កីឡា និងបច្ចេកវិទ្យាបាល់ទាត់

«ហង្សក្រហម»​បំបាក់​ជើងឯក​អាល្លឺម៉ង់ ដើម្បី​ឆ្លងវគ្គ​យ៉ាងអង់អាច

បើទោះជាក្នុងរដូវកាលនេះ ក្រុមលីវើភូល (Liverpool FC) ហៅ«ហង្សក្រហម» បានប្រកួតចាញ់បីលើក នៅក្នុងការប្រកួតវគ្គជម្រុះនោះក្ដី តែក្នុងការប្រកួត«ត្រឡប់»យប់នេះ ទល់នឹងក្រុម បាយ៉ឺនអាល្លឺម៉ង់ (Bayern Munich) ក្រុម«ហង្សក្រហម»បានទប់ទល់ និងវាយបកវិញបានយ៉ាងល្អ ហើយបានឈ្នះនៅទីបំផុត ១-៣ ដែលអនុញ្ញាតឲ្យខ្លួន ទទួលសំបុត្រដើម្បីដើរឆ្លង ទៅវគ្គ១ភាគ៤ (ឬវគ្គ៨ក្រុម)។

ក្នុងការប្រកួត«ទៅ» កាលពីបីសប្ដាហ៍មុន ក្រុមទាំងពីរទទួលបានលទ្ធផល ត្រឹមតែ ០-០ ប៉ុណ្ណោះ។ តែនៅក្នុងការប្រកួតយប់នេះ ក្រុមលីវើភូល រកគ្រាប់បាល់បានដំបូង (០-១) នៅនាទីទី២៦ ដោយកីឡាករ «Sadio Mané» មុននឹងត្រូវក្រុមជើងឯកអាល្លឺម៉ង់ រកគ្រាប់បាល់ស្មើមកវិញ (១-១) នៅនាទីទី៣៩ ដោយកីឡាករ «Joel Matip»។

យ៉ាងណា នៅពាក់កណ្ដាលម៉ោងទីពីរ ក្រុមហង្សក្រហម ដែលរងការវាយលុក យ៉ាងខ្លាំងក្លាពីសំណាក់ក្រុមបាយ៉ឺននោះ បានឆ្លៀតឱកាសចន្លោះប្រហោង របស់ខ្សែការពាររបស់គូប្រជែង រកគ្រាប់បាល់បានមួយគ្រាប់ទៀត (១-២) នៅនាទីទី៦៩ ដោយកីឡាករ «Virgil van Dijk»។

នាំមុខមុនមួយគ្រាប់ បង្កឲ្យក្រុមបាយ៉ឺនហាក់អស់សង្ឃឹម ដោយហេតុថា ការប្រកួតនៅលើទឹកដីរបស់ខ្លួន ចាប់បាច់ត្រូវយកជ័យជំនះ លើកក្រុមគូប្រកួត ដើម្បីអាចឆ្លងវគ្គបាន ពោលគឺក្រុមបាយ៉ឺន ត្រូវរកឲ្យបានពីរគ្រាប់ ក្នុងពេលនេះ។

ប៉ុន្តែការមានប្រៀរបស់ក្រុម«ហង្សក្រហម» ជំរុញឲ្យក្រុមនេះធ្វើការការពារ យ៉ាងល្អឥតខ្ចោះ រហូតរកបានគ្រាប់បាល់ទី៣ (១-៣) នៅនាទីទី៨៤ ដោយកីឡាករ «Sadio Mané» ជាថ្មីទៀត និងធ្វើឲ្យក្រុមជើងឯកអាល្លឺម៉ង់ ត្រូវបង្ខំចិត្តលើកទង់ជ័យសជាស្ថាពរ (ព្រោះពេលនេះ ត្រូវរកឲ្យបានបីគ្រាប់ ខណៈដល់ចុងបញ្ចប់នៃការប្រកួត)។

ក្រុមបាយ៉ឺនវិញ ទទួលបរាជ័យផ្ទួនៗ ជាច្រើនឆ្នាំជាប់គ្នា នៅក្នុងក្របខណ្ឌប្រកួត ដណ្ដើមជើងឯកអ៊ឺរ៉ុប «Champions League»។

នៅក្នុងការប្រកួតវិលជុំបូកពិន្ទុ «Bundesliga» នៅក្នុងប្រទេសអាល្លឺម៉ង់វិញ ក្រុមជើងឯកច្រើនជំនាន់មួយនេះ ក៏រកបានចំណាត់ថ្នាក់​លេខ១ ទាំងប្រផិតប្រផើយដែរ ដោយត្រូវប្រជែងជាមួយក្រុម ដ័រមូន (Dortmund) ដែលត្រូវបានជម្រុះចេញពី «Champions League» កាលពីសប្ដាហ៍មុន បន្ទាប់ពីប្រកួតចាញ់ក្រុមស្ពឺរ របស់អង់គ្លេស៕

» វីដេអូសង្ខេបនៃការប្រកួត «ត្រឡប់» រវាងក្រុមលីវើភូល និងក្រុមបាយ៉ឺន៖



លំអិតបន្ថែមទៀត

កីឡា និងបច្ចេកវិទ្យា

មេនស៊ីធី អតីត​ជើងឯក​ឆ្នាំមុន លត់ លីវើភូល ជើងឯក​ឆ្នាំនេះ ៤-០

អតីត​ជើងឯក​ឆ្នាំមុន ក្រុម មេនឆេស្ទ័រស៊ីធី (Manchester City) បានផ្ដល់មេរៀន យ៉ាងចាស់ដៃ ដល់ក្រុម លីវើភូល (Liverpool) ដែលទើបឈ្នះជាជើងឯក ក្នុងឆ្នាំនេះ។ ក្នុងការប្រកួសជុំទី៣២ ...
កីឡា និងបច្ចេកវិទ្យា

អតីតប្រធាន UEFA ខឹង​អាជ្ញាកណ្ដាលវីដេអូ ក្រោយជំនួប PSG Man-U

អតីតប្រធានសហព័ន្ធបាល់ទាត់អ៊ឺរ៉ុប (UEFA) លោក មីឆែល ប្លាទីនី (Michel Platini) បានតំឡើងសម្លេងខ្លាំងៗ ដាក់អាជ្ញាកណ្តាលវីដេអូ នៅប៉ុន្មានថ្ងៃបន្ទាប់ពីក្រុមប៉ារីស (Paris Saint-Germain – ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...