កីឡា និងបច្ចេកវិទ្យាបាល់ទាត់

ណីម៉ា ទៅ​ហ្វឹកហាត់​ជាមួយ​ក្រុម​ជម្រើសជាតិ ដោយ​ជិះ… ឧទ្ធម្ភាគចក្រ

កំពូលខ្សែប្រយុទ្ធរបស់ក្រុមប៉ារីស កីឡាករ ណីម៉ា (Neymar) បានយកពេល​ឈប់​សម្រាក​មុនកាលកំណត់ ដើម្បីទៅចូលរួមហ្វឹកហាត់ ជាមួយក្រុមជម្រើសជាតិប្រេស៊ីល ក្នុងជំហានត្រៀមប្រកួត យកពានរង្វាន់ទ្វីបអាមេរិក ដែលនឹងប្រព្រឹត្តិទៅ នៅចាប់ពីថ្ងៃទី១៤ ខែមិថុនានេះ រហូតដល់ថ្ងៃទី៧ ខែកក្កដាខាងមុខ។

តែក្នុងខណៈកីឡាករ-មិត្តរូមក្រុមជម្រើសជាតិផ្សេងទៀត បានជ្រើសរើសមធ្យោបាយរថយន្ដ ដើម្បីធ្វើដំណើរទៅកាន់អន្តេវាសិកដ្ឋាន «Granja Comary»  របស់សហព័ន្ធបាល់ទាត់ប្រេស៊ីលនោះ កីឡាករ ណីម៉ា បានជ្រើសរើសយកឧទ្ធម្ភាគចក្រ ជាមធ្យោបាយធ្វើដំណើររបស់ខ្លួន ដោយបានជិះ«កន្ទុំរុយ»ដ៏ធំមួយនេះ ទៅចុះចតនៅក្បែរទីលានហ្វឹកហាត់តែម្ដង។ 

ជាមួយនឹងសម្លៀកបំពាក់ពណ៌ខ្មៅទាំងអស់ កំពូលតារាបាល់ទាត់ជាតិប្រេស៊ីល បានចុះពីយានធ្វើដំណើររបស់ខ្លួន ហើយបានស្វាគមន៍មនុស្សម្នា ជាពិសេសកុមារទាំងឡាយ ដែលបានរង់ចាំមើលខ្លួន។ បន្ទាប់មក កីឡាករបានចូលក្នុងរថយន្ដធំមួយទៀត ដើម្បីធ្វើដំណើរទៅកាន់ទីហ្វឹកហាត់។

ណីម៉ា បានបញ្ចប់រដូវកាលឆ្នាំ២០១៨-២០១៩ លឿនជាងពេលកំណត់ ដោយហេតុថា កីឡាករទទួលការពិន័យ ពីសំណាក់សហព័ន្ធបាល់ទាត់បារាំង ដោយហាមកីឡាករ មិនឲ្យចូលប្រកួតចំនួន៣ប្រកួត ទាក់ទងនឹងកាយវិការរបស់កីឡាករ តបទៅអ្នកគាំទ្រម្នាក់ ក្នុងការប្រកួតផ្ដាច់ព្រ័ត្រ «France Cup» រវាងក្រុមប៉ារីស និងក្រុមរ៉ែន (Rennes FC) កាលពីចុងខែមេសា។

ប្រភពព័ត៌មានជាច្រើន បានរាយការណ៍ថា កីឡាករបានយកឱកាស នៃការហាមឃាត់ការប្រកួតខាងលើ ដើម្បីធ្វើដំណើរទៅកាន់ប្រទេសប្រេស៊ីលតាំងពីថ្ងៃទី២៥ ខែឧសភា ខណៈកីឡាករប្រេស៊ីលផ្សេងទៀត របស់ក្រុមប៉ារីស គ្រោងទៅដល់ទីលានហ្វឹកហាក់ នៅថ្ងៃអង្គារទី២៨ ខែឧសភានេះ។

» វីដេអូខាងក្រោម ជាការហ្វឹកហាត់របស់ក្រុមជម្រើសជាតិប្រ៊េស៊ីល ដែលមានវត្តមានរបស់កីឡាករ ណីម៉ា ផង៖



លំអិតបន្ថែមទៀត

កីឡា និងបច្ចេកវិទ្យា

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ ...
កីឡា និងបច្ចេកវិទ្យា

ណីម៉ា ទើបចេញ​ប្រកួត​លើក​ដំបូង និង​បាននាំ​ជ័យជំនះ​ឲ្យ​ក្រុម​ប៉ារីស

ទើបចេញ​ប្រកួត​លើក​ដំបូង សម្រាប់រដូវកាលថ្មី ក្នុងនាមជាកីឡាករ របស់ក្រុមប៉ារីស (Paris Saint Germain) កំពូលខ្សែប្រយុទ្ធ កីឡាករ ណីម៉ា (Neymar Jr) បានជួយឲ្យក្រុមនេះ ...
កីឡា និងបច្ចេកវិទ្យា

អ៊ឹមបាពេ បង្ហោះសារ​តបនឹង​ពាក្យចចាមអារាម​ថា ត្រូវ​ក្រុមផ្សេង​ទិញយក

ពាក្យចចាមអារាម ដែលអះអាងថា កីឡាករ គីលីយ៉ាន អ៊ឹមបាពេ (Kylian Mbappé) ត្រូវ​ក្រុមផ្សេង​ទិញយក បានផ្ទុះឡើង បើទោះជាពិភពបាល់ទាត់ បានស្ងប់សកម្មភាព ព្រោះការរាតត្បាត នៃពីជំងឺ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...