កីឡា និងបច្ចេកវិទ្យាបាល់ទាត់

ទីជែរី ហង់រី ចាកចេញពី ម៉ូណាកូ បន្ទាប់ពីធ្វើ«គ្រូបង្វឹកបីខែ»

អតីតខ្សែប្រយុទ្ធដ៏ល្បី របស់ក្រុមកាំភ្លើងធំ លោក ទីជែរី ហង់រី (Thierry Henry) ដែលបានប្រែក្លាយអាជីព ជា«គ្រូបង្វឹកបីខែ»​លើកដំបូង ជាមួយក្រុម ម៉ូណាកូ (AS Monaco – បារាំង) កាលពី៣ខែមុន បានប្រកាសចាកចេញ ពីក្រុមបាល់ទាត់មួយនេះហើយ នៅយប់ថ្ងៃសុក្រ ទី២៥ ខែមករា ឆ្នាំ២០១៩នេះ។

ដំណឹងខាងលើ​ កើតឡើងមួយថ្ងៃ ក្រោយការសម្រេចរបស់ក្រុម ម៉ូណាកូ ដែលបានព្យួរតួនាទី ​របស់គ្រូបង្វឹកវ័យ៤១ឆ្នាំរូបនេះ ចេញពីការបង្វឹក កាលពីម្សិលម៉ិញ។

តាំងពីបាន​មកធ្វើជាគ្រូបង្វឹក ឲ្យក្រុមម៉ូណាកូ លោក ទីជែរី ហង់រី មិនបានធ្វើឲ្យក្រុម មានភាពប្រសើរឡើង នៅក្នុងចំណាត់ថ្នាក់ នៃក្របខណ្ឌបូកពិន្ទុ «Ligue 1» នោះទេ។ មកដល់ថ្ងៃនេះ ក្រុម ម៉ូណាកូ ដែលធ្លាប់ឈ្នះជាជើងឯក ឆ្នាំ២០១៦ នៃប្រទេសបារាំង ទទួលបានចំណាត់ថ្នាក់ ត្រឹមតែលេខ១៩ ប៉ុណ្ណោះ ពីក្នុងចំណោម ២០ក្រុម។

មិនត្រឹមតែប៉ុណ្ណឹង ក្រុមម៉ូណាកូ បានប្រកួតចាញ់យ៉ាងអាម៉ាស ក្រុម ស្ត្រាស្បួរ៍ (Strasbourg – បារាំង) ក្នុងពិន្ទុ ១៥ និងក្រុម ម៉េស្ស៍ (Metz – បារាំង) ដោយពិន្ទុ ១ ៣ នៅក្នុងផ្ទះខ្លួនឯង កាលពីប៉ុន្មានថ្ងៃមុន ខណៈក្រុមទាំងពីរ ត្រូវគេស្គាល់ពីមុនមកថា ធ្លាប់ជាក្រុមអន់ៗ។

យ៉ាងណាក៏ដោយ «គ្រូបង្វឹកបីខែ»រូបនេះ បានប្រកាសចេញចេញពីក្រុម ជាមួយនឹងការអះអាង ពីភាពក្ដុកក្ដួលរបស់ខ្លួន និងសំដែងសមានចិត្ត ចំពោះបណ្ដាមេដឹកនាំក្រុម ម៉ូណាកូ ក៏ដូចជាចំពោះ ក្រុមកីឡាករទាំងអស់។

លោក ហង់រី បានសង្ឃឹមថា គ្រូបង្វឹកក្រោយរបស់ក្រុម នឹងជួយក្រុមឲ្យងើបផុត ពីចំណាត់ថ្នាក់ដ៏អាក្រក់ ដែលអាចឲ្យក្រុមធ្លាក់ ទៅក្នុងក្របខណ្ឌបូកពិន្ទុ «Ligue 2» ដែលខ្សោយជាង «Ligue 1»។ ប៉ុន្តែគ្រូបង្វឹកក្រោយនេះ ក៏ជាគ្រូបង្វឹក មុនការមកដល់របស់លោក ហង់រី នោះដែរ៖ គឺលោក ឡេអូណាដូ ចារឌីម (Leonardo Jardim)៕



លំអិតបន្ថែមទៀត

កីឡា និងបច្ចេកវិទ្យា

ហ្វាប្រេហ្គាស ចេញ​ពី​ ឆែលស៊ី មកលេង​ឲ្យ ម៉ូណាកូ

ដំណឹងដែលបានលេចឮ តាំងពីច្រើនថ្ងៃមកហើយ ត្រូវបានប្រកាសជាផ្លូវការហើយ នៅល្ងាចថ្ងៃសុក្រនេះ ដោយក្រុមបាល់ទាត់ ម៉ូណាកូ ( AS Monaco – បារាំង)។ ហ្វ្រង់សេស ហ្វាប្រេហ្គាស ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...