៀត

កីឡា និងបច្ចេកវិទ្យា

ណីម៉ា រងបណ្ដឹងមួយពីបទ​រើសអើង ប្រឆាំង​ជន​ស្រឡាញ់​ភេទដូច នៅ​ប្រេស៊ីល

តារារបស់ក្រុមប៉ារីស (Paris Saint-Germain – បារាំង) កីឡាករ ណីម៉ា (Neymar) កំពុង​រងបណ្ដឹងមួយ ពីបទរើសអើង ប្រឆាំង​ជន​ស្រឡាញ់​ភេទដូច នៅក្នុង​ប្រទេស​ប្រេស៊ីល។ បណ្ដឹងដែលដាក់ឡើង ...
កីឡា និងបច្ចេកវិទ្យា

អ្នកចាំទីក្រុម រៀល ចុះហត្ថលេខា​៤ឆ្នាំ លេង​ឲ្យ​ក្រុម ប៉ារីស

ក្នុងល្ងាចថ្ងៃចន្ទនេះ «អតីត»អ្នកចាំទីរបស់ក្រុម រៀល (Real Madrid) និងធ្លាប់លើកពានអ៊ឺរ៉ុបបីជំនាន់ កីឡាករ កីល័រ ណាវ៉ាស់ (Keylor Navas) បានចុះហត្ថលេខា លេង​ឲ្យ​ក្រុម ...
កីឡា និងបច្ចេកវិទ្យា

ណីម៉ា បន្ទោសអាជ្ញាកណ្ដាល ខណៈ ម៉ាគីញ៉ូស ថាជាពេលត្រូវ«ឆីលាមក»

«ពេលដែលត្រូវ… ឆីលាមក» – ក្ដីសុបិន្តដែលចង់ឈ្នះជាជើងឯកអ៊ឺរ៉ុប របស់ក្រុមប៉ារីស (Paris Saint-Germain – បារាំង) បានរលាយជាថ្មីទៀត ក្នុងឆ្នាំនេះ បន្ទាប់ពីប្រកួតចាញ់ក្រុម មែនញូ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.