កីឡា និងបច្ចេកវិទ្យាបាល់ទាត់

ប្រេស៊ីល​លើកពាន​ «Copa América» បន្ទាប់ពី​ប្រកួត​ឈ្នះ​ប៉េរូ ៣-១

ទោះជាត្រូវបន្ថយចំនួនកីឡាករ មកត្រឹមតែ១០នាក់ក្ដី តែក្រុមប្រេស៊ីលដ៏មានទេពកោសល្យ បានរកបានជ័យជំនះយ៉ាងធំធេង នៅក្នុងការប្រកួតផ្ដាច់ព្រ័ត្រ នៃពានរង្វាន់ទ្វីបអាមេរិក ឬហៅថា «Copa América»។ ក្រុមសាំបាដ៏ល្បី បានឈ្នះក្រុមប៉េរូ ដោយគ្រាប់បាល់ ៣-១។

គឺកីឡាករ «Everton Soares» ដែលរកបានគ្រាប់បាល់ដំបូង ឲ្យក្រុមប្រេស៊ីល ១-០ នៅនាទីទី១៣ ហើយត្រូវបានក្រុមប៉េរូ យកស្មើបានវិញ នៅនាទីទី៤៤ ដោយគ្រាប់បាល់ពិន័យ១១ម៉ែត្រ។ គ្រាប់បាល់ពិន័យនេះ ទាត់បញ្ចូលទីដោយកីឡាករ «Guerrero»។

ប៉ុន្តែនៅក្នុងនាទីបន្ថែម (៤០+៤) នៃពាក់កណ្ដាលម៉ោងទីមួយនេះ កីឡាករ «Gabriel Jesus» បានធ្វើឲ្យក្រុមសាំបាខ្លួន នាំមុខក្រុមប៉េរូជាថ្មី ក្នុងពិន្ទុ២-១។



លុះចូលមកដល់ ពាក់កណ្ដាលម៉ោងទី២ ក្រុមប៉េរូបានបើកការវាយលុយ យ៉ាងខ្លាំងក្លា និងមានឱកាសទាត់បញ្ចូលទី បានជាច្រើនដង តែមិនមានប្រសិទ្ធិភាព គួរឲ្យកត់សម្គាល់ទេ។

មិនមានប្រសិទ្ធិភាព ទាល់តែសោះ បើសូម្បីនៅនាទីទី៧០ កីឡាករ «Gabriel Jesus» ត្រូវបានអាជ្ញាកណ្ដាលពិន័យកាតលឿង ជាលើកទី២ (ស្មើនឹងកាតក្រហម ដែលត្រូវបណ្ដេញចេញ ពីការប្រកួត) បានធ្វើឲ្យក្រុមប្រេស៊ីល នៅសល់កីឡាករ នៅលើទីលាន ត្រឹមតែ១០នាក់ នោះក៏ដោយ។

មិនត្រឹមតែប៉ុណ្ណឹង ខ្សែការពាររបស់ក្រុមប៉េរូ ថែមទាំងប្រព្រឹត្តិកំហុស ដោយប្រើកម្លាំងបុកកីឡាករ «Richarlison» នៅលើតំបន់គ្រោះថ្នាក់ ហើយបើកផ្លូវឲ្យទាត់បាល់ពិន័យ១១ម៉ែត្រ នៅនាទីទី៩០ រកគ្រាប់បាល់ឲ្យក្រុមប្រេស៊ីល បានបន្ថែមទៀត ៣-១។

រាប់ទាំងឆ្នាំនេះ ក្រុមបាល់ទាត់ជម្រើសជាតិប្រេស៊ីល បានឈ្នះពានទ្វីបអាមេរិកខាងលើ ចំនួន៩ដងហើយ។ ប្រេស៊ីលឈរនៅលេខរៀងទី៣ បន្ទាប់ពីប្រទេសអាហ្សង់ទីន ដែលឈ្នះពានបាន១៤ដង និងប្រទេសអ៊ុយរ៉ាហ្គាយ ដែលលើកពាននេះ បាន១៥ដង៕



លំអិតបន្ថែមទៀត

កីឡា និងបច្ចេកវិទ្យា

ប្រធាន​ផុតអាណត្តិ​របស់ ហ្វីហ្វា ត្រូវបានជ្រើសតាំងឲ្យបន្តតំណែង

ប្រធានផុតអាណត្តិ នៃសហព័ន្ធបាល់ទាត់អន្តរជាតិ «ហ្វីហ្វា (FIFA)» លោក «Gianni Infantino» ត្រូវបានជ្រើសតាំងសារជាថ្មី សម្រាប់អាណត្តិទី២របស់លោក ដើម្បីបន្តដឹកនាំ​ស្ថាប័ន​បាល់ទាត់​អន្តរជាតិ​មួយនេះ រហូតដល់ឆ្នាំ២០២៣។ ក្នុងមហាសន្និបាត នៃសហព័ន្ធបាល់ទាត់អន្តរជាតិ ...
កីឡា និងបច្ចេកវិទ្យា

របាយការណ៍មួយ​រកឃើញថា ម៉ារ៉ាដូណា ត្រូវបាន​«ទុកឲ្យស្លាប់»

កំពូលតារាបាល់ទាត់ របស់ប្រទេសអាហ្សង់ទីន កីឡាករ ឌីយ៉េហ្គោ ម៉ារ៉ាដូណា (Diego Maradona) ត្រូវបាន​«ទុកឲ្យស្លាប់» ដោយក្រុមគ្រូពេទ្យ ដែលទទួលបន្ទុកពិនិត្យ​ព្យាបាលអតីតខ្សែប្រយុទ្ធ បន្ទាប់ពីកីឡាករ​រូបនេះ​ត្រូវបាន​បញ្ជូល​ជាបន្ទាន់ ទៅកាន់មន្ទីរពេទ្យ ដោយអាការៈបេះដូង។ ...
កីឡា និងបច្ចេកវិទ្យា

អាល់ហ្សេរី​លើក​«ពាន​ជើងឯក​អាហ្វ្រិក» ដោយ​បំបាក់​សេនេហ្គាល់​១-០

ជាការប្រកួតផ្ដាច់ព្រ័ត្រ ដែលមានលក្ខណៈស្វិតស្វាញ រវាងក្រុមបាល់ទាត់ជម្រើសជាតិ ទាំងសងខាង ដើម្បីដណ្ដើម«ពាន​ជើងឯក​អាហ្វ្រិក»។ តែក្រុមអាល់ហ្សេរី បានទទួលជ័យជំនះ ដោយសារគ្រាប់បាល់ មិនចំទិសមួយ របស់កីឡាករ «Baghdad Bounedjah» ដែលរកបានតាំងពីនាទីទី២។ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.