កំពូលតារាបាល់ទាត់ របស់ប្រទេសអាហ្សង់ទីន កីឡាករ ឌីយ៉េហ្គោ ម៉ារ៉ាដូណា (Diego Maradona) បាន​ទទួល​មរណភាព ក្នុងថ្ងៃពុធនេះ ក្នុងវ័យ៦០ឆ្នាំ ដោយអាការៈ​គាំងបេះដូង។ នេះ បើតាមការប្រកាស​ឲ្យដឹង របស់ប្រព័ន្ធ​ផ្សព្វផ្សាយអាហ្សង់ទីន កាលពីមុននេះបន្តិច។

លោក ម៉ារ៉ាដូណា ទើបនឹងមានអាយុ៦០ឆ្នាំ នៅថ្ងៃទី៣០ ខែតុលា មុននេះប៉ុណ្ណោះ។ តែស្ថានភាពសុខភាព បានធ្លាក់ចុះដុនដាបខ្លាំង ជាបន្តបន្ទាប់ រហូតដល់ត្រូវបាន​គ្រូពេទ្យ ធ្វើការវះកាត់ជាបន្ទាន់ កាលពីថ្ងៃទី២ ខែវិច្ឆិកា ជុំវិញអាការៈឈាមកក ក្នុង​ខួរក្បាល។ ប៉ុន្តែបន្ទាប់ពីការវះកាត់ ប្រកបដោយជ័យជំនះ លោក​ត្រូវបានអនុញ្ញាត ឲ្យចេញពីមន្ទីរពេទ្យ នៅប៉ុន្មានថ្ងៃក្រោយ។

តែទីបំផុត យមរាជនៅតែឆក់យកជីវិតរបស់លោក នៅថ្ងៃពុធទី២៥ ខែវិច្ឆិកានេះ ក្នុងអាការៈគាំងបេះដូង នាក្រុង «Tigre» នៃខេត្ត «Buenos Aires» ភាគ​ខាងកើត-កណ្ដាល របស់ប្រទេសអាហ្សង់ទីន

មរណៈភាពរបស់កំពូលកីឡាករ ក្នុងវ័យ៦០ឆ្នាំ បានបង្កភាពតក់ស្លុត ដ៏ជ្រាលជ្រៅ សម្រាប់ពិភព​បាល់ទាត់ ជាពិសេស​សម្រាប់ប្រទេស​អាហ្សង់ទីនផ្ទាល់​តែម្ដង។ លោក ម៉ារ៉ាដូណា ដែលត្រូវបានប្រជាជនអាហ្សង់ទីន ចាត់ទុក​ដូចជា​«ព្រះរស់» បានបញ្ចេញ«ថ្វីជើង»គ្មានគូប្រៀប​របស់លោក នាំក្រុមជម្រើសជាតិអាហ្សង់ទីន ឲ្យឈ្នះពាន​បាល់ទាត់​ពិភពលោក ក្នុងឆ្នាំ១៩៨៦។

សម្រាប់ក្រុមបាល់ទាត់ធំៗ នៅក្នុងទ្វីបអ៊ឺរ៉ុប លោក ម៉ារ៉ាដូណា ធ្លាប់បានទាត់ ឲ្យក្រុម​បាសឺឡូន (Barcelone – អេស្ប៉ាញ) រវាងពីឆ្នាំ១៩៨២ មកទល់នឹងឆ្នាំ១៩៨៤ – ក្រុម​ណាប៉ូលី (Napoli – អ៊ីតាលី) រវាងពីឆ្នាំ១៩៨៤ មកទល់​នឹងឆ្នាំ១៩៩១ និងក្រុម​សេវីល (Séville – អេស្ប៉ាញ) រវាងពីឆ្នាំ១៩៩២ មកទល់់នឹងឆ្នាំ១៩៩៣។

បើទោះជាលោក មិនទទួលបានជោគជ័យ ជាដុំកំភួន ជាមួយក្រុមបាសឺឡូន នោះ តែកំពូលតារាបាល់ទាត់ បានលើក​ពានជាច្រើន ជាមួយក្រុម ណាប៉ូលី របស់ប្រទេស​អ៊ីតាលី ទាំងពានបាល់ទាត់​ក្នុងស្រុក និងពាន​បាល់ទាត់​អ៊ឺរ៉ុប។

