ដំណឹងពិភពលោក

សេតវិមានការពារ ត្រាំ ថាមាន​«អំណាច​​»​បណ្ដេញ​​មន្ត្រី ដែល​មិន​ស្មោះស្ម័គ្រ

សម្រាប់ក្រុមមន្ត្រី នៅសេតវិមាន បានការពារលោកប្រធានាធិបតី ដូណាល់ ត្រាំ (Donald Trump) ថាលោកពិតជាមានសិទ្ធិ​«អំណាច​​»​ បណ្ដេញ​មន្ត្រី​ណា ដែលមិនស្មោះស្ម័គ្រ ចេញពីតំណែង។

ការលើកឡើង របស់ក្រុមមន្ត្រីទាំងនោះ ធ្វើឡើងខណៈ ការបណ្ដេញលោក «Steve Linick» ចេញពីតំណែង ជាមន្ត្រីអគ្គអធិការកិច្ច ប្រចាំនៅក្រសួងការបរទេស កំពុងបន្តភាព​ពុះកញ្ជ្រោល នៅសហរដ្ឋអាមេរិកនៅឡើយ។

លោក «Peter Navarro» ទីប្រឹក្សាផ្នែកសេដ្ឋកិច្ច ប្រចាំនៅសេតវិមាន បានថ្លែង​ក្នុង​កិច្ចសម្ភាសមួយ ជាមួយទូរទស្សន៍ «ABC» ដូច្នេះថា៖

«មានអ្នកការិយាធិបតេយ្យច្រើននាក់ណាស់ ដែលតាំងខ្លួន ជាប្រធានាធិបតី ជំនួស​លោក ដូណាល់ ត្រាំ។ អ្នកខ្លះហៅករណីនេះ ថាជា”រដ្ឋដុះឬស” ហើយខ្ញុំគិតថា វាសមស្រប​ណាស់។»

ពាក្យ«រដ្ឋដុះឬស (Deep State)» ត្រូវបានលោក ត្រាំ ឧស្សាហ៍​យកមកប្រើណាស់ ជាពិសេស​ដើម្បីបរិហារមន្ត្រីណាស់ ដែលលោកគិតថា រំខានដល់សិទ្ធិ«អំណាច​​» របស់លោក។

លោកទីប្រឹក្សាផ្នែកសេដ្ឋកិច្ច បានបន្តថា៖

«ខ្ញុំនឹងមិនយំ​សោកស្ដាយ អ្វីទេ នៅពេលពួកគេ ចេញពីតំណែង ព្រោះនឹងមានអ្នកផ្សេង មក​ជំនួស ដែលល្អជាង ដែលស្មោះស្ម័គ្រជាង ឬប្រហែលមិនស្មោះស្ម័គ្រ ជាមួយ​លោក​ប្រធានាធិបតី តែក៏ត្រូវ​ស្មោះស្ម័គ្រ ជាមួយ​កម្មវិធី​នយោបាយ របស់លោក ត្រាំ ដែរ។»

សម្រាប់លោក «Ron Johnson» សមាជិកព្រឹទ្ធសភា មកពីគណបក្សសាធារណរដ្ឋវិញ បានលើកឡើង នៅលើបណ្ដាញទូរទស្សន៍ «CNN» ថា៖

«ខ្ញុំនឹងមិនបង្ហូរទឹកភ្នែកក្រពើរ មួយតំណក់ឡើយ [ចំពោះការបណ្ដេញលោក Steve Linick]។»

លោកព្រឹទ្ធសមាជិក បានថ្លែងថា មានមន្ត្រីអគ្គអធិការកិច្ចខ្លះ ធ្វើកិច្ចការ​តាមនិន្នាការ​នយោបាយ និងខ្លះធ្វើការ បានល្អប្រសើរណាស់។ លោកថា៖

«តែនៅទីបំផុត មន្ត្រីទាំងនោះ ត្រូវតែធ្វើការ សម្រាប់ប្រធានាធិបតី ហើយលោក​ប្រធានាធិបតី ពិតជាមាន​សិទ្ធិអំណាច ក្នុងការជ្រើសរើស​ យកពួកគេ ឬបណ្ដេញ​ពួកគេ​ចោល។»

តែអ្នកស្រី «Nancy Pelosi» ប្រធានសភា ដែលមកពីគណបក្សប្រជាធិបតេយ្យវិញ បានប្រតិកម្ម នៅតាមបណ្ដាញទូរទស្សន៍ «CBS» តបវិញថា៖

«ប្រធានាធិបតីមានសិទ្ធិអំណាច ក្នុងការបណ្ដេញ មន្ត្រីរដ្ឋការណា ក៏បានដែរ តែប្រសិន​ជារឿងនេះ គឺជាការសងសឹក ឬគំនុំគុំគួន (…) វាអាចទៅ ជារឿងខុសច្បាប់វិញ។»

