វីដេអូដ៏តក់ស្លុត នៃការទន្ទ្រានវិមានកាពីតូល ដែលមានរយៈពេលច្រើនជាង១៣នាទី ត្រូវបានក្រុមរដ្ឋអាជ្ញា មកពីគណបក្ស​ប្រជាធិបតេយ្យ ចាក់បញ្ចាំងក្នុងសវនាការថ្ងៃដំបូង ដើម្បីឈានទៅ​បណ្ដេញលោក ដូណាល់ ត្រាំ (Donald Trump) ចេញពី​អំណាច ដែលប្រព្រឹត្តិទៅ​ក្នុងព្រឹទ្ធសភាអាមេរិក កាលពីថ្ងៃពុធ ទី១០ ខែកុម្ភៈនេះ។

ប្រយ័ត្ន៖ វីដេអូដ៏តក់ស្លុត អាចធ្វើឲ្យប៉ះពាល់អារម្មណ៍

រូបភាពវីដេអូដ៏វែងអន្លាយ តែត្រូវបានបង្រួម មកត្រឹមជាង១៣នាទី ជាការកាត់តភ្ជាប់គ្នា រវាងវីដេអូដែលទទួលបាន ពីច្រើនប្រភព ក្នុងនោះមានវីដេអូផ្លូវការ នៃរដ្ឋបាល​លោក​ប្រធានាធិបតី ដូណាល់ ត្រាំ វីដេអូនៃកាម៉េរ៉ាសុវត្ថិភាព​របស់វិមាន​កាពីតូល វីដេអូនៃ​កាម៉េរ៉ាសុវត្ថិភាព​របស់ភ្នាក់ងារនគរបាល និងវីដេអូរបស់ក្រុមកុបករ ដែលបានថតផ្ទាល់ ពេលពួកខ្លួន​ចូលមកកាន់កាប់វិមានកាពីតូល កាលពីថ្ងៃទី៦ ខែមករាកន្លងទៅ។

ពីក្នុងរូបភាព​វីដេអូទាំងនោះ គេឃើញសមាជិកព្រឹទ្ធសភា លោក មីដ រូមនី (Mitt Romney) ដែលធ្លាប់ជាបេក្ខជនប្រធាធិបតី មកពីគណបក្សសាធារណរដ្ឋ និងលោក ម៉ៃ ផេន (Mike Pence) អនុប្រធានាធិបតីរបស់លោក ដូណាល់ ត្រាំ រត់ភៀសខ្លួន គេចចេញពីការសម្រុកចូល នៃក្រុមកុបករ ដែលស្រែករកពួកលោក។

តាមរយៈវីដេអូនេះ ក្រុមរដ្ឋអាជ្ញា​ដែលជាអ្នកចោទប្រកាន់ មានបំណងដាក់ការទទួលខុសត្រូវ ទៅលើលោក ដូណាល់ ត្រាំ នៅក្នុង​ការទន្ទ្រានចូលវិមានកាពីតូល ដោយហៅអតីតប្រធានាធិបតីទី៤៥រូបនេះ ថាជា«មេញុះញង់» នៃព្រឹត្តិការណ៍ថ្ងៃទី៦ ខែមករា ឆ្នាំ២០២១ ដែលបានបណ្ដាល​ឲ្យមនុស្ស​៧នាក់ស្លាប់ និងជាង១៤០នាក់រងរបួស។

ខាងក្រោមនេះ ជាវីដេអូមួយទៀត ថតដោយអ្នកសារព័ត៌មាន នៃទស្សនាវដ្ដី «The New Yorker» ដែលបានស្ថិតក្នុងហ្វូងកុបករ ដើម្បីថតពីព្រឹត្តិការណ៍ខាងលើនេះ៖



You may also like

តន្ត្រី

ផ្សាយផ្ទាល់​ពី​កម្មវិធី​«One World: Together At Home»

ដើម្បីស្វែងរកមូលនិធិ ប្រយុទ្ធប្រឆាំង ទល់នឹងជំងឺ «Covid-19» កម្មវិធី «One World: Together at Home» មួយត្រូវបានរៀបចំឡើង ដោយរួមប្រជុំកំពូលតារាៗ ល្បីៗនៅក្នុងពិភពលោក ...
ដំណឹង

ការស្លាប់របស់ ជច៍ ផ្លយ៖ ស្ត្រីពិការ​ជិះ​រទេះ​ម្នាក់ រង​ការ​វាយប្រហារ

រូបភាពដ៏តក់ស្លុត នៅក្នុងវីដេអូជាច្រើន ដែលត្រូវបានយកមកបង្ហោះ នៅលើបណ្ដាញ​សង្គម បង្ហាញថា ស្ត្រីពិការ​ជិះ​រទេះ​ម្នាក់ ត្រូវបានក្រុមមនុស្ស វាយតប់ បន្ទាប់ពីស្ត្រីរូបនេះ ប៉ុនប៉ង​រារាំង​ពួកគេ មិនឲ្យចូលទៅលួចឆក់ឥវ៉ាន់ ឬទំនិញ នៅក្នុងហាង ...
ដំណឹង

ជនសង្ស័យបំផ្ទុះ​រថយន្ដកំពីងនៅ «Nashville» បានស្លាប់​ក្នុងការផ្ទុះនោះ

បុរសដែលរងការសង្ស័យ បានបំផ្ទុះរថយន្ដកំពីង កណ្ដាលក្រុង«Nashville» (រដ្ឋ Tennessee) កាលពីព្រហាម​ថ្ងៃបុណ្យ​ណូអែល បានស្លាប់​ក្នុងការផ្ទុះនោះ ដែលទំនងជាការធ្វើអត្តឃាត។ នេះបើតាមការអះអាង របស់អាជ្ញាធរក្រុង ដែលបានចេញផ្សាយព័ត៌មាននេះ ក្នុងល្ងាចថ្ងៃអាទិត្យ ទី២៧ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...