គូប្រកួតក្នុងវគ្គផ្ដាច់ព្រ័ត្រ សម្រាប់ក្របខណ្ឌ «Europa League» នៃរដូវកាលនេះ គឺក្រុម សេវីល (Sévilla FC – អេស្ប៉ាញ) និងក្រុម អាំងទែមីឡង់ (Inter Milan – អ៊ីតាលី)។
ក្រុម សេវីល បានទទួលសំបុត្រ ឡើងទៅវគ្គផ្ដាច់ព្រ័ត្រ កាលពីម្សិលមិញ បន្ទាប់ពីបានបំបាក់ក្រុម មេនយូ (Manchester United – អង់គ្លេស) ដោយពិន្ទុ ២-១។
រីឯក្រុម អាំងទែមីឡង់ បានបំបាក់ក្រុម សាកតា (Shakhtar Donetsk – អ៊ុយក្រែន) ក្នុងយប់ថ្ងៃចន្ទនេះ ដោយពិន្ទុ ៥-០។
ការប្រកួតផ្ដាច់ព្រ័ត្រ រវាងក្រុមទាំងពីរ នឹងប្រព្រឹត្តិទៅ នៅយប់ថ្ងៃសុក្រទី២១ ខែសីហាខាងមុខ ក្នុងកីឡាដ្ឋានក្រុង កូឡូញ ប្រទេសអាល្លឺម៉ង់៕