កាលពីថ្ងៃសៅរ៍ ក្រុមអ្នកតំណាងរាស្ត្រ មកពីគណបក្សប្រជាធិបតេយ្យ បានបើក​ការស៊ើប​អង្កេតមួយ ក្នុងកម្រិតសភាជាតិ ទៅលើការបណ្ដេញលោក «Steve Linick» ចេញពី​តំណែង។

ការស៊ើបអង្កេតនោះ មានបំណងចង់ដឹងថា តើលោក ត្រាំ មានបំណង ចង់រារាំងលោក «Steve Linick» ក្នុងការបើកសំនុំរឿង អង្កេតលើលោក ម៉ៃ ភមភីអូ (Mike Pompeo) រដ្ឋមន្ត្រីការបរទេស ឬយ៉ាងណា។

ប្រមុខការទូតអាមេរិក លោក ម៉ៃ ភមភីអូ បាន​រង​ការចោទប្រកាន់ផ្ទៃក្នុងថា លោក​បាន​ប្រើមន្ត្រីម្នាក់ របស់ក្រសួង ឲ្យធ្វើ​កិច្ចការផ្ទាល់ខ្លួន របស់លោក និងរបស់​ភរិយា​លោក។

តាមច្បាប់អាមេរិក នីតិប្រតិបត្តិ ត្រូវជូនដំណឹង ទៅរដ្ឋសភា ចំនួន៣០ថ្ងៃមុន អំពីបំណង ដែលចង់ដក​អគ្គអធិការកិច្ចណាម្នាក់ ចេញពីតំណែង។ ពេលវេលានេះ នឹងអនុញ្ញាត​ឲ្យ​រដ្ឋសភា អាចមានពេល ដើម្បីធ្វើការជំទាស់ ទល់នឹងការដក​មន្ត្រីរូបនោះ​ចេញ។

តែនីតិវិធីនេះ មិនដែលត្រូវបាន រដ្ឋបាលលោក ត្រាំ យកមកអនុវត្តន៍ទេ នៅក្នុង​ការបណ្ដេញ​មន្ត្រីបួនរូប ចេញពីតំណែង​​ជាអគ្គអធិការកិច្ច កាលពីពេល​កន្លងមក៕



លំអិតបន្ថែមទៀត

ដំណឹង

តៃវ៉ាន់​បន្តធ្វើសមយុទ្ធ​«វាយបកសត្រូវ» ដោយប្រើគ្រាប់ពិត

«វាយបកសត្រូវ» ជាឈ្មោះសមយុទ្ធ ដោយប្រើគ្រាប់ពិត ដែលកោះតៃវ៉ាន់បានបន្តធ្វើ ក្នុងថ្ងៃព្រហស្បត្តិ៍នេះ បន្ទាប់ពីប្រទេសចិន បានបញ្ចប់សមយុទ្ធដ៏សម្បើមរបស់ខ្លួន នៅជុំវិញកោះ កាលពីមួយថ្ងៃមុន។ ប៉ុន្តែកោះតៃវ៉ាន់ បានថ្លែងយ៉ាងប្រយ័ត្នប្រយែង ថាសមយុទ្ធ​«វាយបកសត្រូវ»​របស់ខ្លួន គ្មានបំណងប្រឆាំង​នឹងសមយុទ្ធរបស់​ចិនកុម្មុយនីស​នោះទេ។ ...
ដំណឹង

ដូណាល់ ត្រាំ អាចនឹងត្រូវ​ហាមឃាត់ ការឈរឈ្មោះ​ជាប្រធានាធិបតី

ដោយសារលោក ដូណាល់ ត្រាំ (Donald Trump) អស់តំណែងជាប្រធានាធិបតីហើយនោះ ដូច្នេះសវនាការនៅព្រឹទ្ធសភា ជុំវិញ​ការចោទប្រកាន់​ប្រឆាំងរូបលោក អាចនឹងសម្រេចទៅ ដោយការហាមឃាត់ ការកាន់តំណែង ក៏ដូចជា ការឈរឈ្មោះ​ជាប្រធានាធិបតី ...
ដំណឹង

ទីភ្នាក់ងារ​ឃ្លាំមើល​រដ្ឋាភិបាល​ឲ្យដក​ទីប្រឹក្សា​ប្រធានាធិបតី ត្រាំ ចេញ​ពីតំណែង

មនុស្សជំនិតម្នាក់ របស់ប្រធានាធិបតីអាមេរិក ដូណាល់ ត្រាំ (Donald Trump) គួរត្រូវបណ្តេញចេញពីតំណែង។ នេះបើតាមរបាយការណ៍មួយ របស់ទីភ្នាក់ងារឃ្លាំមើលរដ្ឋាភិបាល របស់សហរដ្ឋអាមេរិក ហៅកាត់តាមភាសាអង់គ្លេសថា «OSC»។ ទីភ្នាក់ងារ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...