នៅចុងបញ្ចប់ នៃអាជីពជាកីឡាករ លោក ម៉ារ៉ាដូណា បានត្រឡប់ទៅទាត់ ឲ្យក្រុម​បាល់ទាត់ចំនួនពីរ ក្នុងប្រទេស​អាហ្សង់ទីនវិញ។ តែលោកមិនទទួលបាន​លទ្ធផលល្អទេ ដោយហេតុថា លោកបានបណ្ដោយខ្លួន ឲ្យធ្លាក់ក្នុង​ការញៀនថ្នាំ ឡើងទម្ងន់ និងរឿងរ៉ាវ​អាស្រូវជាច្រើន។

លោកបានសម្រេចចិត្ត ចាកចេញពីអាជីពជាកីឡាករ នៅអាយុ៣៧ឆ្នាំ ហើយបាន​នៅឆ្ងាយ ពីពិភពបាល់ទាត់ រហូត​ដល់ឆ្នាំ២០០៨ ដែលជាឆ្នាំដែលលោក បានក្លាយខ្លួន ជាគ្រូបង្វឹក និងបានដឹកនាំ​ក្រុមជម្រើសជាតិ​អាហ្សង់ទីន។

តែអាជីពថ្មីរបស់លោក ជាគ្រូបង្វឹក មិនទទួលបានផ្លែផ្កាអ្វីឡើយ។ លោកត្រូវបានបញ្ឈប ពីក្រុមជម្រើសជាតិ នៅឆ្នាំ​២០១០ ហើយបាន​មក​ដឹកនាំ ក្រុមបាល់ទាត់ចំនួនពីរ ក្នុងប្រទេសអារ៉ាប់រួម និងក្រុមបាល់ទាត់​ពីរទៀត ក្នុង​ប្រទេស​ម៉ិកស៊ិក៕



You may also like

កីឡា និងបច្ចេកវិទ្យា

បារាំង​ជា​«ប្រទេស​ទី២» ដែល​ដាក់​ស្ត្រី​ជា​អាជ្ញាកណ្ដាល​បាល់ទាត់​អាជីព

បន្ទាប់ពីអាល្លឺម៉ង់ ចាប់ពីថ្ងៃអាទិត្យទី២៨ ខែមេសានេះមក បារាំងបានក្លាយជា​«ប្រទេស​ទី២» ដែលដាក់ស្ត្រីមួយរូប មកធ្វើជាអាជ្ញាកណ្ដាល សម្រាប់ការប្រកួត រវាងក្រុមបាល់ទាត់អាជីពជាបុរស។ អ្នកស្រី «Stéphanie Frappart» បានធ្វើជាអាជ្ញាកណ្ដាល នៃការប្រកួតរវាងក្រុម ...
កីឡាករ លីយ៉ូនែល ម៉េស៊ី ជាមួយបាល់មាសទាំង៦របស់ខ្លួន។ (រូបថតលើទ្វីសធើរ)
កីឡា និងបច្ចេកវិទ្យា

លីយ៉ូនែល ម៉េស៊ី ឈ្នះ​«បាល់មាស»​ជាលើក​ទី៦

បន្ទាប់ពីបានឈ្នះ ពាន់រង្វាន់«បាល់មាស»​ ប្រចាំឆ្នាំ២០០៩, ២០១០, ២០១១, ២០១២, និងឆ្នាំ២០១៥រួច កីឡាករ លីយ៉ូនែល ម៉េស៊ី (Lionel Messi) បានឈ្នះពានរង្វាន់នេះ ...
កីឡា និងបច្ចេកវិទ្យា

ប្រេស៊ីល​លើកពាន​ «Copa América» បន្ទាប់ពី​ប្រកួត​ឈ្នះ​ប៉េរូ ៣-១

ទោះជាត្រូវបន្ថយចំនួនកីឡាករ មកត្រឹមតែ១០នាក់ក្ដី តែក្រុមប្រេស៊ីលដ៏មានទេពកោសល្យ បានរកបានជ័យជំនះយ៉ាងធំធេង នៅក្នុងការប្រកួតផ្ដាច់ព្រ័ត្រ នៃពានរង្វាន់ទ្វីបអាមេរិក ឬហៅថា «Copa América»។ ក្រុមសាំបាដ៏ល្បី បានឈ្នះក្រុមប៉េរូ ដោយគ្រាប់បាល់ ៣-១។ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...