បន្ទាប់ពី​បើកទ្វារ​៦ខែ រាប់ពីខែសីហា ឆ្នាំ២០២០មក ទូរទស្សន៍បាល់ទាត់បារាំងឈ្មោះ «Téléfoot» បានបិទ​ការផ្សាយ​របស់ខ្លួន ជាស្ថាពរក្នុងយប់ថ្ងៃអាទិត្យទី៧ ខែកុម្ភៈ ឆ្នាំ២០២១នេះ។ ការប្រកាសបិទការផ្សាយ ធ្វើឡើង​នៅចុងកម្មវិធី «Vrai Mag» ដែលបាន​ផ្សាយផ្ទាល់ ពីការប្រកួតកីឡាករ រវាងក្រុមគូសត្រូវពីរ ក្នុងប្រទេសបារាំង គឺក្រុមម៉ារសីយ៍ (Olympique de Marseille) និងក្រុម ប៉ារីស (Paris Saint Germain)។

ពិធីការិនីដ៏ល្បី នាង «Anne-Laure Bonnet» បានថ្លែងទាំងអួកអាក់ នៅក្នុងពិធីជួបជុំគ្នាចុងក្រោយ ជាមួយ​ទស្សនិកជនរបស់ខ្លួនថា៖

«យើងបានដាក់ចិត្តដាក់កាយ ទាំងចំណេះដឹង និងបេះដូងរបស់យើង នៅក្នុងកិច្ចការបង្កើត និងដំណើរការ​របស់​ទូរទស្សន៍ តែពេលនេះ វាបានចប់ជាស្ថាពរ (…) ទូរទស្សន៍ “Téléfoot” សូមបញ្ចប់ការផ្សាយរបស់ខ្លួន ក្នុងយប់នេះ។»

«Téléfoot»ត្រូវបានបង្កើតឡើង តាំងពីដើមឆ្នាំ២០២០ និងបានបើកការផ្សាយ នៅក្នុងខែសីហា នៅពេល​ដែល​រដូវកាលបាល់ទាត់ ឆ្នាំ២០២០-២០២១ បានចាប់ផ្ដើមដំបូង។ ទស្សនិកជនទាំងឡាយ ចាំបាច់ត្រូវជាវ​ជាប្រចាំខែ ឬប្រចាំឆ្នាំ ដើម្បីអាចទស្សនា​​ការប្រកួតទាំងនោះ ក្នុងទូរទស្សន៍មួយនេះ។

ដើមហេតុ…

ទូរទស្សន៍ខាងលើបានបញ្ចាំង និងផ្សាយផ្ទាល់ ពីកម្មវិធីប្រកួតបាល់ទាត់បារាំង សឹងតែទាំងស្រុង ដោយហេតុថា សហគ្រាស​មេឈ្មោះ​«MediaPro» ដែលជាម្ចាស់ស្ថានីយ៍ទូរទស្សន៍ បានឈ្នះការដេញថ្លៃ ក្នុងឆ្នាំ២០១៨ ដើម្បី​ទទួលបាន«សិទ្ធិផ្សាយ»​នៃការប្រកួត​ទាំងនេះ សម្រាប់រដូវកាលពីឆ្នាំ២០២០ រហូតដល់ឆ្នាំ២០២៤។

តែផ្ទុយទៅវិញ សហគ្រាសមេខាងលើ ដែលមានស្នាក់ការធំ នៅក្នុងប្រទេសអេស្ប៉ាញ និងមានភាគហ៊ុនធំ មកពី​ប្រទេសចិន មិនបាន​បង់ប្រាក់រំលោះ ជាបណ្ដើរៗ ទៅតាមតម្លៃ ដែលខ្លួនបាន​ដេញថ្លៃ​ឈ្នះឡើយ រាប់ពីដើម​រដូវកាល​នេះមក ដោយយោងហេតុផល នៃជំងឺរាតត្បាត «Covid-19»។

ដោយហេតុនេះ ទើបស្ថាប័ន «LFP» ដែល​គ្រប់គ្រង និងរៀបចំការប្រកួតបាល់ទាត់ ក្នុងប្រទេសបារាំង បានទារយក​សិទ្ធិ​នៃការផ្សាយ​​ត្រឡប់មកវិញ មុននឹងរកបានទូរទស្សន៍​ផ្សេង (Canal + Group) មកផ្សាយជំនួស៕



You may also like

កីឡា និងបច្ចេកវិទ្យា

បារាំង​ជា​«ប្រទេស​ទី២» ដែល​ដាក់​ស្ត្រី​ជា​អាជ្ញាកណ្ដាល​បាល់ទាត់​អាជីព

បន្ទាប់ពីអាល្លឺម៉ង់ ចាប់ពីថ្ងៃអាទិត្យទី២៨ ខែមេសានេះមក បារាំងបានក្លាយជា​«ប្រទេស​ទី២» ដែលដាក់ស្ត្រីមួយរូប មកធ្វើជាអាជ្ញាកណ្ដាល សម្រាប់ការប្រកួត រវាងក្រុមបាល់ទាត់អាជីពជាបុរស។ អ្នកស្រី «Stéphanie Frappart» បានធ្វើជាអាជ្ញាកណ្ដាល នៃការប្រកួតរវាងក្រុម ...
កីឡា និងបច្ចេកវិទ្យា

«FIFA» មិនទទួលស្គាល់ «SuperLeague» និងគម្រាម​ដាក់ទណ្ឌកម្ម

សហព័ន្ធបាល់ទាត់ពិភពលោក «FIFA» បានប្រកាសនៅថ្ងៃព្រហស្បត្តិ៍ ទី២១ ខែមករានេះ មិនទទួលស្គាល់ក្របខណ្ឌ «SuperLeague» ដែលត្រូវបានសារព័ត៌មាន យកមកផ្សាយថា ជាការផ្ដួចផ្ដើមឡើង របស់ក្រុមបាល់ទាត់យក្សមួយចំនួន នៅអ៊ឺរ៉ុប។ ស្ថាប័នអន្តរជាតិ ...
ដំណឹង

ត្រាំ អបអរ​ជ័យជំនះ​ក្រុម​កីឡាការិនី​បាល់ទាត់​អាមេរិក… ជាង​ពីរម៉ោង​ក្រោយ

ប្រធានាធិបតីអាមេរិក លោក ដូណាល់ ត្រាំ (Donald Trump) បានប្រើពេលដល់ទៅ ជាង​ពីរម៉ោង​ក្រោយ ដើម្បីអបអរសាទរជ័យជំនះ របស់ក្រុមជម្រើសជាតិអាមេរិក ដែលបានលើកពានបាល់ទាត់ពិភពលោក ជាលើកទី៤ ក្នុងយប់ថ្ងៃនេះ ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...