កីឡា និងបច្ចេកវិទ្យាបាល់ទាត់

ហ្វាប្រេហ្គាស ចេញ​ពី​ ឆែលស៊ី មកលេង​ឲ្យ ម៉ូណាកូ

ដំណឹងដែលបានលេចឮ តាំងពីច្រើនថ្ងៃមកហើយ ត្រូវបានប្រកាសជាផ្លូវការហើយ នៅល្ងាចថ្ងៃសុក្រនេះ ដោយក្រុមបាល់ទាត់ ម៉ូណាកូ ( AS Monaco – បារាំង)។ ហ្វ្រង់សេស ហ្វាប្រេហ្គាស (Francesc Fàbregas) កីឡាករខ្សែបម្រើ អាយុ៣១ឆ្នាំ របស់ក្រុម ឆែលស៊ី (Chelsea FC – អង់គ្លេស) បានចេញពីក្រុម ហើយបានមកចុះហត្ថលេខាលេង ចំនួន៣ឆ្នាំ ឲ្យក្រុម ម៉ូណាកូ ដែលធ្លាប់ឈ្នះ ជាជើងឯកបារាំង ឆ្នាំ២០១៦-២០១៧។

តាមការអះអាងរបស់សារព័ត៌មាន «L’Equipe» ដ៏ធំជំនាញខាងកីឡា របស់បារាំង បានអះអាងថា ការចាកចេញរបស់កីឡាករ នៅមុនបញ្ចប់កិច្ចសន្យា ពីក្រុម ឆែលស៊ី មិនត្រូវបានក្រុម ម៉ូណាកូ ចំណាយអស់ប្រាក់ មួយសេនឡើយ។ តែក្រុម ម៉ូណាកូ នឹងត្រូវបង់ទៅឲ្យក្រុម ឆែលស៊ី ក្នុងលក្ខខណ្ឌ ដែលក្រុមនេះ ទទួលបានជ័យជំនះភាគច្រើន នៅក្នុងការប្រកួត សម្រាប់ដណ្ដើម ជើងឯកបូកពិន្ទុ ក្នុងប្រទេសបារាំង។

ក្នុងរយៈពេលកន្លងមក គ្រូបង្វឹករបស់ក្រុម ឆែលស៊ី លោក «Maurizio Sarri» មិនសូវជាឲ្យកីឡាកររូបនេះ ដែលធ្លាប់លើកពានរង្វាន់ ពិភពលោក ឆ្នាំ២០១០ (ជាមួយក្រុមជម្រើសជាតិ អេស្ប៉ាញ) ចូលលេងទេ។

យ៉ាងណា កីឡាករ ហ្វាប្រេហ្គាស បានចូលទាត់ឲ្យក្រុម ជាលើកចុងក្រោយ ក្នុងការប្រកួតមួយ កាលពីថ្ងៃសៅរ៍មុន ទល់នឹងក្រុម «Nottingham Forrest» (ឆែលស៊ី ឈ្នះ ២-០)។

ជាមួយនឹងជំនាញរបស់ខ្លួន ដែលទាត់នៅខ្សែបម្រើ និងពូកែដណ្ដើមយកបាល់ ពីគូប្រកួតនោះ កីឡាករ ហ្វាប្រេហ្គាល អាចផ្ដល់លទ្ធភាព សម្រាប់ក្រុម ម៉ូណាកូ ក្នុងការងើបចេញ ពីតំបន់ក្រហម (លេខ១៩) នៅក្នុងក្របខណ្ឌ «Ligue 1» (ជើងឯកបូកពិន្ទុ)។

កីឡាករ ត្រូវបានក្រុមបាល់ទាត់ ម៉ូណាកូ ស្រង់សំដីមកចុះផ្សាយ នៅលើគេហទំព័ររបស់ខ្លួនថា៖

«ជាក្ដីសប្បាយរីករាយណាស់ ដែលខ្ញុំបានចូល មកទាត់ឲ្យក្រុម ម៉ូណាកូ ដែលជាវិញ្ញាសារថ្មីមួយ សម្រាប់ខ្ញុំ។ ក្រុមបាល់ទាត់នេះ មានពោរពេញ ដោយគុណភាព ជាមួយនឹង កីឡាករក្មេងៗជាច្រើន និងគ្រូបង្វឹកថ្មី (លោក ទីជែរី ហង់រី – Thierry Henry)។»

