កីឡា និងបច្ចេកវិទ្យាបាល់ទាត់

អ៊ឹមបាពេ ធ្វើតេស្ត​​ជំងឺ​«Covid-19» ព្រោះ​ធ្លាក់ខ្លួនឈឺ​«ក»​តាំងពី​ច្រើនថ្ងៃ

Covid-19 ៖ កំពូលខ្សែប្រយុទ្ធវ័យក្មេង​របស់ក្រុម ប៉ារីស (Paris Saint-Germain – បារាំង) កីឡាករ គីលីយ៉ាន អ៊ឹមបាពេ (Kylian Mbappé) ដែលខកខាន​មិនធ្វើការហ្វឹកហាត់ ព្រោះឈឺបំពង់ក តាំងពីថ្ងៃចន្ទមកនោះ បានឆ្លងកាត់ការធ្វើតេស្ត ក្នុងថ្ងៃអង្គារទី១០ ខែមិនានេះ ដើម្បីចង់ដឹងថា តើកីឡាករបានឆ្លងជំងឺរលាកផ្លូវដង្ហើម ប្រភេទថ្មី ដែលបណ្តាលមក​ពីមេរោគ«កូរូណា»ឬយ៉ាងណា។

សារព័ត៌មានកីឡាបារាំង «L’Equipe» ដ៏ធំ បានបង្ហើបឲ្យដឹង ពីដំណឹងខាងលើ ដោយបានបញ្ជាក់បន្ថែមថា ការធ្វើតេស្តជាលក្ខណៈ«បង្ការ»នោះ បានផ្តល់លទ្ធផលក្នុងជំហានទីមួយ ជា«អវិជ្ជមាន»។ ហើយគេត្រូវរងចាំលទ្ធផលទាំងស្រុង ដែលនឹងត្រូវឲ្យដឹង ក្នុងយប់ថ្ងៃអង្គារនេះ ឬថ្ងៃពុធស្អែក។

ប៉ុន្តែនៅមុននេះបន្តិច សារព័ត៌មានបានរាយការណ៍បន្តថា ការធ្វើតេស្តលើកីឡាករវ័យក្មេង បង្ហាញលទ្ធផល«អវិជ្ជមាន»។ នេះ ជាលទ្ធផលទាំងស្រុង និងចុងក្រោយ ដែលបានសេចក្ដីថា កីឡាករ អ៊ឹមបាពេ មិនបានឆ្លងជំងឺ«កូរូណា» ឬ«Covid-19» ដ៏អប្រិយនេះទេ។

ស្ថានភាពសុខភាព របស់កីឡាករជើងឯកពិភពលោក (ឆ្នាំ២០១៨) រូបនេះ អាចជះឥទ្ធិពល ទៅដល់ការប្រកួត​រវាងក្រុម ប៉ារីស និងក្រុម ដ័រមូន (Dortmund – អាល្លឺម៉ង់) ក្នុងយប់ថ្ងៃពុធ ដែលជាការប្រកួត «ត្រឡប់» វគ្គ១ភាគ៨ផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ុបប្រចាំ ហៅជាភាសាអង់គ្លេសថា «Champions League»។

យ៉ាងណា កំពូលខ្សែប្រយុទ្ធខាងលើ នៅតែមានឈ្មោះ ក្នុងបញ្ជីកីឡាករចេញប្រកួត របស់គ្រូបង្វឹកក្រុមប៉ារីស លោក តូម៉ាស ទូហែល (Thomas Tuchel) ដដែលដែរ៕



You may also like

កម្ពុជា

Covid-19៖ ហ៊ុន សែន កាត់បន្ថយបម្រាម សម្រាប់​ដាក់កំហិត​ការធ្វើដំណើរ

បុរសខ្លាំងកម្ពុជា បានប្ដូរបទបញ្ជារបស់លោក នៅថ្ងៃនេះ ដោយ«កាត់បន្ថយបម្រាម» នៃការដាក់កំហិត សម្រាប់ការធ្វើដំណើររវាងរាជធានី និងខេត្តកណ្ដាល ក៏ដូចជារវាងស្រុកនិងស្រុក។ បញ្ជាថ្មីនេះ ធ្វើឡើងបន្ទាប់ពីបម្រាមរបស់លោក ដែលបានផ្សាយចេញ ជាលក្ខណៈបន្ទាន់ កាលពីរសៀលម្សិលម៉ិញ ...
កម្ពុជា

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ...
កីឡា និងបច្ចេកវិទ្យា

រ៉ូណាល់ដូ នឹងនៅ​ជាមួយ​ក្រុម​សេះបង្កង់ ១០០០% នៅ​រដូវកាល​ក្រោយ

បន្ទាប់ពីលើកពានដំបូង ជាជើងឯកនៃប្រទេសអ៊ីតាលី (ក្របខណ្ឌទាត់វិលជុំបូកពិន្ទុ) ជាក្រុមជូវេនទូស (Juventus Turin – អ៊ីតាលី) ក្នុងយប់ថ្ងៃ២០ ខែមេសានេះ កំពូលខ្សែប្រយុទ្ធជាតិព័រទុយហ្គាល់ បានចេញមុខមកអះអាងថា ខ្លួននឹងបន្តនៅទាត់ឲ្យក្រុមសេះបង្កង់ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...