កំពូលតារាបាល់ទាត់ របស់ប្រទេសអាហ្សង់ទីន កីឡាករ ឌីយ៉េហ្គោ ម៉ារ៉ាដូណា (Diego Maradona) ត្រូវបាន​«ទុកឲ្យស្លាប់» ដោយក្រុមគ្រូពេទ្យ ដែលទទួលបន្ទុកពិនិត្យ​ព្យាបាលអតីតខ្សែប្រយុទ្ធ បន្ទាប់ពីកីឡាករ​រូបនេះ​ត្រូវបាន​បញ្ជូល​ជាបន្ទាន់ ទៅកាន់មន្ទីរពេទ្យ ដោយអាការៈបេះដូង។ នេះ បើតាមរបាយការណ៍មួយ ដែលចេញផ្សាយ​ជាសាធារណៈ កាលពីថ្ងៃសុក្រ​ចុងសប្ដាហ៍​មុន។

អតីតខ្សែប្រយុទ្ធ ដែលធ្លាប់ទាត់ឲ្យក្រុមបាល់ទាត់ធំៗ នៅក្នុងទ្វីបអ៊ឺរ៉ុប បានទទួលមរណភាព នៅថ្ងៃទី២៥ ខែវិច្ឆិកា ឆ្នាំ២០២០ ក្នុងវ័យ៦០ឆ្នាំ។

របាយការណ៍កម្រាស់៧០ទំព័រ របស់គណៈកម្មការសុខាភិបាល ដែលទទួលបន្ទុកស៊ើបអង្កេត ពីពេលវេលា​ចុងក្រោយ របស់លោក ម៉ារ៉ាដូណា បានឲ្យអះអាងថា កីឡាករវ័យចំណាស់ ទំនងជាត្រូវបាន«ទុកឲ្យស្លាប់» ដោយក្រុម​គ្រូពេទ្យ។ របាយការណ៍​សរសេរថា៖

«គាត់បានឈានដល់​ដំណាក់កាលចុងក្រោយ និងបានដង្ហក់ក្នុងរយៈពេលជាច្រើនម៉ោង យ៉ាងហោចណាស់​១២ម៉ោង មុនពេលត្រូវបានរកឃើញ​ស្លាប់។»

របាយការណ៍បញ្ជាក់ទៀតថា កំពូលកីឡាករជាតិអាហ្សង់ទីន អាចមានសំណាង ក្នុងការរស់រានមានជីវិត ប្រសិនជា​កីឡាករបាន​ចូល​ទៅសម្រាកព្យាបាល ក្នុងមន្ទីរពេទ្យដែលមានជំនាញច្បាស់លាស់ជាង។

នីតិវិធីស៊ើបអង្កេត​ត្រូវបានបើកធ្វើ នៅក្នុងប្រព័ន្ធតុលាការអាហ្សង់ទីន បន្ទាប់ពីកូនស្រីពីរនាក់របស់លោក ម៉ារ៉ាដូណា បានដាក់ពាក្យបណ្ដឹង ប្ដឹងវេជ្ជបណ្ឌិត «Leopoldo Luque» ដោយចោទគ្រពេទ្យជំនាញ ខាងការវះកាត់​បេះដូង​រូបនេះ អំពីការទទួលខុសត្រូវ ចំពោះស្ថានភាពសុខភាព​​របស់ឪពុករបស់ពួកនាង។

តែការស៊ើបអង្កេត មិនត្រឹមតែតាមដាន ទៅលើគ្រូពេទ្យខាងលើទេ តែបានពង្រីកការស៊ើបអង្កេត ទៅលើមនុស្ស​៧នាក់ ដែលសុទ្ធសឹងទទួលបន្ទុក ព្យាបាលនិងថែរក្សាលោក ម៉ារ៉ាដូណា នៅមុនពេលលោកទទួល​មរណភាព។

ដំណឹងចុងក្រោយ ដែលទើបធ្លាក់មកដល់ បានឲ្យដឹងថា របាយការណ៍ខាងលើ ត្រូវបានដាក់ជូនតុលាការ រួចស្រេច​បាច់ហើយ នៅដើមសប្ដាហ៍នេះ។ នៅក្នុង​ប្រទេស​អាហ្សង់ទីន ការទុកឲ្យអ្នកជំងឺស្លាប់ ដោយភាពខ្ជីខ្ជា អាចត្រូវ​ចាត់ទុក ក្នុងបទចោទ​​​«មនុស្សឃាត​ដោយអចេតនា» និងអាច​ទទួលទោស ឲ្យជាប់ក្នុង​ពន្ធនាគារ រវាងពី៥ឆ្នាំ ទៅដល់​១៥ឆ្នាំ៕



You may also like

កីឡា និងបច្ចេកវិទ្យា

ប្រធាន​ផុតអាណត្តិ​របស់ ហ្វីហ្វា ត្រូវបានជ្រើសតាំងឲ្យបន្តតំណែង

ប្រធានផុតអាណត្តិ នៃសហព័ន្ធបាល់ទាត់អន្តរជាតិ «ហ្វីហ្វា (FIFA)» លោក «Gianni Infantino» ត្រូវបានជ្រើសតាំងសារជាថ្មី សម្រាប់អាណត្តិទី២របស់លោក ដើម្បីបន្តដឹកនាំ​ស្ថាប័ន​បាល់ទាត់​អន្តរជាតិ​មួយនេះ រហូតដល់ឆ្នាំ២០២៣។ ក្នុងមហាសន្និបាត នៃសហព័ន្ធបាល់ទាត់អន្តរជាតិ ...
កីឡា និងបច្ចេកវិទ្យា

ផ្សាយផ្ទាល់ ពីកម្មវិធី​ប្រគល់​ពាន«បាល់មាស ២០២១»

ទស្សនា«ផ្សាយផ្ទាល់» ចេញពីកម្មវិធីប្រគល់ពាន«បាល់មាស ២០២១» បន្ទាប់ពីអាក់ខានអស់រយៈពេល ២ឆ្នាំកន្លងមកហើយ ដោយសារការរាតត្បាត នៃជំងឺកូវីដ-១៩ (Covid-19)។ ពាន«បាល់មាស» ដ៏ល្បីល្បាញ នៅក្នុងពិភពបាល់ទាត់ បង្កើតនិងរៀបចំឡើង ដោយសហគ្រាសទស្សនាវដ្ដី ...
កីឡា និងបច្ចេកវិទ្យា

Europa League ៖ ៨ក្រុម​ចុងក្រោយ សម្រាប់​រដូវកាល២០២០-២១

បន្ទាប់ពីជ័យជំនះ​របស់ក្រុមបាល់ទាត់ចំនួន៨ នៅក្នុងការប្រកួត​​ជុំទី២ ក្នុងយប់ថ្ងៃព្រហស្បត្តិ៍ សប្ដាហ៍នេះរួច ខាង​ក្រោម​ជាបញ្ជីក្រុម​ទាំង​«៨ក្រុម​ចុងក្រោយ» សម្រាប់រដូវកាលឆ្នាំ២០២០-២០២១ នៃក្របខណ្ឌដណ្ដើម​ជើងឯក​រង នៅទ្វីបអ៊ឺរ៉ុប «Europa League» (សរសេរជូន​ជាអក្សរឡាតាំង) ៖ (ឈ្មោះក្រុមបាល់ទាត់ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...