កីឡាករខ្សែបម្រើ បានបន្តថា៖

«វត្តមានរបស់ខ្ញុំ គឺដើម្បីជួយក្រុម ហើយខ្ញុំអន្ទះសារណាស់ ក្នុងការចាប់ផ្ដើមចូលលេង ជាពិសេសបំផុតនោះ គឺយើងមានការប្រកួត ដ៏ធំមួយ ទល់នឹងក្រុម ម៉ាសីយ៍ នៅថ្ងៃអាទិត្យខាងមុខ។»

នៅក្នុងរដូវកាល ឆ្នាំ២០១៨-២០១៩នេះ ក្រុម ម៉ូណាកូ បានធ្លាក់ពិន្ទុយ៉ាងសម្បើម (លេខ១៩ នៅក្នុងក្របខណ្ឌបូកពិន្ទុ) ដោយសារកីឡាករ ធំៗភាគច្រើន របស់ក្រុមនេះ មួយចំនួនបានរងរបួស និងមួយចំនួនទៀត បានចាកចេញពីក្រុម កាលពីចុងរដូវកាលមុន។ បើសិនជា រហូតចុងបញ្ចប់​នៃរដូវកាល ចំណាត់ថ្នាក់នៅតែបន្តដូច្នេះ ក្រុម ម៉ូណាកូ នឹងត្រូវធ្លាក់ទៅទាត់ ក្នុងក្របខណ្ឌទី ២ សម្រាប់ឆ្នាំខាងមុខ។

នៅចំពោះការមកដល់ នៃកីឡាករខាងលើ លោក «Vadim Vasilyev» នាយករងក្រុម ម៉ូណាកូ បានថ្លែងឡើងថា៖

«ខ្ញុំរីករាយណាស់ ចំពោះការមកដល់ របស់កីឡាករដ៏ល្អម្នាក់នេះ ដែលនឹងជួយឲ្យក្រុម មានភាពរីកចម្រើនឡើង។ កីឡាករបានថ្លែងប្រាប់ខ្ញុំ ថាគាត់ចង់ជំនះ នៅក្នុងវិញ្ញាសារដ៏ពិបាកថ្មីមួយ។ កីឡាករដ៏ល្អម្នាក់ ដែលសម្រេចចិត្ត ចូលមកលេង ឲ្យក្រុមមួយ ក្នុងស្ថានភាព ដ៏ពិបាកបែបនេះ ធ្វើឲ្យខ្ញុំមានក្ដីស្ងើចសរសើរក្រៃលែង។»៕



លំអិតបន្ថែមទៀត

កីឡា និងបច្ចេកវិទ្យា

អេដេន ហាហ្សា នឹងក្លាយ​ជាកីឡាករ​ក្រុមរៀល ចាប់ពី​ចុងខែ​នេះ

កីឡាករ អេដេន ហាហ្សា (Eden Hazard) ខ្សែបម្រើសព្វថ្ងៃ របស់ក្រុមតោខៀវអង់គ្លេស នឹងក្លាយជាកីឡាករក្រុមអធិរាជអាវស ចាប់ពី​ចុងខែ​នេះ ពោលគឺនៅក្រោយការប្រកួតផ្ដាច់ព្រ័ត្រ ក្របខណ្ឌ «Europa League» ...
កីឡា និងបច្ចេកវិទ្យា

Champions League៖ រៀល និងឆែលស៊ី បានត្រឹម​ស្មើ ១-១ ជុំទី១

ក្រុមយក្សពីរនៅអ៊ឺរ៉ុប​បានបញ្ចប់ការប្រកួត វគ្គពាក់កណ្ដាលផ្ដាច់ព្រ័ត្រ ជុំទី១ ដោយលទ្ធផលស្មើ ១-១ ក្នុងយប់​ថ្ងៃអង្គារ​​ទី២៧ ខែមេសា ឆ្នាំ២០២១នេះ។ ជាការប្រកួតរវាងក្រុម រៀលម៉ាឌ្រីត (Real Madrid – ...
កីឡា និងបច្ចេកវិទ្យា

Champions League៖ ម៉េស៊ី នាំ បាសា ទៅជួប បាយឺន នៅវគ្គ១/៤

ថ្វីជើងរបស់កំពូលកីឡាក លីយ៉ូនែល ម៉េស៊ី (Lionel Messi) ពិតជាពិសេស! ក្នុងយប់ថ្ងៃសៅរ៍នេះ កីឡាករ​ជាតិ​អាហ្សង់ទីនរូបនេះ បាននាំក្រុម បាសឺឡូន (FC Barcelone – ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.